Ozee 13:14 - LAWA A BOO SONBORE 2011

¹⁴ Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.

LAWA A BOO SONBORE

¹⁴ Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.

Ozee 13:14 ပူးပေါင်းရင်းမြစ်များ

Zɔbu 33:24

á makara bɔ a ganaa, á pɛ Lawa nɛ, mà a nyan toa a wo yala-n wa, mà asɛ ná a nyin si ǹ giɔ̀mɔ yɛ,

Zɔbu 41:22

A nɔ̀ kɛ n gagara ka tapara lɛ gɛrɛgɛsiɛ bɛ́ lɔn, bɛ̀ ń ná a kiɛ̃ ǹ bǎã yɛ, ka diin kána na á bɔ walan.

Loen 16:10

A giala, n ba re ma toɛ gɛ̀ gɔn wa, n ba re n din a min sonbore kɛ toɛ yala-n wa.

Loen 30:3

Dɛnaa Lawa, maa Lawa, má n lɛ dɛ n ganaa, ń ma kirisibaa.

Loen 49:15

Maǹ nə́ ǹ lui ka tɔɔn bɛ́ lɔn, ǹ nə́ woe ǹ ne geren piɛ. Gɛ̀ nə ǹ lɛduə̃li lɛa. A lɛawaa, min peperen man tɔ we ǹ yalan la ǹ kiɛ̃. Ǹ siĩnbaa tumaa n ziziɛ̃ geren piɛ, ǹ wɔlɔ n lui ni ǹ kion dadaran kɛn ganaa.

Loen 49:16

Sɛnɛ, Lawa á re masɛ nyin sii. Taãn nɛ, á re ma kanbiɛ gɛ̀ ganaa. Doa

Loen 71:20

N din a lɛa, má yɔrɔ-kɔsiɛ laanka nɔmaa gigiã yɛ. Sɛnɛ, n din tá re die n doe ma lɛ, n toa ma yii goã koo. N tá re die ma boe gɛ̀ li.

Loen 86:13

A giala, mà n kɔn-narɛɛ á gole maa wɔ paǹ li, ń ma si gɛ̀ a bǎã babaraa zuzulu kɛ la.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Izayii 26:19

Maa zaman, n geren yii á re kiɛ ǹ mɛnɛn bɛ́ yala-n, bɛn yii á re kiɛ. Ka yoo ka n bɔ geren li ka foo kɔɔ̃nbaa ǹ lɛ dɛ kasɛn mɛnɛn bɛ́ gusuũ li! Dɛnaa Lawa á re tɛ fúlu diɛ ka pele wɔ bɛ́ lɔn. Bɛ lɛ pàã ganaa, tán a geren yii á re kiɛ.

Zeremii 15:6

N din nə n ma toa walan, Dɛnaa Lawa a da ǹ boo ne, n nə n dɔ̀ɔ̃ wɔ ma nɛ. Bɛ lɛ nɛ, ma yoo n gialaa, ma n ziziɛ̃. Má makara bɔ n ganaa ma nɔmaa.

Zeremii 20:16

Bɛa dɛnaa nə n baa ka kiwi mɛn nə́ ke Dɛnaa Lawa ziziɛ̃, a makara ná a kũ wa. Baayɛlɛ woo baayɛlɛ, ginii lɛ n boe a nɛ, penleen, ziabaa ǹ lɛ-dɛ nɛ!

Zeremii 31:35

Die na á wasa da lon màn mɛn bɛ́ toɛ a wɔlɔ fúlu? Die n pii mui laanka leeren manɛ mà ǹ folon kaa tèlò ne Die n bìn diɛ yìsi mu gole ganaa, bɛ̀ a wuu bɔ? Dɛnaa Lawa Pàãyiidɛnaa nɛ. A tɔ n miɛ̃. Dɛnaa Lawa Pàãyiidɛnaa a da ǹ boo ne.

Ezekieli 37:9

Lawa tɔ́n pɛ ma nɛ: – Maa boo gii da yiikoonaabaa ǹ piɛ̃ kɛ nɛ, n pɛ nɛ: «Yiikoonaabaa ǹ piɛ̃, bɔ kanaa gùrù sii kɛ li n da kaa geren kɛn ganaa, màn mɛn bɛ́ toɛ, ǹ yii wusoo a kaa.»

