Piɛrɛ1 2:25 - LAWA A BOO SONBORE 2011

²⁵ A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

LAWA A BOO SONBORE

²⁵ A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Piɛrɛ1 2:25 ပူးပေါင်းရင်းမြစ်များ

Loen 119:176

Ma nə n binbirin boe ka sère papaã wole bɛ́ lɔn. Masɛ nə n bɛ̀rɛgiĩ lɛa, ma basa bɔ, n ga ma li, a giala, ma yiri a boe ka n dí-pɛn kɛn nɛ wa.

Loen 80:1

Loe-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Izayii 13:14

Bɛa waáraa kəni, tiin man die ǹ piɛ zii siɛ, didie nə n mìi fɔ̃ a gána ganaa, kɛnɛn ka yuùn bɛ́ baa sii lɔn, bɛ̀ ǹ tá lui, ka sèren mɛnɛn nə́ ke ǹ lɛduə̃li banban.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 53:5

Sɛnɛ, wɔ dinin siɛ̃n taman yii ni, ǹ nə́ dɛ ǹ nə́ busu da a ganaa. Wɔa sii baraan taman yii, ǹ nə́ yɔyɔrɛ. Dɔlɔ mɛn bɛ́ là nyantoro koe wɔ la bɛ na á mɛ asɛ la. A busulɛn taman yii, wɔsɛn man kakabaa yii.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Zeremii 23:2

Bɛ lɛ nɛ, Dɛnaa Lawa, Izirayeli a Lawa n boo kɛ diɛ ǹ paǹ li: – Ka maa tɔɔn toa ǹ nə́ woo paǹ yii li, ka maa sèren loo, ka ga ǹ walan wa. Á bǐɛ̃ kɔ! Ka sii baraa mɛn tumaa zɛnaa, ma á re yui ka gialaa bɛn taman yii. Masɛ Dɛnaa Lawa a da ǹ boo ne.

Ezekieli 34:6

Maa sèren lɛn nə́ sasawaa, ǹ nə́ woo kelen tumaa laanka tentenen tumaa la. Maa sèren lɛn nə́ pɛsɛ̃ gána lɛ paǹ tumaa nɛ ka tenten sɔsɔrɔn tumaa nɛ. Sɛnɛ, min kɔn ga ǹ li wa, min kɔn nɔ̀n da ka ǹ sii-n wa.

Ezekieli 37:24

Maa dí-nyali Davida n die giɛ̃ ka tumaa mìi la kii lɛa, ka tumaa lɛduə̃li goon toto lɛa. Ka á re tɔ we a kɔnpɛ ka maa sii yɔrɔ bɔ ǹ boon kɛn nɛ, ka á re maa landa boon kɛn tamaɛ, ka kɔ ǹ lɛ.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Matiə 18:12

Ka n wàa taasɛ? Bɛ̀ sère paabiɛ n min lon kəni, yǎa a goon nə papaã, ǹ dɛnaa n die wàa zɛnɛɛ? A ba a gialakun pɔmanangɔrɔwenmanangɔrɔ kɛ lɛ toɛ walan kele lalan, a wo ga a papaã wole kɛ lɛ li wa?

Matiə 9:36

Bɛ̀ á zaman mɛn yɛ, minin lɛn makara n kuĩ, a giala maǹ nɔmaa nɛ, ǹ foo n ziziɛ̃ nɛ, ka sèren mɛnɛn bɛ́ lɛduə̃li ná a ba ǹ la wa.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Ebrəə 5:2

Minin mɛnɛn bɛ́ ǹ nə́ sii baraa zɛnaa, ǹ sii-doɛ̃baã gɔ́ɔ̃ nɛ, wúlu-bɔlen kiã lɛ á boe la, a bɛn sii lɛ giala ma, a giala, a dinmaa lɛ dɔ n pàã wɛɛnaa lɛa a paǹ din tumaa ganaa.

Piɛrɛ1 3:20

minin mɛnɛn nə́ n piã lɛlɛ ka bɔlɔ-si ni, bɛ̀ Lawa bɛ́ ǹ sii sii a ganaa, Nowee a mu la ǹ goo zɛnaa biikoo lɛ li. Zaman boɛɛn dinsɔɔ̃ na á kirisibaa bɛa goo kɛ lɛ gɔ́ɔ̃ nɛ, mu gole kɛ lɛ din dɔ barka nɛ, bɛ giala mà min kiwisi dinsɔɔ̃.

Piɛrɛ1 5:4

Bɛ̀ Ga Zaman Walan Wole gole lɛ din daa ǹ mɛn pinaa, á re gɔ̀lɔ̀baa ǹ kii bafolo koe ka la, kii bafolo mɛn a siĩnbaa bɛ́ a nyɛɛ duduu wa.