Ozee 4:12 - LAWA A BOO SONBORE 2011

¹² Maa zaman lɛ nə n gɔn koɛ gɔn dì kɛ la. A bàlà lɛ n siin yɔrɔ pii ni. Kɔrɔbaa ǹ taasiɛ nə ǹ yiri siɛ̃. Bɛ lɛ nɛ, ǹ nə́ n na, ǹ nə́ n bɔ ǹ Lawa ganaa maǹ lawa kooron kio.

LAWA A BOO SONBORE

¹² Maa zaman lɛ nə n gɔn koɛ gɔn dì kɛ la. A bàlà lɛ n siin yɔrɔ pii ni. Kɔrɔbaa ǹ taasiɛ nə ǹ yiri siɛ̃. Bɛ lɛ nɛ, ǹ nə́ n na, ǹ nə́ n bɔ ǹ Lawa ganaa maǹ lawa kooron kio.

Ozee 4:12 ပူးပေါင်းရင်းမြစ်များ

Kiin2 17:7

Bɛ na á n zɛnaa, a giala, Izirayeli nɛnyaanan lɛn man nə́ sii la Dɛnaa Lawa, ǹ Lawa lɛ la, asɛ mɛn lɛ goã á ǹ waa á soo ǹ ne Ezipti gána nɛ, á ǹ bɔ Ezipti gána a kii *Faarahɔn gɔn. Ka bɛ dɔ nɛ, Izirayeli nɛnyaanan lɛn nə́ goã ǹ nə́ dìn guguru kɔ.

KZS2 21:13

Sɛnɛ, n giã ǹ gɔn tá baraa á la Izirayelin kiin wɔ nɛ. Ń Zeruzalɛmu laanka Zudaa minin kaa lawa kɔsɔn guguru kɔ ganaa ka Akaabu a kion minin bɛ́ zɛnɛɛ lɔn. N nə́ n dɔɔ̃nɔn dɔn dinin dɛ, n díi a nɛgiĩn. A da yaa dɔn dinin ǹ tá soɛ n nɛ.

Loen 106:39

Ǹ sii zɛnaa miɛ̃ kɛ *gɔ̀ da ǹ ganaa. Ǹ nə́ lɛ-tiilin baa ka lɔ kɔrɔn bɛ́ lɔn.

Loen 73:27

A din lɛ n ke: Min mɛn bɛ́ n wɔlɔ lui Dɛnaa ganaa, bɛ n bɔ̀n biɛ. Min mɛn bɛ́ n tii, n nə n bɛa dɛnaa ziziɛ̃.

Zeremii 10:8

Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Zeremii 2:27

Nyín mɛn bɛ́ gɔn lɛa, ka ǹ pii bɛ nɛ: «Maa díi ni n ni!» Nyín mɛn bɛ́ kɔlɔ lɛa, ka n pii bɛ nɛ: «N din ni n ma da kanaa!» Màn mɛn tá-a ka n yɔrɔ dia masɛ la, ka nə n dɔ̀ɔ̃ we ma nɛ. Sɛnɛ, bɛ̀ koe ka yɛ lɔn gɔrɔ, ka ǹ pii ma-n kɛnɛn: «Yoo, n wɔ kirisibaa!»

Zeremii 23:13

Samarii a Lawa a boo gii-dalin li, má siin yɛ ǹ mɛnɛn bɛ́ ǹ ba foo sii wa. Maǹ boo diɛ ka *Baali tɔ nɛ ǹ nə́ maa zaman Izirayeli siɛ̃ nɛ.

Ezekieli 20:32

Ka na a gialaa pii mà kasɛn man zoɛ̃ li ka n baa ka tɔrɔ kɔsɔn kɛn bɛ́ lɔn, ká gána kɔsɔn kɛn tanlɛ minin bɛ́ lɔn, ka dìn guguru kɔ, dìn mɛnɛn bɛ́ gɔn lɛa hinlaa kɔlɔ lɛa. Bɛa taasiɛ kɛ lɛ á wɔ ka yiri ni, a zɛnaa ba giala yii wa.

Ezekieli 21:21

Haya, gɔya lɛ bɔle-a! A dɛ bɛ̀ n wo gusin, n bɔyaa n dɛ bɛ̀ n wo gɔsɛ, n nyan bǎã kɔn din toa wa.

