Piɛrɛ1 1:18 - LAWA A BOO SONBORE 2011

¹⁸ Ka á doɛ̃ mà ka tɔ wɔ ǹ gɔn mɛn saa ka digolon la, mà Lawa bie á ka bɔ bɛa tɔ wɔ ǹ gɔn kooro kɛ lɛ nɛ ka màn nya wolen ne wa. Kaa bɔ ǹ giɔ̀mɔ lɛ bie wɔrɔ lɛa wa, sana dɔ bie wa.

LAWA A BOO SONBORE

¹⁸ Ka á doɛ̃ mà ka tɔ wɔ ǹ gɔn mɛn saa ka digolon la, mà Lawa bie á ka bɔ bɛa tɔ wɔ ǹ gɔn kooro kɛ lɛ nɛ ka màn nya wolen ne wa. Kaa bɔ ǹ giɔ̀mɔ lɛ bie wɔrɔ lɛa wa, sana dɔ bie wa.

Piɛrɛ1 1:18 ပူးပေါင်းရင်းမြစ်များ

Loen 39:6

Á ke, n lɛawaa lɛ mɛn kɔ ma la, a kiɛ̃ gɔn tìsì la wa. Maa belebɔ kanaa din ba màn kɔn lɛa n yii li wa. Sonbore, ta min din na a gòã la lɔn, a n ka piɛ̃ nɛ. *Doa

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Izayii 44:22

Má n sãn kɛn tuturu ka labara bɛ́ lɔn. Má n sii baraan kɛn loo ka furuməə bɛ́ lɔn. Wusoo n da ma li, ma nə n si sii la wole lɛa.»

Izayii 52:3

Dɛnaa Lawa bɛ́ boo mɛn diɛ, á ke: «Maǹ nə́ goã ǹ nə́ ka sã bɛ̀rɛn lɛa kooro. Ǹ tá re wusii ǹ ka mìi bɔ wɔrɔ ná a ba a-n wa.»

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zeremii 4:11

Bɛa waáraa kəni, Dɛnaa Lawa á re pii Zeruzalɛmu minin manɛ: Kele mìi ni, piɛ̃ fuu nə n toɛ diə gole ne, die maa zaman gialaa. Piɛ̃ lɔnlɔɔn bie màn suu ǹ wɔ lɛa wa, màn *yoreen kɔ ǹ wɔ bie wa.

Zeremii 44:17

Wɔ sii mɛn tumaa koa wɔ yɔrɔ-a, wɔ ǹ bɛ zɛnɛɛ. Wɔ ǹ da yon gìĩ kɔɔ̃n laanka duvɛ̃ zumii lon a kii lɔ wɔ lɛa. Bɛ ǹ wɔa zɛnaa ǹ sii lɛa haalɛ bibi, wɔ dinin ni, wɔ din ni, wɔa kiin ni ka wɔa gána nyɛɛnaandɛnan nɛ Zudaa kiwin ni ka Zeruzalɛmu ziin la ǹ nɛ. Bɛa biikoo li, màn-bii goã wɔ lon, là nyantoro ne, wɔ a koe doɛ̃ wa.

Zeremii 9:14

Á bǐɛ̃ kɔ, masɛ Dɛnaa Lawa Pàãyiidɛnaa, Izirayeli a Lawa bɛ́ boo mɛn diɛ, á ke: Líɛ mɛn bɛ́ kɔɔsɛ, man die bɛ biɛ ǹ màn-bii lɛa, ma ǹ da sèwò mii ganaa.

Ezekieli 20:18

Má kɛ pɛ ǹ nɛnyaanan manɛ don lɛ nɛ: «Ka baran kɔ ka digolen landa siin kɛn lɛ wa, ka baran ǹ sii zɛnaa ǹ gɔn saa wa, ka baran ǹ dìn kɛn guguru kɔ, ka *gɔ̀ da ka dinin ganaa wa.

Amɔɔsi 2:4

Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Marki 8:37

Bɛ̀ min mɛn nyin papaã, a n die wàa koe Lawa la, a tɔn wusoo a yɛ?

Rɔmu minin 1:21

Ta ǹ nə́ Lawa dɔ̃, ǹ na a guguru kɔ Lawa lɛa wa, ǹ barka dɔ da-n wa. Ǹ taasiɛn nə́ kooro baa, ǹ nə́ n piã ka sii giala miɛ nɛ, ǹ gɔ́ɔ̃ tii.

Korɛnti1 3:20

A n pii doo mà «Dɛnaa din tá sii-dɔ̃lin taasiɛn doɛ̃, ǹ ba màn kɔ́n lɛa wa.»

Korɛnti1 6:20

Lawa ka pii, á ka giɔ̀mɔ saraa. A bɛ́ miɛ̃, ka ka gɔ̀nɔn lɛ baa Lawa tɔ gole kɔ ǹ màn lɛa.

Korɛnti1 7:23

Lawa ka pii, á ka giɔ̀mɔ saraa. Ka nyan toa ka goã minbuiin nɛ a bɛ̀rɛ lɛa doo wa.

Galaasi minin 1:4

Yezu Krita lɛ na á n din kɔ wɔa sii baraan lɛa, màn mɛn bɛ́ toɛ, a wɔ kirisibaa sisia a kanaa babaraa kɛ ganaa. Bɛ na á n zɛnaa, á kɔnpɛ wɔ Di Lawa din foo sii ni.

Efɛɛzi minin 4:17

Ma bɛ́ màn mɛn pii ka nɛ ma á laɛ, ka Dɛnaa tɔ nɛ, bɛ á ke: Ka nyan ka dinin baa ka min kooron bɛ́ lɔn wa. Bɛn man koe ǹ dinin taasiɛ kooron lɛ,

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 9:12

Krita bɛ́ á kiɛ̃ mɔnaa kion lɛ nɛ, a na á wɔ Bǎã Sonbore Sonbore kɛ lɛ nɛ gunyin goon toto, a ba kɔsɔ zɛnɛɛ doo wa. A bie á wɔ ka butumun laanka diin nɛn mà nɛ, á kɔ wa, a na á n din mà kɔ. Bɛa yɔrɔ kɛ lɛ la, a na á wɔ si wɔa sii baraan la yǎa duduu.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.

Zaã1 3:5

Sɛnɛ, ka á doɛ̃, mà Krita na á daa minbuiinin sii baraan bɔ ǹ ganaa, sii baraa kɔ́n ná a ba a din li wa.