Ozee 8:7 - LAWA A BOO SONBORE 2011

⁷ Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

LAWA A BOO SONBORE

⁷ Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Ozee 8:7 ပူးပေါင်းရင်းမြစ်များ

Siin Giala 41:23

Bɛ kio, má belee san sɔbaa kɔsɔ yɛ, ǹ nə́ bɔ bɛn kio, ǹ nə́ laa ǹ nə́ bɛbɛnɛ piɛ̃ lɛ gɔn.

Kiin2 15:19

Asiirii gána a kii Puli daa gána lɛ si á n kɔ lɛ, sɛnɛ Menaahɛmu wɔrɔ kilo duu pɔsɔɔwensii (34 000) kɔ Puli lɛ la, màn mɛn bɛ́ toɛ a n dɔ lɛ pàã lɛ gòãn nə boo la ǹ wɔ tán a gɔn.

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Zɔbu 4:8

Masɛ màn mɛn yɛ, bɛ n ka kɛ nɛ: didie a zɛnaa ǹ sii n koe lɛ. Bɛ̀ ń zɛnaa baraa, baraa nə n yii.

Suusun 22:8

Min mɛn bɛ́ mɛnɛɛ minin la, koe á re yii. A kakaarɛbaa á re nyɛɛ.

Boo-laakalaali 5:16

Ka bɛ dɔ nɛ, a na a yiikoonaabaa biikoo tumaa zɛnɛɛ wɔlɔ tì li, a n taasiɛ gigiã we, busu na a ganaa, a foo dɔ n yoo ne.

Izayii 17:11

Maǹ gole koe n yii ni ǹ zumii pinaa. N da we mɛn kaa baayɛlɛ, bɛ n buũ koe a din pinaa. Sɛnɛ bɛ̀ busu daa ǹ mɛn pinaa, a nɛ a bǐɛ̃ koe wa. Bɛa busu lɛ, dagòã ba la wa.

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Zeremii 12:13

Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Busii pɛ 5:2

N gána mɛn kɔ wɔ la, á ke tiin wɔ lɛa. Min mɛnɛn bɛ́ wɔ ba ǹ doɛ̃ wa, wɔa kionən man bɛn gɔn.

Ozee 2:9

Á re baa sii a tɔntɔraan lɛn kio, sɛnɛ a re doe ǹ ganaa wa. Á re giɛ ǹ li, sɛnɛ, a re ǹ yii wa. Bɛa biikoo li á re pii: «Man die wusii ma wo ma zuũ bibinaa lɛ li, a giala, maa tá walan nə́ goã soɛ á la maa pelo ǹ kɛ nɛ.»

Ozee 7:9

Tiin manə ǹ kakabaa a là bii, sɛnɛ, ǹ ba doɛ̃ wa. Ǹ mìi ka na á fulu sɛnɛ, ǹ dinin ba doɛ̃ wa.

Ozee 9:16

Gɔn nə́ Efrayimu minin lɛn kũ. Ka da bɛ́ lɔn, ǹ gòonən nə́ laa. Haalɛ nɛ goon din, ǹ ba re koe doo wa. Ta ǹ gɔ́ɔ̃gɔ́ɔ̃ ǹ nɛnyaanan mɛnɛn nə́ yɛ, ǹ sii n kaka ǹ gɔn, ma á re bɛn dii ma ǹ bɔ kanaa.

Nahumu 1:3

Dɛnaa Lawa foo a yui fufuu wa. Sɛnɛ a zɛ̀rɛdɛnaa bíi zɛ̀rɛbaãdɛnaa wa. A pàã golebaa miã banban. Piɛ̃ laanka kurunkurun na a kiɛ̃ ǹ zii lɛa. A gòã giulun gusuũ n ka labaran nɛ.

Azee 1:6

Kaa màn diɛ mɔnaa, sɛnɛ kaa kaa-piɛ siĩn kɔ wa. Ka n màn bii, sɛnɛ kaa kiɛ̃ wa, ka n màn mii, kaa mu boro dɔ a nyɛɛ wa, ka n mɔnaa we sɛnɛ a kaa nyan nyɛɛ wa, ka n saraa yii, sɛnɛ a n woe zéwo giala koo-a nɛ.

Galaasi minin 6:7

Ka nyan sã ka dinin yiri ganaa wa. Min ba yaa we Lawa ganaa wa. Bɛ̀ min màn mɛn da, a n die bɛ lɛ kuri.

Galaasi minin 6:8

Bɛ̀ min màn da á kɔnpɛ ka a gɔ̀nɔn foo sii ni, gɔ̀nɔn foo sii bɛ́ màn mɛn koe, a n die bɛ kuri: Gɛ̀ nɛ. Sɛnɛ, bɛ̀ min màn da á kɔnpɛ ka Yiri Fu foo sii ni, Yiri Fu bɛ́ màn mɛn koe, a n die bɛ kuri: nyin nyabaã nɛ.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.