Ozee 3:4 - LAWA A BOO SONBORE 2011

⁴ A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

LAWA A BOO SONBORE

⁴ A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

Ozee 3:4 ပူးပေါင်းရင်းမြစ်များ

Siin Giala 31:19

Laban na á goã á woo a tɔɔn ka kuru ǹ bǎã nɛ. Raseli bɛ toa walan, a ná a kion lɛduə᷉ ǹ dìn goa a kio.

Siin Giala 31:34

Raseli na á goã á dìn lɛn goa, á ǹ duru nyɔɔmaa a kɛkɛrɛ giulun, á giã la. Laban mɔnaa kion gɔ́ɔ̃ tumaa gugusi, á ga, a màn kɔ́n yɛ wa.

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Samayeli2 6:14

Davida na á goã bɛ̀ biɛ ka a we tumaa nɛ Dɛnaa Lawa yɔrɔ-a ka wúlu-bɔlen mɔnaa yii nɔnɔɔ kɛ ná a ganaa.

Kiin2 23:24

Min mɛnɛn bɛ́ nyín bíi, ka min mɛnɛn bɛ́ boobaa ǹ dí nyɛɛ, Zoziasi bɛn dɛ, á kion lɛduə̃ ǹ dìn papaã ka dì tɔrɔ kɔsɔn nɛ. Sii bɔbɔnɛɛ mɛn tumaa goã n zɛnɛɛ Zudaa gána laanka Zeruzalɛmu kiwi, Zoziasi bɛn dɔn papaã. A na á baa miɛ̃, màn mɛn bɛ́ toɛ, a dí-pɛn lɛ pã. Bɛa dí-pɛn lɛn man kiɛ̃-n sɛ́wɔ kɛ nɛ, Lawa a wúlu-bɔle Ilkia goã á yɛ Dɛnaa Lawa a kion.

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

Bɔ bɛ̀rɛbaa nɛ 28:4

Ǹ bɛ́ re mɔnaan mɛnɛn zɛnɛɛ, bɛn nə́ ke: Tìãbii zéwo ke, ka dí nya ǹ mɔnaa kɛ nɛ, ka dɔnkɛ sasa nɛ, ka dɔnkɛ boɛɛn sonbore ne, nyaǹ ná a ganaa, mìi yii ǹ mɔnaa gɔn nɛ, ka binbin yii ǹ wɔ nɛ. Ǹ doamaa nɛ, ǹ bɛa mɔnaa sonboren kɛn lɛn zɛnaa n din gologiĩ Aarɔn wɔn lɛa, ka a nɛgiĩn ni, màn mɛn bɛ́ toɛ, a masɛ a dí nya.

Bɔ bɛ̀rɛbaa nɛ 28:6

Ǹ dí nya ǹ mɔnaa lɛ sɛ zɛnaa ka mɔnaa guguru sonbore ne, foɛ̃-n ka sana nɛ, ka gɛ̀sɛ korebore ne, ka a tã nɛ, ka a tã zenzen ne, ǹ toa ǹ na a dí nya doɛ̃.

Busii pɛ 2:9

Kiwi lɛa kiɛnlɛn nə́ kaa, ǹ nə́ wɔ tán tii li. Dɛnaa Lawa nə́ ǹ kii la ǹ bàlà yiyiɛ. A kii laanka a nyɛɛnaandɛnan man gùlin lɛa tɔrɔ kɔsɔn bii. Dí-pɛ banban doo wa, a boo gii-dalin ba Dɛnaa Lawa a sii-nyaa yii doo wa.

Ezekieli 19:14

Tɛ soo da lɛ gùrùn ni, a ná a gùrùn laanka a nɛ kũ. Gùrù dadaran ba rezɛ̃ da lɛ ganaa doo wa, kiin kiibaa ǹ bàlà a yii a ganaa doo wa. Kɛa loe kɛ n siĩni a n lɔ foo ziziɛ̃ ǹ loe lɛa.

Ezekieli 20:32

Ka na a gialaa pii mà kasɛn man zoɛ̃ li ka n baa ka tɔrɔ kɔsɔn kɛn bɛ́ lɔn, ká gána kɔsɔn kɛn tanlɛ minin bɛ́ lɔn, ka dìn guguru kɔ, dìn mɛnɛn bɛ́ gɔn lɛa hinlaa kɔlɔ lɛa. Bɛa taasiɛ kɛ lɛ á wɔ ka yiri ni, a zɛnaa ba giala yii wa.

Ezekieli 21:21

Haya, gɔya lɛ bɔle-a! A dɛ bɛ̀ n wo gusin, n bɔyaa n dɛ bɛ̀ n wo gɔsɛ, n nyan bǎã kɔn din toa wa.

