Rɔmu minin 10:16 - LAWA A BOO SONBORE 2011

¹⁶ Sɛnɛ, min tumaa golee Boo Tii Kɔɔ̃n lɛ li wa. Sonbore, Izayii pɛ bɛ wɔ gɔn la: «Dɛnaa, die na á golee wɔsɛn boo diɛ li?»

LAWA A BOO SONBORE

¹⁶ Sɛnɛ, min tumaa golee Boo Tii Kɔɔ̃n lɛ li wa. Sonbore, Izayii pɛ bɛ wɔ gɔn la: «Dɛnaa, die na á golee wɔsɛn boo diɛ li?»

Rɔmu minin 10:16 ပူးပေါင်းရင်းမြစ်များ

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 53:1

Wɔ boo mɛn ma, die na á golee li? Die na á Dɛnaa Lawa a boo sii la dɔ̃?

Matiə 13:14

Bɛ lɛ na á toa, Lawa a boo gii-dali Izayii boo mɛn da ǹ wɔ a paǹ li, bɛ lɛ lɛ n piɛ̃ kɛnɛn lɛn: «Ǹ tá re n too koe ǹ nɔmaa, ǹ ba re boo miɛ wa. Ǹ tá re giɛ ǹ yii laa, ǹ yii a re wɔlɔ yii wa.

Zaã a sɛ́wɔ 10:26

Sɛnɛ, ka a golee masɛ li wa, a giala, ka a kun ka masɛ a sèren lɛn nɛ wa.

Nya ǹ dín 28:24

Ǹ tɛnɛn nə́ lɛ kɔ ǹ nə́ golee a da ǹ boo lɛ li, sɛnɛ, gialakunun nə golee li duduu wa.

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 11:17

Izirayeli tɔrɔ lɛ n kɔnboe ka *olivie da kɔ́n nɛ min zumu, a ná a gùrùn tɛnɛn kuru. Nsɛ mɛn bɛ́, n ba Zuifu lɛa wa, man kɔnboe ka don a olivie da gùrù ni, ǹ nə́ kuru, ǹ nə́ daa wɔ gùrù taãnan lɛn bǎã nɛ. Ǹ olivie da mɛn zumu lɛn, bɛ lɛ gòonən manə n dɔ toe sisia.

Rɔmu minin 16:26

Sɛnɛ sisia, bɛa sonbore lɛ bɔ kanaa. Lawa a boo gii-dalin sɛ́wɔn nə́ nyaa, kanna, Lawa nyabaã lɛ din dùũ barka nɛ, bɛa sonbore lɛ bɔ kanaa, tɔrɔ kɔsɔn kɛn dɔn tumaa dɔ̃, màn mɛn bɛ́ toɛ, ǹ lɛ kɔ Boo Tii Kɔɔ̃n lɛ ganaa, ǹ Lawa bɔlɔ si.

Rɔmu minin 2:8

Sɛnɛ, min gialakunun kɛn, Lawa á re a foo-busii gole kɛ nyɛɛ bɛn manɛ, min mɛnɛn bɛ́ n taasɛ ka ǹ dinin sii dinsɔɔ̃ nɛ, ǹ ba koe sonbore lɛ wa yǎa kɔkɔrɔbaa.

Rɔmu minin 3:3

Sonbore ne, ǹ tɛnɛn nə goã bɔlɔgoondɛnaabaa la wa. Sɛnɛ, bɛ á boe la a Lawa a bɔlɔgoondɛnaabaa sàabaa ya?

Rɔmu minin 6:17

Ka daa wɔ barka da Lawa nɛ. Ka n ká goã sii baraa a bɛ̀rɛn lɛa lɛlɛ, sɛnɛ, daraa ke á n kɔ ka la, sii yɔrɔ sonbore mɛn bɛ́ a nɛ, ká bɛ si ka ka foo din tumaa nɛ.

Galaasi minin 3:1

Galaasi yiriwɛɛnaan lɛn! Die na á kɔnkoãbaa zɛnaa ka nɛ? A da yaa, ǹ nə́ Yezu *Krita a dere gɔn ganaa boo kɛ da ka yii-n foaãnɛ.

Galaasi minin 5:7

Ka a giala kɔ doɛ̃ sɔnbɔraanɛ! Sɛnɛ, die na á ka kurəə mà ka nyan sonbore boo lɛ si doo wa?

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Ebrəə 11:8

Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa.

Ebrəə 4:2

A giala, wɔ dɔn man wɔ́ Boo Tii Kɔɔ̃n lɛ ma, ka bɛa minin kɛn lɛn wɔ bɛ́ lɔn. Sɛnɛ, bɛa boo kɛ lɛ ǹ nə́ ma, a là goon yɛ ǹ ganaa wa, a giala, ǹ bɛ́ ǹ nə́ ma, ǹ lɛ kɔ a ganaa ka goleemali-n wa.

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 2:8

Ka bɛ dɔ-n doo, gòã na ma ganaa ǹ kɔlɔ nɛ, minin daa ǹ gɛ̀fu ni.» Golee Lawa li baãnaan lɛn manə n gòã niɛ a ganaa, a giala, ǹ nə́ n piã, ǹ ba golee Lawa a boo li wa. Lawa na á bɛ lɛ yɔrɔ bɔ ǹ lɛa lɛlɛndun.

Piɛrɛ1 3:1

Kasɛn dɔn lɔn lɛn, ka dɔn nə ka zuũn bɔlɔ si a din yɔrɔ kɛ lɛ la, màn mɛn bɛ́ toɛ, ta ǹ tɛnɛn manə n piɛ̃, mà ǹ ba golee Lawa a boo li wa, ǹ lɔn tɔ wɔ ǹ gɔn dinsɔɔ̃ nə ǹ kũ, bɛ̀ boo diɛ ná a ba a-n dinin wa.