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Ozee 7:10

Izirayeli tɔrɔn din gole kɔ kɛ lɛ n toɛ min nə ǹ dɔ̃. Sɛnɛ, ǹ lɛ kɔ ǹ nə́ wusoo ǹ nə́ daa Dɛnaa Lawa, ǹ Lawa li wa. A laanɛ siin kɛn lɛn tumaa nə́ ǹ yɛ, ǹ ga ma li wa.

Malakii 3:6

Masɛ Dɛnaa Lawa, ma ba n bɔyɛɛ wa. Kasɛn dɔn, ka a n boe minin-sãli Zakɔba tɔrɔ taãnbaa kɛ-n doɛ̃ wa.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Rɔmu minin 11:15

Sonbore, ǹ da para li kio ne, kanaa bii kɔɔ̃n kɔ kɔn ka Lawa nɛ. Bɛ̀ Lawa wusoo á n yɔrɔ da ǹ la, wàa n die n zɛnɛɛ kəni? A n die n biɛ ka min a yii kaa a bɔ geren bii bɛ́ lɔn!

Rɔmu minin 11:29

A giala, bɛ̀ Lawa màn kɔ, a na á kɔ, bɛ̀ á min dɔ bíi, a na á bíi, a ba wusii a sii zɛnaa kio wa.

Korɛnti2 5:4

Hiĩ, ta wɔ́ belebɔ wɔa kion kɛ-n lɔn, wɔ ǹ ginii we, wɔ ǹ nɔmaa la. A bie ka wɔ n zoɛ̃ li, wɔ n na wɔ n bɔ kɔn ka wɔ gɔ̀nɔn kɛ-n wa, sɛnɛ, wɔ yiri ná a ganaa, wáa wɔ wusoo wɔ Lawa a piɛ gɔ̀nɔn kɛ yɛ, ń giɛ, ǹ mɛn bɛ́ á gã, bɛ wusoo a yiikoonaabaa yɛ.

Filipi minin 3:21

Á re wɔ gɔ̀nɔn pàãwɛɛnaa kɛ bɔyɛɛ, a baa ka a din gɔ̀nɔn tɛ-pɛle kɛ bɛ́ lɔn. A giala, pàã mɛn bɛ́ toɛ màn tumaa tá a lɛ sii, a n die zɛnɛɛ ka bɛ nɛ.

Tesaloniki1 4:14

Bɛ̀ wɔ́ waa la sɛn wáa Yezu gã a yii wusoo á kaa, wɔ waa la dɔn wáa min mɛnɛn nə golee Yezu li yǎa á woo kaa ǹ gɛ̀ lɛ, Lawa á die bɛn dɔn yii kiɛ a ǹ kaa kun ka Yezu ni.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Sii-nyaan 20:13

Yìsi mu gole ná a geren kɔ. Gɛ̀ laanka geren piɛ dɔ ná a geren kɔ. Ǹ nə́ didie tumaa a kiri kuru a nya ǹ dí li.

Sii-nyaan 21:4

Á re ǹ yii mu tumaa tuturi a bɔ ǹ yɔrɔ nɛ, gɛ̀ ná a banban doo wa, gɛ̀-koa banban doo wa, duwəə ka là-paparɛɛ banban doo wa. Màn zizin kɛn nə́ papaã ǹ nə́ nya.»

Sii-nyaan 6:8

Ma bɛ́ giɛ, má sùi fu kəwuu yɛ. Min mɛn bɛ́ á dii la, maǹ bíi "Gɛ̀", min mɛn bɛ́ a kio, bɛ tɔ n "Geren Piɛ". Ǹ nə́ pàã kɔ ǹ la mà ǹ wo tán talakɔn siibaa ǹ wɔ a minbuiinin dɛ ka gɔya sa nɛ, ka bòo ne, ka busu ni ka don siĩ baraan mɛnɛn bɛ́ tán la.

Samayeli1 15:29

A din mɛn lɛ á ke Izirayeli pàã lɛa, a soɛ boe wa. Dɔ̃ miɛ̃ ba asɛ a sii-n wa, a giala, a ba minbuiin nɛ lɛa sɛnɛ mà a tá n gɔ́ɔ̃ dɔn bii wa.»