Piɛrɛ1 4:14 - LAWA A BOO SONBORE 2011

¹⁴ Bɛ̀ ǹ tá sɔ koe ka ganaa Krita tɔ kɛ a lɛa, Lawa á re barka diɛ ka ganaa, a giala, Lawa din Yiri kɛ lɛ guguru ke lɛn, bɛ n ka li.

LAWA A BOO SONBORE

¹⁴ Bɛ̀ ǹ tá sɔ koe ka ganaa Krita tɔ kɛ a lɛa, Lawa á re barka diɛ ka ganaa, a giala, Lawa din Yiri kɛ lɛ guguru ke lɛn, bɛ n ka li.

Piɛrɛ1 4:14 ပူးပေါင်းရင်းမြစ်များ

Kiin1 10:8

N minin wɔ na á bǐɛ̃ kɔ, n dí-nyalin dɔn wɔ na á bǐɛ̃ kɔ, ǹsɛn mɛnɛn bɛ́ boe la ǹ giã n yɔrɔ-a biikoo yii li, ǹ nə n too kɔ n sii dɔ ǹ boo ganaa.

Kiin2 2:15

Lawa a boo gii-dalin mɛnɛn bɛ́ giã-n Zerikoo kiwi, bɛn nə́ goã ǹ nə́ Yiliizee yɛ ǹ yɔrɔ-a, ǹ nə́ tɔ́n pɛ: «Yiri mɛn goã Yilii la bɛ lɛ n Yiliizee la.» Ǹ nə́ daa n da lɛ, ǹ nə́ kaa tán a giulun,

Loen 146:5

Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa, min mɛn bɛ́ n foo doɛ a Dɛnaa Lawa kɛ ganaa, bɛ wɔ na á bǐɛ̃ kɔ.

Loen 49:9

Min nyin giɔ̀mɔ á kaka, min ba boe la a saraa a nya duduu wa.

Loen 89:51

Dɛnaa, n yiri kɔ n bɛ̀rɛgiĩn kɛn nɛ, ǹ nə́ sɔ kiɛ ǹ la, n yiri kɔ n din a zaman kɛ tumaa nɛ, ń ma koa a mìi la.

Izayii 11:2

Dɛnaa Lawa Yiri n die goɛ̃ la: Yiridɛnaabaa laanka sii bɔbɔ kɔn lɛ ǹ yiri n die goɛ̃ a lon, daraa ka foo tãbaa ǹ yiri ni, Dɛnaa Lawa doɛ̃ laanka a guguru kɔ ǹ yiri ni.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Matiə 5:11

Ǹ bɛ́ sɔ kiɛ kasɛn mɛnɛn la, bɛ̀ ǹ ka nɔmaa masɛ a kialandɛnaabaa lɛ taman yii, bɛ̀ ǹ sii baraa tɔrɔ din tumaa zɛnaa ka nɛ, ǹ soɛ da ka la, Lawa á re barka diɛ ka ganaa.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Luku 6:22

Bɛ̀ minin tá ka biɛ zɔ́ɔ, ǹ nə́ n nyanɛɛ ka nɛ, ǹ nə́ sɔ koe ka ganaa, ǹ nə́ ka tɔ baraa pii Min a Nɛgiĩ a lɛa, ka dɔ̃ mà Lawa á re barka diɛ ka ganaa.

Zaã a sɛ́wɔ 15:21

Maǹ die bɛ din tumaa zɛnɛɛ ka nɛ masɛ tɔ taman yii, a giala, min mɛn masɛ dia, ǹ ba bɛa dɛnaa doɛ̃ wa.

Zaã a sɛ́wɔ 8:48

Zuifun nə́ tɔ́n pɛ Yezu ni mà Sonbore tá ǹsɛn lon ǹsɛn nə pɛ, mà á baraa ka Samarii min bɛ́ lɔn, mà mànan man a ganaa.

Zaã a sɛ́wɔ 9:28

Fariziɛ̃n nə́ nɔmaa ǹ nə́ sɔ kakaa la, ǹ nə́ goã pii: «N din kɛ lɛ n bɛa giĩ lɛ a kialandɛnaa lɛa! Wɔsɛn man Muizu kio.

Zaã a sɛ́wɔ 9:34

Ǹ nə́ tɔ́n pɛ yii tere-a zizi lɛ nɛ: «Ma nə́ n yɛ sii baraa-zɛnaali lɛa, ma nə́ n daa wɔsɛn dɔn daraa a ganaa kəni!» Bɛ kio, ǹ nə́ loo ǹ nə́ bɔ lɛsɔkɔn kion lɛ nɛ.