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Ozee 5:4

Ǹ zɛnaa ǹ sii lɛ din ba toɛ ǹ yii wɔ ǹ wusoo ǹ da ǹ Lawa li wa. A giala, kɔrɔbaa ǹ taasiɛ lɛ tá ǹ yiri ni. Ǹ ba masɛ Dɛnaa Lawa doɛ̃ wa.

Ozee 6:10

Izirayeli a kion kɛ nɛ, má sii bɔbɔnɛɛn yɛ! Efrayimu tɔrɔn kɛn nə́ kɔrɔbaa zɛnaa walan, bɛ lɛ dɔ n die *gɔ̀ diɛ Izirayeli minin tumaa ganaa.

Ozee 9:1

Izirayeli minin lɛn, ka nyan toa kaa foo kɔɔ̃nbaa la yii-n, ka tɔrɔ kɔsɔn kɛn wɔ bɛ́ lɔn wa, a giala, ká kɔrɔbaa zɛnaa, ká n na ka n bɔ kaa Lawa ganaa, a giala ǹ bɛ́ *belee duwii bǎã mɛn tumaa nɛ, kaa kɔrɔbaa lɛa saraa nɛ, ka tá a kio walan.

Lawa a wúlu-bɔlen 17:7

Bɛ̀ á n baa miɛ̃, ǹ ba re ǹ wúlu mànan dii butumu nyínin kɛn ganaa doo wa. Maǹ nə́ Lawa bɔlɔ tii, ǹ tá bɛa dìn kɛn lɛn miãn kio. Kɛ n landa lɛa ǹ mìi ni miɛ̃ duduu, ǹ tɔrɔn tumaa wɔ lɛa, a ná a ba n bɔyɛɛ wa.

Lawa a wúlu-bɔlen 20:5

masɛ dinmaa á die n bɔyɛɛ man yɔrɔ da bɛa dɛnaa laanka a tanlɛ minin la, min mɛn tumaa bɛ́ re Molɛki lɛ guguru koe kun ni, ma ǹ waa, ma ǹ bɔ Izirayeli tɔrɔ bii.

Misee 2:11

Min mɛn bɛ́ re die boo kooro diɛ ka nɛ, a soɛ bɔ ka nɛ, mà ka á die duvɛ̃ laanka yɔ kakaarɛ yii, táa ka n giɛ bɛ miã min lɛ li. Sɛnɛ min tɛnɛn maǹ baãnaabaa ǹ boo kɛ diɛ zaman lɛ nɛ:

Abakuku 2:19

Kaa wɔ n ka koe ne! Ka ǹ pii gɔn lɛkoro ne: «N yii bũ!» Ka ǹ pii màn nyín ni kɔlɔ lɛa a ná a boo diɛ wa: «N nyan nyuù wɔ wa!» A da yaa ǹ ba boe la ǹ tá sii kɔn nyɛɛ ka-n wa. Sonbore, maǹ nə́ sana laanka wɔrɔ kaa bɛa màn nyínin lɛn la. Sɛnɛ, yiikoonaabaa ǹ piɛ̃ goon din ba ǹ nɛ wa!

Minin nimi 15:39

Bɛa yɔrɔ lɛ la, wɔ ǹ dɔnkɛn mɛnɛn nə́ ke ka pasa ka-a, ka die ka bɛn wɔ. Bɛ̀ ka bɛa pasa lɛ yɛ, ka yiri tá re gisĩ masɛ a dí-pɛn tumaa nɛ, ka kɔ ǹ lɛ. Bɛ á die toɛ ka n ka a re tɔ we ka foo dùũ laanka ka yii dùũ kio, ka màn kɔsɔn guguru kɔ wa.

Timəə dí-pɛn 31:16

Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.

Sii yɔrɔ-bɔlen 18:5

Ǹ nə́ tɔ́n pɛ nɛ: «A bɛ́ miɛ̃, nɔ̀n da Lawa la, màn mɛn bɛ́ toɛ, wɔsɛn bɛ́ zii tɔ mɛn we, bɛ̀ á re bǐɛ̃ koe, wɔ dɔ̃.»