Rɔmu minin 16:18 - LAWA A BOO SONBORE 2011

¹⁸ A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

LAWA A BOO SONBORE

¹⁸ A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Rɔmu minin 16:18 ပူးပေါင်းရင်းမြစ်များ

Samayeli2 15:6

Izirayeli minin lɛn mɛnɛn tumaa goã woe kii li ka kiri sii ni mà a na a yɔrɔ bɔ, Abusalɔn na á goã zɛnɛɛ bɛn tumaa-n miɛ̃. Abusalɔn na á goã Izirayeli minin lɛn mìi doe ǹ li, a tá n din sii kɔɔ̃n koe ǹ ganaa ka bɛa yɔrɔ lɛ nɛ.

KZS2 18:5

Izirayelin kii Lawa a boo gii-dalin sɔkɔn kəni. Maǹ min biɛsii (400). Akaabu nɔ̀n da ǹ la kɛnɛn: «Wɔ doamaa nɛ wɔ wo zia baa Ramɔti kiwi Galaati gána nɛ wɔ si hinlaa wɔ a lɛ da?» Lawa a boo gii-dalin na á lɛ si: «N tá boe la n woo. Lawa á re kiwi lɛ we n gɔn.»

Loen 119:130

N boon lɛn doɛ̃ tá min yiri fúli. A tá yiri koe yiriwɛɛnaa la.

Loen 12:2

N dɔ ma lɛ, Dɛnaa Lawa! Min sonbore din banban doo wa. Foo doama a wole din ba minbuiinin bii doo wa.

Loen 19:7

A n soe lon paǹ goon ganaa, a wo a baa giala nyɔmɔɔ a paǹ kɔsɔ kɛ ganaa, a fuubaa ná a màn kɔn pusii wa.

Suusun 14:15

Ń bɛ́ boo mɛn tumaa diɛ yiriwɛɛnaa nɛ, a n gole li. Sɛnɛ, min mɛn bɛ́ boe a din la bɛ nə n taasɛ bɔrɔ.

Suusun 22:3

Bɛ̀ koe á die, yiridɛnaa nə n mìi duri. Yiriwɛɛnaa sɛ na a zii tɔ we yǎa sii yii.

Suusun 8:5

Kasɛn mɛnɛn doɛ̃ bɛ́ a tɛ wa, ka n daraa sii giala ma ganaa. Kasɛn mɛnɛn bɛ́ yiriwɛɛnaan lɛa, ka ga sii-doɛ̃ li.

Zeremii 23:17

Min mɛnɛn bɛ́ masɛ diɛ yaa lɛa, maǹ pii kɛnɛn: Dɛnaa Lawa pɛ: «Kaa wɔ á re bǐɛ̃ koe!» Min mɛnɛn bɛ́ koe ǹ dinin taasiɛ baraan lɛ, maǹ pii bɛn manɛ: «Baraa a re ka yii wa!»

Ezekieli 13:16

Ǹ dinin Izirayeli gána a Lawa a boo gii-dalin lɛn mɛnɛn dɔn dinin nə goã boo diɛ Zeruzalɛmu wɔ paǹ li ǹ nə́ pii mà là nyantoro tan a da yaa là nyantoro din banban, bɛa boo gii-dalin lɛn dɔn dinin banban doo wa. Masɛ Dɛnaa Lawa a da ǹ boo ne.»

Ezekieli 13:19

Ka masɛ yii puusə kɔ, maa zaman lɛ yɔrɔ-a, *ɔrzi gɔn yii goon a lɛa ka buuru lɛkoron ne. Ka doamaa bɛ́ nɛ ka min mɛnɛn yii toa koo, ka n bɛn dii; ka doamaa bɛ́ nɛ ka min mɛnɛn dɛ, ka ǹ bɛn yii toɛ koo. Maa zaman lɛ bɛ́ a ba n mìi bibiĩ doɛ̃ wa, ka nə ǹ yiri siɛ̃ ka bɛa yɔrɔ lɛ nɛ.»

Danayeli sɛ́wɔ 11:34

Ǹ bɛ́ re bɛa fuu kɛ lɛ yii ǹ mɛn waáraa, min gigiã a re yii a n dɔ ǹ lɛ wa. A giala, zaman gigiã n die kiɛ kunun ǹ ni, sii kɔsɔ nə́ ǹ gɔ́ɔ̃ nɛ.

Misee 3:5

Lawa a boo gii-dalin mɛnɛn bɛ́ Dɛnaa Lawa a zaman kɛ yiri siɛ̃, Dɛnaa Lawa na á kɛ pɛ bɛn wɔ paǹ li: «Bɛ̀ min mɛn gɔn màn tá ǹ lɛ-n, maǹ là nyantoro boo diɛ bɛa dɛnaa nɛ. Bɛ̀ min mɛn gɔn màn ba ǹ lɛ-n wa, maǹ zia yɔrɔ diɛ bɛa dɛnaa la.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Matiə 24:11

Min gigiã á re n dinin biɛ Lawa a boo gii-dalin lɛa ǹ daa, ǹ tá re min gigiã yiri siɛ̃.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Matiə 6:24

Min kɔ́n ba boe la a dí nya mìinaa paa-n wa. Bɛ̀ min bɛ zɛnaa, a n die goon biɛ zɔ́ɔ, a goon narɛ, a n die goon bɔlɔ sii, a goon kɛ puusə kɔ. Ka a boe la ka n dinin kɔ Lawa la, ka n dinin kɔ wɔrɔ dɔ la wa.