Nya ǹ dín 13:45

Zuifun bɛ́ ǹ nə́ bɛa zaman kɛ lɛ yɛ, busii wɔ ǹ foo-n parsiini, ǹ ná a giala kɔ ǹ tá Pooli a boo tumaa lɛ sii ka sɔ nɛ.

Nya ǹ dín 18:6

Zuifun lɛn bɛ́ n piɛ̃, ǹ nə́ sɔ koe, Pooli nə́ n gɔn pii á bɔ ǹ sii ni. Á pɛ ǹ nɛ: «A n kuĩ ka dinin mìi ni, màn kɔ́n ba boe masɛ li doo wa. Sisia kəni, masɛ n die n yɔrɔ diɛ tɔrɔ kɔsɔn la.»

Nya ǹ dín 28:22

Wɔsɛn man li n din ni n taasiɛ pɛ wɔsɛn nɛ, a giala, maǹ zia diɛ bǎã din tumaa nɛ n zii dii kɛ lɛ ganaa.»

Nya ǹ dín 5:41

Dia dí-a wolen lɛn nə́ n bɔ kiri-wɔlen lɛn li ǹ nə́ woo. Ǹ foo goã kɔɔ̃n parsiini, a giala, Lawa ga ǹ ganaa, mà ǹ doamaa nɛ, ǹ fuu yɛ Yezu tɔ kɛ a lɛa.

Korɛnti2 12:10

Bɛ lɛ-n ma á n nyɛnyɛɛ maa pàãwɛɛnaabaa ǹ siin kɛn lɛa, ka sɔ kaa ma la nɛ, ka sii kakan ma yɛ nɛ, ka bɔ ma yii-n ni, ka taasiɛn nɛ, Krita a lɛa. A giala, bɛ̀ pàã wɛɛ̃ tá ma ganaa biikoo mɛn li, bɛ lɛ n maa kakabaa biikoo lɛa kəni.

Korɛnti2 4:10

Man gɛ̀-wɔle lɛa baraabaraa Yezu a lɛa, ń giɛ Yezu a yiikoonaabaa kɛ dɔ tá n din nyɛɛ ma gɔ̀nɔn nɛ.

Korɛnti2 4:16

Bɛ lɛ n toɛ, maa foo tãbaa a nyɛɛ pin kɔ́n-a wa. Haalɛ ta ma gɔ̀nɔn siĩ n ziziɛ̃ boɛboɛ woe, ma telenboen nə màn dii biɛ lɛawaa gogoonmaa li.

Galaasi minin 1:24

Ǹ nə́ goã Lawa tɔ gole koe masɛ a lɛa.

Ebrəə 11:26

Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 5:11

Wɔ nə ǹ laakalɛɛ, a giala, ǹ nə́ sii si ǹ ganaa. Táa ka Zɔbu a sii simaa boo ma. Dɛnaa màn mɛn kɔ la bɛ kio, táa ka á bɛ dɔ doɛ̃. A giala, Dɛnaa a bǐɛ̃baa laanka a makara-doɛ̃ á gole.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Piɛrɛ1 3:14

Sɛnɛ, bɛ̀ ka á fuu yii sii pepere zɛnaa a lɛa, Lawa á re barka diɛ ka ganaa. Ka baran nyɛ́ɛ baa min kɔ́n yii-n wa, ka baran toa ka yiri dɔ nə n lɔlɔkɔn wa.

Piɛrɛ1 3:16

Sɛnɛ, ka bɛ zɛnaa ka foo-basiɛ̃ nɛ, ka min kɔsɔ guguru kɔ nɛ. Ka baran toa ka foo ka zɛ̀rɛ baa ka sii kɔ́n nɛ wa, màn mɛn bɛ́ toɛ, ta maǹ ka tɔ ziziɛ̃ ka sii kɔ́n nɛ, min mɛnɛn dinin bɛ́ boo baraa diɛ ka ganaa, kaa tɔ wɔ ǹ gɔn sonbore kɛ a lɛa kun ka Krita nɛ, sìi wusoo a bɛn kũ.

Piɛrɛ1 4:16

Sɛnɛ, bɛ̀ Krita a minbaa a lɛa nɛ min tá fuu yii, a baran sìi da ǹ dɛnaa ganaa wa, ǹ dɛnaa Lawa tɔ bɔ bɛa Krita a minbaa ǹ tɔ kɛ lɛ a lɛa.

Piɛrɛ2 2:2

Min gigiã á re koe ǹ lɛ ǹ naarɛbaa gɔ́ɔ̃ nɛ. Ǹ dinin lɛn lɛa nɛ, minin tá re sonbore zii kɛ tɔ ziziɛ̃.