Piɛrɛ1 2:13 - LAWA A BOO SONBORE 2011

¹³ Ka minbuiinin pàã tumaa bɔlɔ si Dɛnaa lɛ a lɛa. Ka kii gole kɛ bɔlɔ si, asɛ lɛ n pàã lɛ a mìi gole lɛa.

LAWA A BOO SONBORE

¹³ Ka minbuiinin pàã tumaa bɔlɔ si Dɛnaa lɛ a lɛa. Ka kii gole kɛ bɔlɔ si, asɛ lɛ n pàã lɛ a mìi gole lɛa.

Piɛrɛ1 2:13 ပူးပေါင်းရင်းမြစ်များ

Suusun 17:11

Min baraa n zoɛ̃ piã li, sɛnɛ, dia dí-a wole baraa á re die a gialaa.

Suusun 24:21

Maa nɛ, Dɛnaa Lawa laanka kii guguru kɔ. Min mɛnɛn bɛ́ zoɛ̃ mà ǹ sii tumaa bɔyaa, n nyan koa kunun ǹ ni wa.

Zeremii 29:7

Ka dí nya kaa gùli kɔ ǹ kiwi lɛ nɛ màn mɛn bɛ́ toɛ a wo nyɛɛnɛ. Ka Dɛnaa Lawa nyankɔ a lɛa a giala kaa yii-nyɛɛ n boe bɛa kiwi kɛ lɛ a là nyantoro li.»

Matiə 22:21

Ǹ nə́ tɔ́n pɛ nɛ: «Kii Gole kɛ nɛ.» Yezu tɔ́n pɛ ǹ nɛ: «Màn mɛn bɛ́ kii wɔ lɛa, ka bɛ kɔ kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.»

Marki 12:17

Yezu tɔ́n pɛ ǹ nɛ: «Màn mɛn bɛ́ Kii wɔ lɛa, ka bɛ kɔ Kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.» Bɛa boo lɛ kaãbaa da ǹ ganaa parsiini.

Luku 20:25

Yezu tɔ́n pɛ ǹ nɛ: «A bɛ́ miɛ̃, màn mɛn bɛ́ kii wɔ lɛa, ka bɛ kɔ kii la, ǹ mɛn dɔ bɛ́ Lawa wɔ lɛa, ka bɛ kɔ Lawa la.»

Efɛɛzi minin 5:21

Kasɛn mɛnɛn bɛ́ nyɛ́ɛ biɛ Krita nɛ, ka kɔn lɛ si.

Tiitii 3:1

Lawa-nyankɔlen tumaa yiri da a nɛ, mà ǹ doamaa nɛ, ǹ nə n doroo nyɛɛnaan-bɔlen laanka pàãdɛnan manɛ. Mà ǹ doamaa nɛ ǹ nə ǹ lɛ si, ǹ goã dí sonbore tumaa nya a lɛa.

Piɛrɛ1 2:17

Ka min din tumaa guguru kɔ, ka ka dɔɔ̃n Lawa-nyankɔlen narɛ, ka nyɛ́ɛ baa Lawa nɛ, ka kii gole kɛ guguru kɔ.

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.