Matiə 7:15

Min mɛnɛn bɛ́ Lawa a boo gii-dali soɛ-bɔlen lɛa, ka n parabaa bɛn nɛ. Maǹ die ka li basiɛ̃-n ka sèren bɛ́ lɔn, a da yaa ǹ gɔ́ɔ̃ kɛ n baraa ka don gin basaã-kɔlen manɛ.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Rɔmu minin 14:18

Min mɛn bɛ́ dí nyɛɛ Krita nɛ bɛa yɔrɔ kɛ lɛ la, bɛa dɛnaa n kɔɔ̃n Lawa ganaa, ka minbuiinin dɔn nɛ.

Rɔmu minin 16:19

Sonbore, min tumaa tá kaa Lawa bɔlɔ-sii kɛ doɛ̃. Bɛ lɛ na á toa, ma tá n nyɛnyɛɛ kaa lɛa. Sɛnɛ, man giɛ li ka ga sii bǐɛ̃ zɛnaa li, ka bɛa dɔ̃lin baa, ka baran ga sii baraa zɛnaa li, ka bɛa dɔ̃lin baa wa.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Korɛnti2 2:17

Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.

Filipi minin 2:21

Gialakun kɛ tumaa nə n taasɛ ka ǹ dininmaan siin ni, ǹ ba n taasɛ ka Yezu Krita wɔn nɛ wa.

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Kolɔɔsi minin 2:4

Man bɛ pii ka nɛ, màn mɛn bɛ́ toɛ, min kɔ́n baran boo la, a ka yiri sã ka lɛ gɔ́ɔ̃ paparɛ boon ne wa.

Kolɔɔsi minin 3:24

Bɛ̀ ka á zɛnɛɛ miɛ̃, ka dɔ̃ mà Dɛnaa din nə n lɛ kɔ a minin la ka màn mɛn nɛ, á re ka sarɛɛ ka bɛ nɛ. Krita n goledɛnaa taãn lɛ lɛa, ka n dí nyɛɛ a din lɛ nɛ.

Tesaloniki2 2:10

Min mɛnɛn bɛ́ re bɔ̀n biɛ, á re baraabaa zɛnɛɛ a yɔrɔ din tumaa li, a bɛn yiri sã nɛ. Maǹ die bɔ̀n biɛ, a giala, sonbore mɛn bɛ́ ǹ kirisibiɛ, ǹ lɛ kɔ bɛ lɛ ganaa lɛlɛ ǹ nə́ narɛ wa.

Timote1 6:5

ka liere bibiɛn nɛ. Ǹ yiri tumaa ziziɛ̃, ǹ ba sonbore doɛ̃ doo wa. Maǹ taasɛ mà golee Lawa li lɛ n ga màn li ǹ sii lɛa.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Zude 1:12

Biikoo mɛn waáraa, bɛ̀ ka á dɔɔ̃nbaa ǹ màn bii kun, soɛ-bɔlen kɛn lɛn man wɔ̀lɔ̀ baraa lɛa kaa sii-zɛnaa ganaa, a giala, ǹsɛn man sii lɛ zɛnɛɛ ka sìi doɛ̃baã nɛ, ǹ nə́ ǹ ba n yiri koɛ ǹ miãn nɛ wa, yǎa ǹ dinin. Maǹ kɔnboe ka labaran mɛnɛn bɛ́ piɛ̃ nə́ ǹ siɛ kiɛ̃ ǹ nɛ, ǹ nə́ ǹ ba la mu koe wa. Maǹ goon dɔn ka dan mɛnɛn bɛ́, ta ǹ nɛ-kɔ waáraa nɛ, ǹ ba nɛ koe wa; dan manɛ, ǹ gòonən nə́ bɔyaa lenlen, ǹ nə́ gã ǹ nə́ laa.

Zude 1:16

Biikoo tumaa waáraa, ǹ dinin lɛn man zùũzùũ sii, ǹ nə́ min kɔsɔn zɛ̀rɛ biɛ. Maǹ koe ǹ dinin dùũ sii babaraan kɛn dininsɔɔ̃nɔn lɛ. Maǹ nə ǹ dinin gole kɔ ǹ boon diɛ. Maǹ min kɔsɔn bebele ǹ dinin là a lɛa.

Sii-nyaan 1:1

Yezu *Krita siin mɛnɛn nyaa, bɛa sɛ́wɔ n ke. Lawa na á ǹ kɔ la, mà siin mɛnɛn bɛ́ re n zɛnɛɛ kànaa ka boɛɛn nɛ, mà a ǹ nyaa a bɛ̀rɛn manɛ. Yezu ná a lon a dia dí-a wole dia a bɛ̀rɛ Zaã la, mà a bɛn nyaa nɛ.

Samayeli1 2:29

Wàa na á baa ka tá barka boe masɛ a wúlu màn lɛ laanka masɛ gɔ ǹ màn lɛ nɛ? Ma bɛ́ máa ka ǹ mɛnɛn bɔ maa kion. Wàa na á baa Elii ná a nɛnyaanan narɛ á la masɛ nɛ, a giala, manə ǹ dinin toe ka masɛ a zaman, Izirayeli nɛnyaanan gɔn màn tumaa a sonbore ne.