Rɔmu minin 2:29 - LAWA A BOO SONBORE 2011

²⁹ Gɔ́ɔ̃ wɔ n min biɛ Zuifu taãn lɛa, kurii n boe foo li, Lawa a Yiri Fu barka nɛ, sɛnɛ Lawa a boo kiɛ̃ kɛ dinsɔɔ̃ barka bie wa. Bɛa Zuifu taãn kɛ a tɔ bɔ bie boe minbuiinin li wa sɛnɛ, a n boe Lawa li.

LAWA A BOO SONBORE

²⁹ Gɔ́ɔ̃ wɔ n min biɛ Zuifu taãn lɛa, kurii n boe foo li, Lawa a Yiri Fu barka nɛ, sɛnɛ Lawa a boo kiɛ̃ kɛ dinsɔɔ̃ barka bie wa. Bɛa Zuifu taãn kɛ a tɔ bɔ bie boe minbuiinin li wa sɛnɛ, a n boe Lawa li.

Rɔmu minin 2:29 ပူးပေါင်းရင်းမြစ်များ

KZS1 29:17

Maa Lawa, máa doɛ̃, máa n tá giɛ̃ wɔ gɔ́ɔ̃ ganaa, màn mɛn bɛ́ pepere bɛ n kɔɔ̃nɛ n ganaa. Man ma bɔ ma din ni má n gɔn mànan kɛn kɔ n la, ka ma foo tumaa nɛ. Ma yii tá a ganaa kanna, ka foo kɔɔ̃n nɛ, n zaman nə́ n sɔkɔn ǹ nə́ zɛnɛɛ ka a din yɔrɔ lɛ nɛ.

Loen 45:13

Bɛa biikoo li, Tiiri minin kɛn, pàãma lɛa ǹ nə́ la min tumaa nɛ, bɛn tá re gɔn màn boe ǹ da kɔ n la, mà ǹsɛn man nə n mɛ boe n ne.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Zeremii 4:4

Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

Zeremii 9:25

Sonbore, Ezipti minin ni, Zudaa minin ni, Edɔmu minin ni, Amɔn tɔrɔn nɛ, Moabu minin ni, ka diə gole minin kɛn nɛ n karazɔɔ ka koɛ̃, bɛn kuriimaa bie wa. Izirayeli minin lɛn dininmaa kuriimaa bie masɛ Dɛnaa Lawa yii li wa.

Luku 11:39

Dɛnaa Yezu pɛ nɛ: «Á ke, kasɛn Fariziɛ̃n lɛn man kɛnɛn: Ka n paan laanka kunun dɔ̀ɔ̃ pii, mà ǹ *yoreen kɔ. Sɛnɛ, ka dinin gɔ́ɔ̃ kɛ piɛ̃maa nɛ ka mɛnaa minin la ǹ taasiɛn nɛ ka baraabaa nɛ.

Luku 17:21

Min ba re boe la a pɛ mà á ke kànaa, hinlaa mà á ke kɛnɛn nɛ wa. Mà Lawa ná a kiibaa lɛ koa ǹ bii gɔrɔ dɔn!

Zaã a sɛ́wɔ 12:43

A giala, minbuiinin nə ǹ tɔ bɔ, bɛ́ kɔɔ̃n kɔ ǹ ganaa á la Lawa wɔ nɛ.

Zaã a sɛ́wɔ 4:23

Sɛnɛ, biikoo á die, á n giala kɔ dinin, minin tá re Díi Lawa guguru koe a yɔrɔ sonbore li, ka Yiri Fu bɛ́ nyɛɛ ǹ nɛ lɔn. Min mɛnɛn bɛ́ Lawa guguru koe miɛ̃, a n giɛ bɛ miã dɛnan lɛn li.

Zaã a sɛ́wɔ 5:44

Ka n siɛ lɔn ka tɔn golee masɛ li, kasɛn mɛnɛn bɛ́ giɛ tɔ li kɔn li, a da yaa tɔ mɛn bɛ́ boe Lawa dinsɔɔ̃ li ka a giɛ bɛ li wa?

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 2:27

Bɛa soroma kɛ lɛ gɔ̀nɔn siĩ wɔ gɔn la, bɛ lɛ n die kiri kuri nsɛ Zuifu lɛ la. A laanɛ n tá kurii ni, n nə́ Lawa a dí-pɛn doɛ̃, n bɛ́ n nə́ ǹ bɔlɔ tii. A da yaa soroma kɛ lɛ n koe ǹ lɛ a tá ǹ zɛnɛɛ.

Rɔmu minin 3:1

Wàa mɛn là n Zuifubaa lɛ nɛ, á la tɔrɔ kɔsɔbaa nɛ? Mìi tá kurii wolebaa lɛ la ya?

Rɔmu minin 7:6

Sisia, Lawa wɔ si dí-pɛn la. Siin mɛnɛn nə goã wɔ yii lɛlɛ ka kaka, wɔ n goon ka geren ne bɛn wɔ a paǹ li kanna. Bɛ lɛ nɛ, wɔ bie dí nyɛɛ Lawa-n doo á kɔnpii ka sii zɛnaa ǹ gɔn zizi kɛ nɛ a din a dí-pɛn boo kiɛ̃ kɛ-n wa. Lawa din a Yiri Fu n pàã koe wɔ la, wɔ n dí nyɛɛ nɛ sisia, á kɔnpii ka sii zɛnaa ǹ gɔn dii ni.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Korɛnti1 7:19

Kurii a màn kɔn lɛa wa, kuriibaã dɔ a màn kɔn lɛa wa. Lawa a dí-pɛn lɛ si dinsɔɔ̃ n sii taãn lɛa.

Korɛnti2 10:18

Ka boo taãn nɛ, min mɛn bɛ́ n din laakalɛɛ, ǹ dɛnaa a tɔ sonbore yii wa, sɛnɛ, Dɛnaa bɛ́ min mɛn laakalɛɛ, bɛ n tɔ sonbore yii.

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Timəə dí-pɛn 10:16

A bɛ́ miɛ̃ kəni, ka n dinin kɔ lenlen, ka nyan toa ka n too laa wa.

Timəə dí-pɛn 30:6

Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Tesaloniki1 2:4

Sɛnɛ, wɔ ǹ boo diɛ biikoo yii li, á n kɔnpii ka Lawa dùũ ni, a giala, Lawa ga wɔ ganaa dí lɛ a nyalin lɛa, á tɔ́n Boo Tii Kɔɔ̃n pɛ ǹ dí kɛ kɔ wɔ la. Wɔ bie giɛ li wáa wɔ sii kɔɔ̃n kɔ minbuiinin ganaa wa, wɔ ǹ giɛ li wáa wɔ sii kɔɔ̃n kɔ Lawa ganaa, asɛ mɛn bɛ́ minbuiinin gɔ́ɔ̃gɔ́ɔ̃ ǹ taasiɛ doɛ̃.

Piɛrɛ1 3:4

Sɛnɛ, kaa siĩnbaa lɛ goã foo wɔ kɛ lɛa, bɛa siĩnbaa kɛ lɛ a kiɛ̃ wa, a n boe foo-basiɛ̃ laanka ga là nyantoro li ǹ taasiɛ nɛ, bɛ lɛ n soɛ màn tumaa nɛ Lawa yɔrɔ-a.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»