Ezekieli 21:31

Ma din Dɛnaa Lawa gole n kɛ pii: Ǹ tá re n kiibaa ǹ bafolo laanka n gɛ̀lɛ boe ǹ bɔ n mìi-a, siin nə n bɔyaa. Min mɛn bɛ́ tán, bɛ á re yui lon, min mɛn bɛ́ lon, bɛ á re gisĩ tán.

Danayeli sɛ́wɔ 11:31

Lawa a kion mɛn lɛ á ke ǹ nə́ kungɔn dɔ ǹ ná a lɛnpɛnɛ nɛ, á re sɔraasin diɛ ǹ da bɛ lɛduə̃. Bɛn tá re bǎã lɛ zaãbiɛ. Ǹ bɛ́ *wúlu màn mɛn koe Lawa la baraabaraa, ǹ tá re minin kurii bɛa kɔ ganaa. Sii bɔbɔnɛɛ mɛn bɛ́ basaã koe, ǹ tá re bɛ zɛnɛɛ Lawa a kion lɛ nɛ.

Danayeli sɛ́wɔ 12:11

A saa baraabaraa a wúlu kɛ a boe lɛ-diɛ ganaa, a da kaa basaã kɔ ǹ sii bɔnɛɛ kɛ a zɛnaa lɛ, bɛ n die goɛ̃ lɛawaa duu goon ka biɛpaa ka pɔmanangɔrɔ (1 290).

Danayeli sɛ́wɔ 9:27

Lɛ̀ sɔbaa giala-nyɔmiɛ̃ lɛ a biikoo li, goledɛnaa lɛ á re die lɛ kɔ kɔn la we min gigiã nɛ. Lɛ̀ sɔɔ ka talɛɛ gɔ́ɔ̃ nɛ, á re minin kurii wúlu-bɔ laanka Lawa gɔ màn nɛ ganaa. Bɛa basaã-kɔle lɛ á re a sii bɔbɔnɛɛn lɛn zɛnɛɛ ka baafuubaa nɛ yǎa basaã woe a din yii a giala-nyɔmiɛ̃ biikoo li, ka a bɛ́ á n pɛ lɔn.»

Ozee 13:10

N kii lɛa maa kəni? Asɛ mɛn doamaa nɛ a n kirisibaa n kiwin ni? N bɔ sii-n wolen lɛn man maa? N pɛ ǹ mɛnɛn lɛn manɛ, mà ǹ kii kɔ nsɛ la ka nyɛɛnaandɛnan nɛ.

Ozee 13:11

Má kii kɔ n la ma foo n yoo ne n li, má wusoo má si ka foo busii ni.

Ozee 2:11

Bɛ lɛ na á toa, ma á re maa belee kuĩ ma si la, a kurii biikoo li, ma á re maa rezɛ̃ kuĩ ma si la, a ma biikoo li. Sère ka mɔnaa laanka gɛ̀sɛ sonbore mɔnaa ke, ǹ mɛnɛn lɛn bɛ́ a sìi duri, ma á re bɛn wɛɛ, ma ǹ bɔ a ganaa.

Lawa a wúlu-bɔlen 8:7

Dɔnkɛ sonbore ke nyaǹ ná a ganaa, á bɛ wɔ Aarɔn ganaa, á ná a binbin yii ǹ màn kɛ da la. Bɛ kio, á dɔnkɛ sasa kɛ wɔ a ganaa, á dí nya ǹ mɔnaa kɛ da la, á bɛ lɛ gɔnɔn kũ á ǹ yii a dɔ̀ɔ̃ nɛ.

Zakarii 10:2

Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.

Zakarii 13:2

Dɛnaa Lawa Pàãyiidɛnaa a da ǹ boo á ke: – Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Zaã a sɛ́wɔ 19:15

Sɛnɛ, ǹ nə́ kaa lɛ-dɛ nɛ: «A dɛ a gã! A dɛ a gã! A dere gɔn ganaa!» Pilati wusoo á pɛ: «Ká mà ma kaa kii lɛ dere gɔn ganaa?» Wúlu-bɔlen goledɛnan mà a ganaa mà ǹsɛn kii kɔsɔ banban á kiɛ̃ Rɔmun kii gole gole la wa.

Ebrəə 10:26

Wɔa sonbore doɛ̃ taãn-taãn kio, bɛ̀ wɔ á tɔn nə n tiɛ̃ sii baraa zɛnɛɛ, sii baraa toa ǹ wúlu kɔ́n banban doo wa.

