Piɛrɛ1 4:17 - LAWA A BOO SONBORE 2011

¹⁷ Sonbore, kiri lɛ a wɔ giala-kɔ biikoo dɔ, a n die n giala koe Lawa a zaman lɛ din ganaa. Haya, bɛ̀ á re n giala koe wɔ dinin ganaa, minin mɛnɛn bɛ́ n piɛ̃ ka Lawa a Boo Tii Kɔɔ̃n lɛ nɛ, ǹ nə́ ǹ ba golee li wa, bɛn wɔa giala-nyɔmiɛ á die baraa koe!

LAWA A BOO SONBORE

¹⁷ Sonbore, kiri lɛ a wɔ giala-kɔ biikoo dɔ, a n die n giala koe Lawa a zaman lɛ din ganaa. Haya, bɛ̀ á re n giala koe wɔ dinin ganaa, minin mɛnɛn bɛ́ n piɛ̃ ka Lawa a Boo Tii Kɔɔ̃n lɛ nɛ, ǹ nə́ ǹ ba golee li wa, bɛn wɔa giala-nyɔmiɛ á die baraa koe!

Piɛrɛ1 4:17 ပူးပေါင်းရင်းမြစ်များ

Izayii 10:12

Sɛnɛ, bɛ̀ Dɛnaa nya a dín kɛn ganaa *Siɔn kele la ka Zeruzalɛmu ni ǹ mɛn waáraa, á re yui Asiiriin kii gialaa, a din gole kɔ laanka a din koa kɛ taman yii.

Zeremii 25:29

Á ke, man dɔlɔ boe kiwi kɛ ganaa má bɔ má koa maa wɔ lɛa. Man die kasɛn toɛ walan dɔlɔ baã? Haayii! Ka a re goɛ̃ dɔlɔ baã wa. Man yui zia-n ka ganaa, masɛ Dɛnaa Lawa Pàãyiidɛnaa a da ǹ boo ne.

Zeremii 49:12

Dɛnaa Lawa n kɛ pii: «Ka n too kɔ: Min mɛnɛn doamaa bɛ́ ǹ bie ǹ maa foo-yoo ǹ paan lɛ a mu mi wa, n dɔn nə́ mi. Edɔmu, nsɛ n die goɛ̃ dɔlɔ baã? Haayii! Kɛa foo-yoo ǹ paan lɛ, n tá re a mu mii, sàabaa ba la wa.

Ezekieli 9:6

Min golen ne, giĩ tenən ne, nɛniɛ tenən ne, nɛnyaanan laanka lɔn nɛ, ka ǹ tumaa dɛ lenlen. Sɛnɛ, nyaǹ lɛ bɛ́ min woo min ganaa, ka nyan toa ka n mɔrɔ bɛ-a wa. Ka a giala kɔ maa kion lɛ ganaa.» Min goleen mɛnɛn bɛ́ kiãn lɛa ǹ nə́ goã Lawa a kion lɛ yɔrɔ-a, ǹ ná a giala kɔ ǹ nə́ bɛn dɛ.

Amɔɔsi 3:2

Kanaa a tɔrɔn tumaa bii, man má ka dininsɔɔ̃nɔn lɛn bɔ. Bɛ lɛ nɛ, ka sii baraa mɛn tumaa zɛnaa, ma á re a dɔlɔ boe ka ganaa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Luku 23:31

Bɛ̀ n yaa da buruu din nə́ kuĩ, da gere wɔ tɔn nə baa lɔn?

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Rɔmu minin 2:9

Lawa n die nɔmaa baraa gisĩ sii baraa-zɛnaalin tumaa la, Zuifun man bɔrɔ, ka min mɛnɛn dɔn bɛ́, ǹ ba Zuifun lɛa wa.

Galaasi minin 3:1

Galaasi yiriwɛɛnaan lɛn! Die na á kɔnkoãbaa zɛnaa ka nɛ? A da yaa, ǹ nə́ Yezu *Krita a dere gɔn ganaa boo kɛ da ka yii-n foaãnɛ.

Galaasi minin 5:7

Ka a giala kɔ doɛ̃ sɔnbɔraanɛ! Sɛnɛ, die na á ka kurəə mà ka nyan sonbore boo lɛ si doo wa?

Galaasi minin 6:10

A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Timote1 3:15

Sɛnɛ, bɛ̀ má belebɔ ma a die wa, n doamaa bɛ́ nɛ n dí mɛn nya Lawa a kion minin bii, sɛ́wɔ kɛ lɛ á re toɛ n bɛ dɔ̃. Bɛa kion lɛ n Lawa yiikoonaa a sɔmɔ lɛa, sonbore koa ǹ bǎã laanka a tamaa ǹ bǎã nɛ, ka yírəə bɛ́ we-n kion li lɔn, á n kuĩ koɛ lon.

Ebrəə 11:8

Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa.

Ebrəə 2:2

Lawa a lon a dia dí-a wolen nə dí-pɛ mɛn kɔ wɔ digolon la, bɛ ná a dí nya. Sii baraa doamaa bɛ́-n ka dɔlɔ mɛn nɛ, bɛ̀ á daa yaa bɛ nə́ n bɔ bɔlɔ-tii tɔrɔ tumaa a lɛa,

Ebrəə 2:4

Lawa din na á goã dí nyɛɛ, á n pàã we ǹ siére lɛ nɛ, ka sii-nyaa ǹ siin dadaran laanka kaãbaa ǹ sii tɔrɔ tumaa nɛ. A na á goã Yiri Fu a bǐɛ̃ mànan dɔn koe minin la, á n kɔnpii a din dùũ ni.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 2:8

Ka bɛ dɔ-n doo, gòã na ma ganaa ǹ kɔlɔ nɛ, minin daa ǹ gɛ̀fu ni.» Golee Lawa li baãnaan lɛn manə n gòã niɛ a ganaa, a giala, ǹ nə́ n piã, ǹ ba golee Lawa a boo li wa. Lawa na á bɛ lɛ yɔrɔ bɔ ǹ lɛa lɛlɛndun.