Rɔmu minin 10:3 - LAWA A BOO SONBORE 2011

³ Sonbore, Lawa bɛ́ lɛ koe minin-a min peperen lɛa ka yɔrɔ mɛn nɛ, ǹ bɛ dɔ̃ wa. Maǹ nə́ ga ǹ dinin wɔ a yɔrɔ li. Bɛ lɛ na á toa, ǹ lɛ kɔ Lawa wɔ a yɔrɔ kɛ lɛ ganaa wa.

LAWA A BOO SONBORE

³ Sonbore, Lawa bɛ́ lɛ koe minin-a min peperen lɛa ka yɔrɔ mɛn nɛ, ǹ bɛ dɔ̃ wa. Maǹ nə́ ga ǹ dinin wɔ a yɔrɔ li. Bɛ lɛ na á toa, ǹ lɛ kɔ Lawa wɔ a yɔrɔ kɛ lɛ ganaa wa.

Rɔmu minin 10:3 ပူးပေါင်းရင်းမြစ်များ

Nehemii 9:33

Sii mɛn tumaa wɔ yɛ, bɛ wɔ paǹ li, ń peperebaa ǹ sii zɛnaa, a giala, ń nə́ n din nyaa bɔlɔgoondɛnaa lɛa, sɛnɛ, wɔsɛn man wɔ́ baraabaa ǹ sii zɛnaa.

Zɔbu 33:27

Bɛa biikoo li, á re loe loe minin yɔrɔ-a, a pɛ: «Má sii baraa zɛnaa, ma kɔ zii lɛ wa. Sɛnɛ, Lawa ma kũ maa sii baraa li wa.

Loen 71:19

Lawa! N peperebaa lɛ á gole, á la yii ni, ń dí dadaran dɔn nya. Lawa! N miã banban.

Izayii 51:1

Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.

Izayii 51:6

Ka n yii saa lon, ka ga. Ka n yii kɔ, ka ga tán. Lon tá re papaɛ̃ ka tɛmaa bɛ́ lɔn. Tán tá re pɔpɔsɛ ka mɔnaa bɛ́ lɔn. Min mɛnɛn dɔn bɛ́ giã-n la, ǹ tá re giɛ̃ ka nyuunun bɛ́ lɔn. Sɛnɛ, kirisibaa lɛ n goɛ̃ duduu. Ma bɛ die ka peperebaa mɛn nɛ, a re nyɛɛ duduu wa.

Izayii 51:8

A giala nimii á re ǹ kuĩ ka mɔnaa bɛ́ lɔn. Màn baaran tá re ǹ soɛ̃, ká mɔnaa nɔnɔɔ bɛ́ lɔn. Sɛnɛ, ma bɛ́ die ka peperebaa mɛn nɛ, a re nyɛɛ duduu wa. Kirisibaa lɛ n die goɛ̃ biɛ̃ ǹ tɔrɔn tumaa wɔ lɛa.

Izayii 56:1

Dɛnaa Lawa n kɛ pii: «Ka kɔ sonborebaa lɛ, ka peperebaa zɛnaa. Ma bɛ́ die ka kirisibaa mɛn nɛ, á dɔ á nya. Kànaa ka boɛɛnɛ ka á re maa peperebaa yii.

Izayii 57:12

Sɛnɛ, ma á re n peperebaa kɛ nyɛɛ foaã nɛ. N sii mɛn zɛnaa, n ba re a là goon yii wa.

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Busii pɛ 3:22

Dɛnaa Lawa a bǐɛ̃ a nyɛɛ wa. A minin narɛɛ dɔ ba n lɛ doɛ wa.

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Lawa a wúlu-bɔlen 26:41

Bɛ lɛ na á toa masɛ dɔ yɔ bɔ ǹ ganaa, má ǹ kũ má ǹ dia ǹ zɔ́ɔn gána nɛ. Maǹ nə́ sii la, bɛ lɛ nɛ masɛ dɔlɔ bɔ ǹ ganaa. Bɛ̀ ǹ dinin nə́ daa ǹ nə́ dɔ̃ ǹ mɛn waáraa, mà masɛ bie mɛnɛɛ ǹ la wa,

Luku 10:29

Sɛnɛ, giĩ lɛ bɛ́ giɛ li a n din nyaa min pepere lɛa, á pɛ Yezu ni mà bɛa miã kɔsɔ kɛ lɛ, asɛ doamaa nɛ a narɛ, mà die-n dɔn?

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Rɔmu minin 1:17

A giala Boo Tii Kɔɔ̃n nə nyɛɛ Lawa bɛ́ min biɛ min pepere lɛa a din yɔrɔ-a lɔn goleemali dinsɔɔ̃ barka nɛ, ka a bɛ́ kiɛ̃-n Lawa a boo sɛ́wɔ-n lɔn: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Rɔmu minin 10:2

A giala má waa la, máa ǹ gù we yiimaa nɛ Lawa a sii gɔ́ɔ̃ nɛ, sɛnɛ, sii-doɛ̃ nə ǹ gù we yii lɛ nyaabiɛ.

Rɔmu minin 10:20

Izayii sɛ din màn da á la bɛ nɛ: «Lawa mà minin mɛnɛn bɛ́ ǹ goã giɛ asɛ li wa, mà bɛn ná asɛ yɛ. Mà minin mɛnɛn bɛ́ ǹ goã nɔ̀n diɛ màn kɔ́n li wa, mà asɛ nə́ n din nyaa bɛn manɛ.»

Rɔmu minin 11:7

Wɔ n die pii mà wàa kəni? Izirayeli tɔrɔ lɛ bɛ́ á goã giɛ màn mɛn li, a bɛ yɛ wa. Lawa din boɛɛn mɛn bɔ, bɛn nə́ yɛ, gialakunun kɛn sɛn nə boo la, ǹ ná a giala ma wa.

Rɔmu minin 3:22

Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Rɔmu minin 3:26

Lawa ná a peperebaa nyaa kanna, min mɛn dɔ bɛ́ golee Yezu li, a n bɛa dɛnaa dɔ biɛ min pepere lɛa.

Rɔmu minin 5:19

Min goon toto a bɔlɔ-tii a lɛa nɛ, min tumaa sii baraa-zɛnaali baa. Bɛa yɔrɔ lɛ la, min goon toto a bɔlɔ-sii a lɛa nɛ, min tumaa bii á re kɔɔ̃n koe kɔn ka Lawa nɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Timəə dí-pɛn 6:25

A gɔn waa ǹ boon mɛnɛn kɔ wɔsɛn la, bɛ̀ wɔ tá n yiri koɛ li, wɔ á bɛn tumaa tamaɛ, wɔa Lawa, Dɛnaa Lawa yɔrɔ-a, bɛ lɛ n nyɛɛ, mà wɔ tá a bɔlɔ sii.»

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.