Sii yɔrɔ-bɔlen 17:5

Bɛ́ daa yaa, bɛa giĩ kɛ lɛ ǹ nə́ bíi Miikaa dɔn, bɛ̀ dì guguru kɔ ǹ kion tá a lon. Á kion lɛduə̃ ǹ dì zɛnaa, á dì lɛ a dí nya ǹ mɔnaa zɛnaa, a ná a din a nɛgiĩ goon bɔ á koa dì lɛ a wúlu-bɔle lɛa.

Sii yɔrɔ-bɔlen 18:14

Giĩ min sooro mɛn goã ǹ nə́ woo ga Layisi kiwi lɛ ganaa, bɛn nə́ pɛ ǹ dɔɔ̃nɔn lɛn manɛ: «Dì dí nya ǹ mɔnaa laanka kion lɛduə̃ ǹ dìn tá kionən kɛn lɛn goon ne. Ka tá bɛ doɛ̃ ke? Ka doamaa bɛ́ nɛ, ka sii mɛn zɛnaa kanna, bɛ n ka dinin ganaa.»

Sii yɔrɔ-bɔlen 8:27

Zediɔ̃ bɛa sana lɛ saa, á màn nyín zɛnaa nɛ, á koa a kiwi Ofra. Sɛnɛ, Izirayeli min tumaa na á goã woe bɛa dí nya ǹ mɔnaa kɛ lɛ guguru koe, ǹ nə́ kɔrɔbaa zɛnɛɛ. A din lɛ dɔ na á Zediɔ̃ laanka a kion minin da sii ni.

Samayeli1 14:3

Ayia na á goã Dɛnaa Lawa a wúlu-bɔle lɛa Siiloo. A na á goã Lawa a dí nya ǹ mɔnaa we. Ikabodi ǹ dɔɔ̃ngiĩ, Ayitubu a nɛ n ka Ayia nɛ. Ikabodi n Fineyasi a nɛ lɛa. Fineyasi dɔ n Elii a nɛ lɛa. Zaman lɛ goã doɛ̃ mà Zonaatan woo wa.

Samayeli1 15:23

Piã lɛ n sii baraa lɛa, ka wɔ-kũ bɛ́ a lɛa lɔn, too kakabaa dɔ na a lɛa ka kɔnkoãbaa laanka dì guguru kɔ bɛ́ a lɛa lɔn. N bɛ́ ń Dɛnaa Lawa bɔlɔ tii, Dɛnaa Lawa nə n dɔ tii, n ba kii lɛa doo wa.»

Samayeli1 2:18

Samayeli sɛ na á goã dí nyɛɛ Dɛnaa Lawa yɔrɔ-a. A bɛ́ nɛnyaan lɛa, dí nya ǹ mɔnaa yii nɔnɔɔ sonbore na á goã a ganaa.

Samayeli1 21:9

Davida nɔ̀n da Akiimelɛki la: «Sɛmiɛ̃ hinlaa gɔya sa tá yii n gɔn kànaa ya? Ma da ka maa gɔya sa nɛ ma gɔn wa, ma da ka maa ziabaa ǹ mànan nɛ wa, a giala, kii lɛ a dí lɛ goã dí fuu lɛa.»

Samayeli1 22:18

Kii lɛ tɔ́n pɛ Dowɛgi ni mà a n bɔyaa a ǹ dɛ! Dowɛgi lɛ, Edɔmu min lɛa, á n bɔyaa, a dinmaa Lawa a wúlu-bɔlen lɛn dɛ. Bɛa pinaa kɛ lɛ nɛ, Lawa a wúlu-bɔlen lɛn Lawa a dí nya ǹ mɔnaa we ǹ ganaa, a na á bɛn min pɔkiwisiwensooro (85) dɛ.

Samayeli1 23:6

Akiimelɛki a nɛgiĩ Abiataara bɛ́ baa sii liɛ, woe Davida li Kelaa kiwi, Lawa a wúlu-bɔlen dí nya ǹ mɔnaa goã a gɔn.

Samayeli1 23:9

Davida bɔ a siére-a, mà Sayulu n sii baraa yɔrɔ boe asɛ taman yii. Á tɔ́n pɛ Lawa a wúlu-bɔle Abiataara nɛ: «Da ka Lawa a dí nya ǹ mɔnaa lɛ nɛ.»

Samayeli1 30:7

Lawa a wúlu-bɔle Abiataara lɛ, Ayimelɛki a nɛ lɛa, Davida pɛ-n kɛnɛn: «Bǐɛ̃ kɔ n da ka Lawa a dí nya ǹ mànan lɛn nɛ!» Abiataara daa ǹ kɔ Davida la.