Rɔmu minin 1:23 - LAWA A BOO SONBORE 2011

²³ Lawa mɛn bɛ́ a nyɛɛ duduu wa, ǹ bɛ guguru kɔ wa. Maǹ nə́ goã màn gã wolen nyínin guguru koe, minbuiinin ni, bàanan nɛ, tɔɔ gòã siidɛnan nɛ, ka màn nɔ̀ giɛraa tán wolen ne.

LAWA A BOO SONBORE

²³ Lawa mɛn bɛ́ a nyɛɛ duduu wa, ǹ bɛ guguru kɔ wa. Maǹ nə́ goã màn gã wolen nyínin guguru koe, minbuiinin ni, bàanan nɛ, tɔɔ gòã siidɛnan nɛ, ka màn nɔ̀ giɛraa tán wolen ne.

Rɔmu minin 1:23 ပူးပေါင်းရင်းမြစ်များ

Loen 106:20

Ǹ nə́ ǹ Lawa Guguru kɛ toa walan, ǹ nə́ dii nyín da a bǎã nɛ, bɛa tɔɔ buu-sɔ̃li kooro kɛ lɛ.

Izayii 40:18

Wɔ n boe la wɔ Dɛnaa Lawa zɔɔ̃ kɔn ka die ne? Wɔ n boe la wɔ wàa mɛn baa a kɔnboe lɛa?

Izayii 40:26

Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

Izayii 44:13

Da-sɛlɛli n biɛ diɛ gɔn li, a zɔɔ̃, a dì nyín zɛnaa la ka ton fu ni. A n gɔn lɛ kuri ka sɛ̀miɛ̃ nɛ, a n zɔnɛ ka kàka nɛ. A n giɛ minbuiin nɛ ganaa, min siĩn-siĩni, a na a kɔnboe zɛnaa. Bɛa nyín kɛ lɛ n woe n koɛ kion.

Zeremii 2:11

Tɔrɔ kɔn bin ná a dìn lon kɔ? A da yaa, ǹ bie Lawa taãn lɛa wa. Sɛnɛ, maa zaman lɛ ná a gugurubaa lɛ lon kɔ ka màn kooron ne.

Ezekieli 8:10

Má wɔ, má ga. Ma màn mɛn yɛ, bɛ n ka kɛ nɛ: Màn nɔ̀ giɛɛraa tán wolen kɛn tɔrɔ tumaa nyín ni, tɔɔ gɔ̀dɛnan kɛn tumaa wɔ nɛ ka Izirayeli tɔrɔn kɛn dìn tumaa nyín ni, ǹ nə́ zɛnaa kungɔn lɛ ganaa, ǹ ná a lɛnpɛnɛ nɛ.

Nya ǹ dín 10:12

Tɔɔ màn gòã siidɛnan nɛ, a giɛraa tán wolen ne ka a nyàa kadɛnan nɛ, bɛn man nə́ goã a nɛ.

Nya ǹ dín 17:29

Haya, ka bɛ́ Lawa din tɔrɔ lɛa, ka doamaa bie ka taasɛ, mà Lawa n kɔnboe ka sana nɛ, ka wɔrɔgiala nɛ, ka kɔlɔ mɛn tumaa nə n zɛnaa, á kɔnpɛ ka minbuiin nɛ a gɔn a kɔɔ̃nbaa laanka a taasiɛ-n wa.

Rɔmu minin 1:25

Lawa màn mɛn da, maǹ bɛ guguru koe, sɛnɛ, Lawa din mɛn bɛ́ màn lɛ a diɛ wole lɛa, ǹ ba bɛ guguru koe wa. Haalɛ ka bɛ yii ni, Lawa tɔ n goɛ̃ guguru miɛ̃ yǎa duduu. A n miɛ̃! Ǹ bɛ́ ǹ nə́ Lawa a sonbore kɛ dɔ̃, ǹ ná a lonkɔ ka soɛ nɛ.

Korɛnti1 12:2

Ka á doɛ̃ mà ka bɛ́ ká goã min kooron lɛa, ka n ká goã baa sii ka mìi gialaa dì lɛ tere-an ganaa.

Timəə dí-pɛn 5:8

Ka baran màn nyìn zɛnaa ka bɛ baa kaa lawa lɛa wa. Mànan mɛnɛn bɛ́ lon, ǹ mɛnɛn bɛ́ tán la, ka ǹ mɛnɛn dɔn bɛ́ mu li tán, a nyan bɛ kɔn nyìn baa wa.

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.

Sii-nyaan 9:20

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.