Piɛrɛ1 4:13 - LAWA A BOO SONBORE 2011

¹³ Sɛnɛ, ka n nyɛnyɛɛ kaa fuu yɛ kun Krita-n kɛ lɛ a lɛa, màn mɛn bɛ́ toɛ, ka foo dɔ kɔɔ̃n kɔ parsiini a din a da ka gugurubaa-n kɛ a pinaa.

LAWA A BOO SONBORE

¹³ Sɛnɛ, ka n nyɛnyɛɛ kaa fuu yɛ kun Krita-n kɛ lɛ a lɛa, màn mɛn bɛ́ toɛ, ka foo dɔ kɔɔ̃n kɔ parsiini a din a da ka gugurubaa-n kɛ a pinaa.

Piɛrɛ1 4:13 ပူးပေါင်းရင်းမြစ်များ

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 25:21

A mìinaa tɔ́n pɛ nɛ: «Á siĩni, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, masɛ á die n koɛ sii gole mìi la. Da n nyɛnyɛɛ kun ka masɛ nɛ.»

Matiə 25:23

A mìinaa tɔ́n pɛ nɛ: «Á bǐɛ̃ kɔ, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, ma á die n koɛ sii gole mìi la. Da n nyɛnyɛɛ kun ka masɛ nɛ.»

Matiə 25:31

Bɛ̀ Min a Nɛgiĩ daa ka a kiibaa nɛ, kun ka lon a dia dí-a wolen tumaa nɛ ǹ mɛn pinaa, á die giɛ̃ a kii dankan gole la.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Marki 8:38

Pelo minin mɛnɛn bɛ́ ǹ nə́ n piã ka Lawa nɛ, ǹ nə́ sii baraa zɛnɛɛ, bɛ̀ min mɛn sìi kɔ bɛn yɔrɔ-a a ná a masɛ boo da wa, a masɛ a boo kɛ lɛ dɔ pɛ wa, Min a Nɛgiĩ bɛ́ re boe lon ǹ mɛn pinaa a daa, kun ka lon a dia dí-a wole sonboren ne, ǹ Di a gugurubaa a siĩnbaa kɛ nɛ, a dɔ á die sìi koe a bɛa dɛnaa bíi mà asɛ a kialandɛnaa.»

Luku 17:30

A n die n biɛ miɛ̃ Min a Nɛgiĩ a daa pinaa.

Nya ǹ dín 16:25

Làan biikoo li Pooli laanka Silaasi Lawa nyankɔ, bɛ̀ ǹ tá loe loe ǹ nə́ Lawa tɔ boe ne. Kòso nɛ gialakunun kɛn nə́ goã n too koe ǹ lon.

Nya ǹ dín 5:41

Dia dí-a wolen lɛn nə́ n bɔ kiri-wɔlen lɛn li ǹ nə́ woo. Ǹ foo goã kɔɔ̃n parsiini, a giala, Lawa ga ǹ ganaa, mà ǹ doamaa nɛ, ǹ fuu yɛ Yezu tɔ kɛ a lɛa.

Rɔmu minin 5:3

Haalɛ ta wɔ n fuu yii, wɔ nə n nyɛnyɛɛ. A giala, wɔ á doɛ̃ wáa bɛ̀ wɔ á fuu yii, bɛ n wɔ darɛɛ sii simaa ganaa.

Rɔmu minin 8:17

Wɔ bɛ́ Lawa lɛ a nɛnyaanan lɛa, a din bɛ́ á n lɛ kɔ, mà asɛ á re bǐɛ̃n mɛnɛn zɛnɛɛ a minin manɛ, wɔ á re wɔa wɔ gii yii bɛn nɛ. Wɔ á re wɔa wɔ gii yii kun ka Krita nɛ. A giala, bɛ̀ wɔ fuu yɛ kun ka Krita lɛ nɛ, wɔ á re goɛ̃ kun ni a gugurubaa dɔ nɛ.

