Ozee 9:9 - LAWA A BOO SONBORE 2011

⁹ Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

LAWA A BOO SONBORE

⁹ Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Ozee 9:9 ပူးပေါင်းရင်းမြစ်များ

Bɔ bɛ̀rɛbaa nɛ 32:7

Dɛnaa boo da Muizu ni, á pɛ: – Gisĩ fufuu. A giala, n zaman lɛ sàabaa, zaman kɛ lɛ, ń soo ne ń bɔ Ezipti gána nɛ.

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Izayii 31:6

Izirayeli minin lɛn, ká n dɔ̀ɔ̃ wɔ Dɛnaa Lawa nɛ taãn-taãnɛ. Ka wusoo ka da a li.

Zeremii 14:10

Dɛnaa Lawa bɛ́ boo mɛn diɛ zaman lɛ nɛ, á ke: «Hiĩ, minin kɛn man baa sii paǹ yii li ǹ dinin gɔn wìi á lɛ-a. Bɛ lɛ n kɔɔ̃nɛ ǹ dinin ganaa.» Sɛnɛ, bɛa Dɛnaa Lawa foo sii lɛa wa. Kanna kəni, a yiri á re gisĩ ǹ siɛ̃n nɛ, á re ǹ sii baraa a dɔlɔ boe ǹ ganaa.

Ezekieli 21:28

Zeruzalɛmu minin man die bɛa dí kɛ lɛ biɛ soɛ lɛa. A giala, minin nə́ goã ǹ nə́ n lɛ kɔ ǹ la, mà ǹsɛn tá re n doe ǹ lɛ. Sɛnɛ, mà ǹ tá re woe bɛ̀rɛbaa ǹ bǎã nɛ, mà bɛ á re ǹ yiri diɛ ǹ sii baraa lɛ nɛ.

Ozee 10:9

A saa Gibeya a lɛawaan kɛn ganaa, ń sii baraa zɛnaa Izirayeli, n nə n giã ǹ gɔn bɔyaa wa. Zia ke á yoo gɛ̀-dɛlen wɔ lɛa, bɛ lɛn die n yiɛ Gibeya.

Ozee 4:9

Dɔlɔ mɛn bɛ́ re zaman lɛ yii, a din lɛ n die wúlu-bɔlen dɔn yii. Ma á re didie a zɛnaa ǹ siin kɛn dɔlɔ boe a ganaa, a sii mɛn zɛnaa, ma á re a dòo sarɛɛ la.

Ozee 5:8

Ka bɛn pɛ Gibeya kiwi, ka bɛn pɛ Ramaa kiwi, ka lɛn da Bɛti-Avɛn kiwi: Haya! Bɛnzamɛn tɔrɔn lɛn, kaa zɔ́ɔn tá ka kio.

Ozee 7:2

Ǹ bɛ́ sii baraa mɛn tumaa zɛnɛɛ, ma yiri a boe-n wa, sɛnɛ, ǹ ba bɛa taasiɛ we wa. Sisia dinin, ǹ zɛnaa ǹ sii baraan lɛn nə́ ǹ da bii. Maǹ ma yɔrɔ-a miɛ̃ duduu.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Ozee 9:8

Efrayimu a wɔlɔ-lɛduə̃li lɛ n kun ka maa Lawa nɛ, Lawa a boo gii-dali lɛ nɛ. Maǹ kan koɛ a kiɛ̃ ǹ ziin tumaa la. Haalɛ Lawa a kion din ni maǹ yui a gialaa.

Sofonii 3:7

Má pɛ ma din ni: Sisia, kiwi lɛ á die ma guguru koe, á re n too koe maa doroon li. Bɛ̀ á miɛ̃, ma a re maa dɔlɔn kɛn boe a ganaa doo wa, ma a re a bɔ̀n biɛ doo wa. Sɛnɛ, haayii! Kiwi lɛ a minin man nə́ n gòã yii fuu saa ǹ nə́ kaa sii baraa nɛ.

Sii yɔrɔ-bɔlen 19:12

A dɛnaagiĩ lɛ ná a lɛ si: «Wɔ a re golee tɔrɔ kɔsɔn kiwi kɛ-n kànaa wa, kiwi mɛn nə́ ke, Izirayeli min goon ná a ba a-n wa. Wɔ n die woe yǎa Gibeya kiwi.»

Sii yɔrɔ-bɔlen 19:16

A din wasamiɛ̃n lɛ nɛ, bɛ̀ giĩ gole goon nə́ ke boe a wuru dí nyaǹ bǎã-n die piɛ. Efrayimu a kele yii bǎãn kɛn min goon ne. Sɛnɛ, a na á goã giã-n Gibeya. A da yaa, bɛa bǎã lɛ a minin man Bɛnzamɛn tɔrɔn lɛa.

Sii yɔrɔ-bɔlen 19:22

Ǹ bɛ́ tán màn bii pɔpasɛ pɔpasɛ, bɛ̀ kiwi lɛ a minin nə́ ke die. Min gɛsɛn manɛ. Ǹ nə́ kion lɛ lɛnpɛnɛ, ǹ nə́ kiɛnlɛ dɛdɛ. Giĩ gole mɛn bɛ́ kiondɛnaa lɛa, ǹ nə́ pɛ bɛ-n kɛnɛn: «Giĩ kɛ lɛ á wɔ n kion, a bɔ n soo ne, màn mɛn bɛ́ toɛ, wɔsɛn nə giã kun ni.»

Sii yɔrɔ-bɔlen 20:43

Ǹ nə́ Bɛnzamɛn tɔrɔn lɛn lɛnpɛnɛ, ǹ nə́ ǹ loo miɛ̃, ǹ toa ǹ nə́ n susu wa. Ǹ nə́ ǹ dɛ yǎa Gebaa kiwi yɔrɔ-a, dia-n woe lɛ̀giala gɔn la.