Rɔmu minin 15:7 - LAWA A BOO SONBORE 2011

⁷ Ka lɛ kɔ kɔn ganaa, ka Krita din bɛ́ á lɛ kɔ ka ganaa lɔn ke, á Lawa tɔ bɔ.

LAWA A BOO SONBORE

⁷ Ka lɛ kɔ kɔn ganaa, ka Krita din bɛ́ á lɛ kɔ ka ganaa lɔn ke, á Lawa tɔ bɔ.

Rɔmu minin 15:7 ပူးပေါင်းရင်းမြစ်များ

Matiə 10:40

Bɛ̀ min mɛn nə́ ka kũ doɛ̃ bɛa dɛnaa na á masɛ kũ doɛ̃; bɛ̀ min mɛn masɛ kũ doɛ̃ bɛa dɛnaa na á masɛ a dia wole kũ doɛ̃.

Marki 9:37

«Bɛ̀ min mɛn lɛ kɔ á nɛnyaan kɛ miã kũ doɛ̃ masɛ tɔ taman yii, bɛa dɛnaa na á lɛ kɔ masɛ dinmaa lɛ ganaa. Bɛ̀ min mɛn dɔ́ lɛ kɔ masɛ ganaa, bɛa dɛnaa bie á lɛ kɔ masɛ dinsɔɔ̃ ganaa wa, sɛnɛ ma dia wole.»

Luku 15:2

*Fariziɛ̃n laanka landa sii-daraalin nə́ goã zùzùũ sii. Maǹ nə́ goã pii: Giĩ kɛ n lɛ koe sii baraa-zɛnaalin-a, a n màn dɔ din bii kunun ǹ ni.

Luku 9:48

á pɛ ǹ nɛ: «Bɛ̀ min mɛn lɛ kɔ, á nɛnyaan kɛ miã kũ doɛ̃ masɛ tɔ taman yii, bɛa dɛnaa na á lɛ kɔ masɛ din ganaa. Bɛ̀ min dɔ lɛ kɔ masɛ-a, bɛa dɛnaa na á lɛ kɔ masɛ a dia wole ganaa. A giala min mɛn bɛ́ n din kiɛɛrɛ koe ka bii, bɛa dɛnaa lɛ n gole ka tumaa nɛ.»

Zaã a sɛ́wɔ 13:34

Man dí-pɛ dii koe ka la: Ka kɔn narɛ. Masɛ ka narɛ lɔn, ka dɔn nə kɔn narɛ miɛ̃.

Zaã a sɛ́wɔ 6:37

Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Rɔmu minin 15:9

Krita lɛ na á daa, màn mɛn bɛ́ toɛ, tɔrɔ kɔsɔn mɛnɛn bɛ́ ǹ ba Zuifun lɛa wa, bɛn dɔn nə Lawa tɔ bɔ, a bǐɛ̃baa a lɛa. A na á n kiɛ̃: «Bɛ lɛ taman yii ni ma á re n guguru koe tɔrɔ kɔsɔn bii, ma á re loe loe man tɔ bɔ nɛ.»

Rɔmu minin 5:2

A giala, a na á zii bũ wɔ nɛ, wɔ́ boo la wɔ́ n mɔrɔ Lawa a bǐɛ̃baa lɛ ganaa. Wɔ n wɔ́ lɛ kɔ bɛa bǐɛ̃ lɛ ganaa, golee Yezu li barka nɛ, wɔ na a din bǐɛ̃ kɛ lɛ gɔ́ɔ̃ nɛ, haalɛ ka pelo yii ni. Sisia kəni, wɔ foo á kɔɔ̃nɛ, a giala, wɔ á waa-n la, wáa Lawa á re toɛ wɔ wɔa wɔ gii yɛ a din a gugurubaa kɛ nɛ.

Efɛɛzi minin 1:12

mà wɔ asɛ a gugurubaa kɛ laakalaa, wɔsɛn Zuifun mɛnɛn bɛ́ wɔ n foo doa Krita ganaa bibinaanɛ.

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Kolɔɔsi minin 3:13

Ka toa ka kɔn a sii si ka ganaa. Bɛ̀ min tá taasɛ mà ǹ miã sã á wɔ a lon, ka kɔn a sã toa kɔn nɛ. Ka Dɛnaa din bɛ́ á kaa sii baraan toa ka-n lɔn, ka dɔn nə zɛnaa miɛ̃.