Ozee 2:17 - LAWA A BOO SONBORE 2011

¹⁷ Ma á re wusii ma a rezɛ̃ wuru kɛ kɔ la walan, Koe nyankɔrɔ ke a tɔ n Akɔɔrɔ, ma á re bɛ biɛ foo doa ǹ bǎã lɛa. Á re koe ma lɛ walan ka a nɛniɛmaa waáraa kɛ bɛ́ lɔn, ka a soo Ezipti gána-n biikoo kɛ bɛ́ lɔn.

LAWA A BOO SONBORE

¹⁷ Ma á re wusii ma a rezɛ̃ wuru kɛ kɔ la walan, Koe nyankɔrɔ ke a tɔ n Akɔɔrɔ, ma á re bɛ biɛ foo doa ǹ bǎã lɛa. Á re koe ma lɛ walan ka a nɛniɛmaa waáraa kɛ bɛ́ lɔn, ka a soo Ezipti gána-n biikoo kɛ bɛ́ lɔn.

Ozee 2:17 ပူးပေါင်းရင်းမြစ်များ

Loen 16:4

Sɛnɛ, man pii kanna máa min mɛnɛn bɛ́ baa sii lawa kɔsɔn kio, bɛa dɛnan nɔmaa a nyɛɛ wa. Masɛ á re *wúlu màn mà kiɛ ǹ ganaa doo wa. Haalɛ, ma á re ǹ boo din diɛ ka ma lɛ-n doo wa.

Bɔ bɛ̀rɛbaa nɛ 15:1

Muizu laanka Izirayeli nɛnyaanan nə́ loe kɛ lɔ, ǹ nə́ Dɛnaa tɔ bɔ nɛ: Man die loe loe ma Dɛnaa tɔ bɔ nɛ, a giala, á sii gole zɛnaa. Á sùin laanka ǹ lɛ-kũlin kaa tà mu li.

Bɔ bɛ̀rɛbaa nɛ 23:13

Ma bɛ́ má màn mɛn tumaa pɛ ka nɛ, ka n yiri kɔ bɛ li, ka zɛnaa tɛrɛɛnɛ. Ka baran lawa kɔsɔn nyankɔ wa, min baran ǹ tɔn dinin ma ka lɛ-n wa.

Zeremii 10:11

Ka doamaa bɛ ka boo mɛn da ǹ nɛ, á ke: lawan mɛnɛn bɛ́ ǹ lon zɛnaa wa, ǹ tán zɛnaa wa, bɛn tá re n lui ǹ nə n bɔ tán la, ǹ papaã ǹ nə n bɔ kanaa.

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Zakarii 13:2

Dɛnaa Lawa Pàãyiidɛnaa a da ǹ boo á ke: – Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ.

Zozoe 23:7

Tɔrɔn mɛnɛn bɛ́ tɔn giã nɛ ka li ke, ka nyan toa ka n lɔlɔkɔn ka bɛn nɛ wa. Ka nyan toa ka bɛn dìn kɛn tɔ bíi wa, ka baran n liɛ ka ǹ tɔ-n wa, ka baran kaa tán ǹ giulun ka ǹ gugurukɔ wa.

Zozoe 7:26

Bɛ kio, ǹ nə́ kɔlɔ da kɔn la Aakan lalan ka telee-n, Dɛnaa Lawa foo tɔ́n basã. Bɛa kɔlɔ dakɔnla lɛ á tɔn na a tan haalɛ tɔn pelo. Bɛ lɛ na á toa, ǹ tá tɔn bɛa bǎã kɛ lɛ bii haalɛ tɔn pelo mà "Akɔɔrɔ" bɛ giala mà "bɔ̀n da ǹ nyankɔrɔ basa".