Ozee 13:10 - LAWA A BOO SONBORE 2011

¹⁰ N kii lɛa maa kəni? Asɛ mɛn doamaa nɛ a n kirisibaa n kiwin ni? N bɔ sii-n wolen lɛn man maa? N pɛ ǹ mɛnɛn lɛn manɛ, mà ǹ kii kɔ nsɛ la ka nyɛɛnaandɛnan nɛ.

LAWA A BOO SONBORE

¹⁰ N kii lɛa maa kəni? Asɛ mɛn doamaa nɛ a n kirisibaa n kiwin ni? N bɔ sii-n wolen lɛn man maa? N pɛ ǹ mɛnɛn lɛn manɛ, mà ǹ kii kɔ nsɛ la ka nyɛɛnaandɛnan nɛ.

Ozee 13:10 ပူးပေါင်းရင်းမြစ်များ

Kiin1 12:20

Izirayeli minin lɛn tumaa ma lɔn, mà Zeroboamu nə́ n bɔyaa, ǹ nə́ zaman paã, ǹ nə́ lɛ dia la ǹ nə́ koa kii lɛa Izirayeli minin tumaa mìi la. Zudaa tɔrɔn dininsɔɔ̃nɔn man nə kɔ Davida a kion minin lɛ.

Kiin2 17:4

Sɛnɛ, Asiirii gána a kii lɛ daa yɛ, mà Ozee lɛ goã á gòãn dii ǹ sii zɛnaa. Sonbore, a na á goã á dia dí-a wolen dia Ezipti gána a kii Sayisi li, a bɛ́ goɛ̃ bɛ̀ a nyin giɔ̀mɔ mɛn dɔ saraa lɛ̀ tunaa nɛ, a goã á bɛ dɔ dia Asiirii gána a kii lɛ la wa. Asiirii gána a kii tɔ́n Ozee kũ á zɔrɔkan kaa a ganaa, á da kòso-n.

Loen 10:16

Dɛnaa Lawa n kii lɛa yǎa duduu. Á Lawa doɛ̃baã wolen loo á ǹ bɔ a gána nɛ.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 44:4

Ǹ gɔya sa bie á ǹ baa gána lɛ a dɛnan lɛa wa, ǹ dinin pàã bie á ǹ baa gɔ̀lɔ̀n lɛa wa, sɛnɛ, n din a dɔmalɛ pàã nɛ, n din yɔrɔ bɛ́ á goã ǹ la, a giala ń goã ǹ narɛ.

Loen 74:12

Lawa, a da yaa, n din dɔ n maa kii lɛa, haalɛ lɛlɛ-lɛlɛ. Gɔ̀lɔ̀baa gigiã nə n din dɔ wɔ lɛa, gána kɛ lɛ gɔ́ɔ̃ nɛ.

Loen 89:18

Sonbore, n din nə ǹ pàã gole lɛa, n din a bǐɛ̃ zɛnaa lɛ n wɔ mìi siɛ lon.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 43:15

Ma din ni Dɛnaa Lawa lɛa, kaa Lawa sonbore lɛa, Izirayeli a diɛ wole lɛa, kaa kii lɛa.»

Zeremii 2:28

Ka dìn mɛnɛn zɛnaa ka dinin wɔ lɛa, bɛn tá maa? Bɛ̀ koe ka yɛ, bɛ̀ ǹ tá boe la, ǹ da ka kirisibaa! Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃!

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Busii pɛ 4:20

Dɛnaa Lawa kii mɛn bɔ á kɔ wɔ la, a din kɛ lɛ n wɔ nyin lɛa, a din lɛ nɛ ǹ kan kũ. A da yaa wɔ goã taasɛ, wáa bɛ̀ a tá wɔ mìi la, wɔ á re bǎã yii tɔrɔ kɔsɔn bii.

Ozee 10:3

Sisia kəni, ǹ na a gialaa pii mà ǹsɛn bɛ́ ǹ nyɛ́ɛ baa Dɛnaa Lawa yii-n wa, mà bɛ lɛ na á toa kii ba ǹsɛn lon wa. Sɛnɛ, ta kii dɔ din ni ǹsɛn lon pelo, mà a n boe la a wàa mɛn bǐɛ̃ kɔ ǹsɛn man doo?

Ozee 13:4

A kũ n soo Eziptin ganaa, Izirayeli man Dɛnaa Lawa, n Lawa lɛa, n ba Lawa kɔsɔ doɛ̃ masɛ kio wa. N kirisibaali kɔsɔ banban bɛ̀ á n bɔ masɛ nɛ.

Ozee 3:4

A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

Ozee 7:7

Ǹ tumaa n kakaarɛ ka kùsì fuu bɛ́ lɔn. Maǹ nə́ ǹ sii yɔrɔ-bɔlen dii, ǹ kiin tumaa n kiɛ. Sɛnɛ, ǹ kiin lɛn bii, min goon din yɛ, á ma bii wɔ wa.

Ozee 8:4

Ǹ nə́ kiin koa, ma ba a siére-a wa, ǹ nə́ goledɛnan bɔ, má n ma zii kɔ ǹ la wa. Ǹ nə́ ǹ wɔrɔ laanka ǹ sana goa, ǹ nə́ dìn zɛnaa nɛ. Ǹ dinin papaã ǹ wɔ lɛ dɔ n ka bɛ nɛ.

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Zaã a sɛ́wɔ 1:49

Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»

Samayeli1 8:7

Dɛnaa Lawa pɛ Samayeli ni: «Zaman lɛ bɛ́ re boo mɛn din tumaa diɛ, n too kɔ a ganaa, a giala, nsɛ Samayeli bie ǹ tá n piɛ̃-n wa, masɛ din ni. Ǹ ba li masɛ goã ǹ mìi la doo wa.