Ozee 7:5 - LAWA A BOO SONBORE 2011

⁵ Ǹ kii a zɔ́n pinaa, ǹ kiodɛnan man duvɛ̃ gigiã mii, bɛ̀ ǹ na a busu kɔ. Yaa wɔ minin ganaa wolen kɛn, kii dɔ na a wɔ kiɛ kun ka bɛn nɛ.

LAWA A BOO SONBORE

⁵ Ǹ kii a zɔ́n pinaa, ǹ kiodɛnan man duvɛ̃ gigiã mii, bɛ̀ ǹ na a busu kɔ. Yaa wɔ minin ganaa wolen kɛn, kii dɔ na a wɔ kiɛ kun ka bɛn nɛ.

Ozee 7:5 ပူးပေါင်းရင်းမြစ်များ

Siin Giala 40:20

A lɛawaa sɔɔbaa ǹ wɔ na á n baa Faarahɔn lɛ a yɛ ǹ zɔ́n zɛnaa pinaa lɛa. Á màn-bii gigiã zɛnaa, á kɔ a pàãdɛnan tumaa la. Bɛ lɛ a pinaa, á yɔ kɔ kii la wolen goledɛnaa lɛ laanka buuru-dalin goledɛnaa lɛ waa, á soo ǹ ne ǹ tumaa yɔrɔ-a.

Kiin1 13:4

Kii Zeroboamu lɛ bɛ́ á Lawa a boo gii-dali lɛ ma boo diɛ ka paraa nɛ, Betɛli kiwi a wúlu bɔ ǹ bǎã lɛ ganaa, á n gɔn saa á dia lon wúlu bɔ ǹ bǎã lɛ lalan á paraa: «Ka giĩ kɛ kũ.» Sɛnɛ a n gɔn mɛn lɛ nyaa Lawa a boo gii-dali lɛ ganaa, bɛa gɔn lɛ gã, a ba boe la a tá wusii mɔrɛ a din ganaa doo wa.

Loen 1:1

Min mɛn bɛ́ a ba n too koe min baraan boo li wa, a ná a ba sii baraa-zɛnaalin lɛn zoɛ̃ wa, a ná a ba n mɔrɛ Lawa da yaa lɛa wolen ganaa wa, bɛa dɛnaa wɔ na á bǐɛ̃ kɔ.

Loen 69:12

Má maa foo-ziziɛ̃ nyaa, ka ń pɛ, mà man gɛ̀ koɛ, bɛ lɛ dɔ a lɛa, ǹ nə́ ma tɔ da wɔlɔ la.

Suusun 13:20

Bɛ̀ n koa kun ka sii-dɔ̃li ni, ma n sii-dɔ̃li biɛ. Bɛ̀ n koa kun baãnaa nɛ, n tá re nɔmaa we.

Suusun 20:1

Duvɛ̃ nə min diɛ ǹ miãn yii puusə kɔ ganaa. Yɔ kaka n min diɛ sɛ̀ pɛ ganaa. Min mɛn bɛ́ mii á la a yii ni, bɛa sii-dɔ̃li biɛ wa.

Izayii 28:1

Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

Izayii 28:14

Kasɛn foo-saalin kɛn Zeruzalɛmu nyɛɛnaan boe, ka n too kɔ Dɛnaa Lawa a boo li:

Danayeli sɛ́wɔ 5:23

N nə́ n gòãn dii lon a Lawa ganaa: A giala, ń minin dia ǹ nə́ woo Lawa a kion mànan goa ǹ nə́ daa ǹ kɔ n la, n din laanka n kiodɛnaa dadaran nə́ duvɛ̃ kaa ǹ nɛ ka mi, kun ka ka gòã li ǹ lɔn laanka kaa lɔ kɔsɔn nɛ. Ka bɛ dɔ nɛ, dìn mɛnɛn nə́ ke ǹ nə́ ǹ zɛnaa ka wɔrɔ nɛ, ka sana nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ yii ná a wɔlɔ yii wa, ǹ too ná a boo miɛ wa, ǹ nə ǹ ba màn kɔn doɛ̃ wa, ń loe lɔ, ń bɛn tɔ bɔ nɛ. Sɛnɛ, Lawa mɛn lɛ á ke n fɔfoã ná a gɔn, n sii tumaa ná a gɔn, n nə́ n piã n bɛ guguru kɔ wa.

Ozee 7:3

Maǹ kii foo kɔɔ̃n koe ǹ sii baraan taman yii, ǹ goledɛnan foo kɔɔ̃n koe ka ǹ soɛn nɛ.

Matiə 14:6

Sɛnɛ, Erɔdi a yɛ ǹ zɔ́n pinaa, Erɔdiadi a nɛlɔ yoo, á bɛ̀ baa zɔ́n màn-biilin yɔrɔ-a. Bɛ́ kɔɔ̃n kɔ Erɔdi ganaa parsiini,

Marki 6:21

Sɛnɛ, Erɔdi a yɛ ǹ zɔ́n zɛnaa pinaa na á n baa Erɔdiadi a lɛawaa sonbore lɛa. Bɛ lɛ a pinaa, Erɔdi màn-bii gole zɛnaa a pàã a mìilandɛnan manɛ ka sɔraasin goledɛnan laanka Galilee gána a min dadaran nɛ.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.