Rɔmu minin 8:18

Má golee li máa wɔ bɛ́ nɔmaan mɛnɛn yii kanna, máa bɛn ba màn kɔ́n lɛa biɛ̃ ǹ gugurubaa kɛ genli wa, Lawa bɛ́ re gugurubaa mɛn koe wɔ la.

Korɛnti2 1:5

Sonbore, Krita a fuun lɛn bɛ́ ma yii gigiã lɔn, man foo tãbaa gole dɔ yii miɛ Krita pàã ganaa.

Korɛnti2 1:7

Man waa-n kɛ la taãn-taãnɛ kaa wɔ paǹ li: Ma á doɛ̃ máa ka bɛ́ kaa wɔ gii yii maa fuun lɛn nɛ ke, ka n die kaa wɔ gii yii maa foo tãbaa lɛ dɔ-n miɛ̃.

Korɛnti2 4:10

Man gɛ̀-wɔle lɛa baraabaraa Yezu a lɛa, ń giɛ Yezu a yiikoonaabaa kɛ dɔ tá n din nyɛɛ ma gɔ̀nɔn nɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Filipi minin 3:10

Ma bɛ́ giɛ màn mɛn li, man máa ma Krita dɔ̃. Man giɛ li ma a yii kaa a bɔ geren li ǹ pàã kɛ yɛ, ma gii goã a fuun kɛn nɛ, man baa ka a din bɛ́ lɔn a gɛ̀ gɔ́ɔ̃ nɛ;

Kolɔɔsi minin 1:24

Sisia kəni, ma bɛ́ fuun mɛnɛn yii ka a lɛa, ma nə n nyɛnyɛɛ bɛn gɔ́ɔ̃ nɛ. A giala, bɛa yɔrɔ kɛ lɛ la, man fuu yii ma din gɔ̀nɔn nɛ Krita gɔ̀nɔn kɛ a lɛa, bɛ giala, mà Lawa a sɔmɔ a lɛa. Wɔ doamaa bɛ́-n wɔ nɔmaan mɛnɛn wɔ kun ka Krita nɛ, ma dɔ nə n doɛ, ma á bɛn sii ma ganaa ma tá ǹ lɛ piɛ̃.

Timote2 2:12

Bɛ̀ wɔ́ nɔmaa si wɔ ganaa, wɔ á re kii biɛ kun ni. Bɛ̀ wɔ́ n piã nɛ, a dɔ á re n piɛ̃ ka wɔ dɔn nɛ.

Piɛrɛ1 1:13

Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

Piɛrɛ1 2:21

Lawa na á ka bíi bɛ lɛ a lɛa, a giala, *Krita lɛ dɔ na á fuu yɛ kaa lɛa, á bɛ nyaa ka nɛ sii zɛnaa ǹ gɔn lɛa, màn mɛn bɛ́ toɛ, ka kɔ a gòɛ̃ lɛ.

Piɛrɛ1 5:1

Min mɛnɛn bɛ́ ka bii, ǹ nə́ Lawa a sɔmɔ lɛ a minin nyɛɛnaandɛnan lɛa, man kɔn ka bɛn nɛ sisia. Ma dɔ dinmaa lɛ n nyɛɛnaandɛnaa lɛa. *Krita fuun mɛnɛn yɛ, ma bɛn yɛ ma yii ni, ma nə ǹ siére lɛa. Krita lɛ bɛ́ re die ǹ mɛn pinaa, ma á re maa wɔ gii yii a gugurubaa kɛ nɛ. Ma á màn mɛn nyankoe bɛa nyɛɛnaandɛnan lɛn lon, bɛ n ka kɛ nɛ:

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!

Sii-nyaan 1:9

Masɛ Zaã, man ka dɔɔ̃n lɛa, man kun ka nɛ kaa fuun gɔ́ɔ̃ nɛ, ma nə́ n yii diɛ *Lawa a kiibaa kɛ a daa la, ma nə foo kuĩ, a giala man doa kɔn Yezu ni kun ka nɛ. Man gùli lɛa Patmɔsi gána nɛ, mu nə ǹ mɛn lɛ da bii, a giala mà man Lawa a boo diɛ, ka taãn pɛ kɛ nɛ Yezu nyaa ma nɛ.