Piɛrɛ1 3:20 - LAWA A BOO SONBORE 2011

²⁰ minin mɛnɛn nə́ n piã lɛlɛ ka bɔlɔ-si ni, bɛ̀ Lawa bɛ́ ǹ sii sii a ganaa, Nowee a mu la ǹ goo zɛnaa biikoo lɛ li. Zaman boɛɛn dinsɔɔ̃ na á kirisibaa bɛa goo kɛ lɛ gɔ́ɔ̃ nɛ, mu gole kɛ lɛ din dɔ barka nɛ, bɛ giala mà min kiwisi dinsɔɔ̃.

LAWA A BOO SONBORE

²⁰ minin mɛnɛn nə́ n piã lɛlɛ ka bɔlɔ-si ni, bɛ̀ Lawa bɛ́ ǹ sii sii a ganaa, Nowee a mu la ǹ goo zɛnaa biikoo lɛ li. Zaman boɛɛn dinsɔɔ̃ na á kirisibaa bɛa goo kɛ lɛ gɔ́ɔ̃ nɛ, mu gole kɛ lɛ din dɔ barka nɛ, bɛ giala mà min kiwisi dinsɔɔ̃.

Piɛrɛ1 3:20 ပူးပေါင်းရင်းမြစ်များ

Siin Giala 6:13

Lawa tɔ́n pɛ Nowee-n kɛnɛn: «Masɛ a lɛa, minbuiinin tumaa a nyin nya biikoo dɔ kəni! Ǹ dinin lɛn man nə́ toa kanaa pã ka kakaarɛbaa ǹ siin ni. Bɛ lɛ nɛ, man die a laanka a gɔ́ɔ̃gɔ́ɔ̃ ǹ mànan yii bɔ̀n biɛ kun.

Siin Giala 6:3

Dɛnaa tɔ́n pɛ kɛnɛn: «Ma fɔfoã mɛn kɔ minbuiin nɛ la, ma a re lɛ koe, bɛ goã a nɛ yǎa duduu wa. A bɛ́ gɔ̀nɔn siĩ gɛ̀-wɔle lɛa, a die kiɛ̃ lɛ̀ paabiɛ ka fuə (120) la kanaa doo wa.»

Siin Giala 6:5

Dɛnaa yɛ mà màn nə tɔ́n miɛ̃ minbuiinin baraabaa li tán. Biikoo tumaa li, sii baraa zɛnaa dinsɔɔ̃ a taasiɛ nə ǹ foo ne.

Siin Giala 6:8

Sɛnɛ, Nowee sii kɔɔ̃n kɔ Lawa ganaa.

Siin Giala 7:13

A din pinaa nɛ, Nowee laanka a lɔ wɔ goo lɛ nɛ, ka a nɛ Sɛmu ni, Kaamu laanka Zafɛti ni, ka ǹ manaan nɛ.

Siin Giala 8:1

Lawa nə́ n yiri koa Nowee li. Don mànan laanka piɛ mànan mɛnɛn dɔn nə goã kun ni goo lɛ nɛ, á n yiri koa ǹ dɔn li. Bɛ lɛ nɛ, á piɛ̃ bɔ, mu lɛ ná a giala kɔ á gisĩ.

Siin Giala 8:18

Nowee soo á n bɔ goo lɛ nɛ, kun ka a nɛnyaanan nɛ, ka a lɔ laanka ǹ manaan nɛ.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Matiə 7:14

Sɛnɛ, kiɛnlɛ mɛn bɛ́ woe min ni yiikoonaabaa ǹ bǎã nɛ bɛ n boɛɛnɛ, zii mɛn dɔ bɛ́ woe walan, bɛa kɔmalɛ n kaka. Min gigiã ba koe bɛ lɛ lɛ wa.

Luku 12:32

Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Nya ǹ dín 2:41

Min gigiã golee a boo li, ǹ nə́ batɛmu da ǹ ganaa. Bɛa pinaa kɛ lɛ nɛ, minbuiin duu sɔɔ (3 000) kɛ miã yɛ, ǹ nə́ kaa kun Lawa a zaman lɛ nɛ.

Rɔmu minin 9:22

Lawa dɔ bie zɛnɛɛ miɛ̃ minbuiinin man wa? Hiĩ! A n zɛnɛɛ miɛ̃. Min tɛnɛn tan, Lawa n die kiri kuri ǹ la ka foo-busii gole ne. Bɛn doamaa-n ka bɔ̀n dinsɔɔ̃ nɛ. A laanɛ Lawa nə́ ǹ sii si a ganaa á belebɔ nɛ, a n die foo-busii gole laanka a din pàã kɛ nyɛɛ ǹ nɛ.

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 1:9

a giala, kaa golee Krita li lɛ n die kirisibaa koe ka la.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Piɛrɛ1 3:19

Yiri Fu lɛ pàã ganaa, Krita lɛ na á woo boo da telenboenən kɛn dɔn dinin ni kòso-n geren piɛ,

Piɛrɛ1 4:19

Bɛa yɔrɔ kɛ lɛ la, min mɛnɛn bɛ́ fuu yii Lawa din dùũ a lɛa, bɛn nə wo nyɛɛnɛ ka ǹ bǐɛ̃ zɛnaa nɛ, ǹ nə ǹ sii din tumaa toa ǹ zɛnaa wole Lawa gɔn, Lawa mɛn bɛ́ bɔlɔgoondɛnaa lɛa.

Piɛrɛ2 2:5

Lawa lɛlɛ a kanaa minin kɛn dɔn toa wa, sɛnɛ, a bɛ́ piã Lawa-n wolen kɛn bii ka mu gole ne, a na á Nowee laanka min sɔbaa kɔsɔ kanbaa bɛ ganaa, Nowee mɛn goã peperebaa boo laakalɛɛ.

Piɛrɛ2 3:15

Ka dɔ̃ sonbore, mà Dɛnaa lɛ bɛ́ n foo kuĩ, á n lɔloɛ a daa lɛ li ke, mà ka dinin nyin a lɛa nɛ. Wɔ dɔɔ̃ngiĩ laanka wɔa giaáragiĩ Pooli na á sɛ́wɔ kiɛ̃, á dia ka la bɛ lɛ wɔ gɔn la, á kɔnpɛ ka sii-doɛ̃ kɛ nɛ Lawa kɔ la.