Ozee 10:8 - LAWA A BOO SONBORE 2011

⁸ Ǹ wúlu bɔ ǹ bǎãn kɛn Avɛn bɛ́n tá re ziziɛ̃, Izirayeli sii baraa zɛnaa bǎã mɛn lɛ nɛ. Buu laanka nyan tá re boe ǹ wúlu bɔ ǹ bǎãn nɛ. Ǹ tá re pii bɛa biikoo li kəni: «Kelen lɛn, ka n kɔ wɔ lɛ! Tentenen lɛn ka bɔ ka mɛ wɔ la!»

LAWA A BOO SONBORE

⁸ Ǹ wúlu bɔ ǹ bǎãn kɛn Avɛn bɛ́n tá re ziziɛ̃, Izirayeli sii baraa zɛnaa bǎã mɛn lɛ nɛ. Buu laanka nyan tá re boe ǹ wúlu bɔ ǹ bǎãn nɛ. Ǹ tá re pii bɛa biikoo li kəni: «Kelen lɛn, ka n kɔ wɔ lɛ! Tentenen lɛn ka bɔ ka mɛ wɔ la!»

Ozee 10:8 ပူးပေါင်းရင်းမြစ်များ

Siin Giala 3:8

Wasamiɛ̃nɛ, piɛ̃ lɔlɔɔ bɛ́ boe ǹ mɛn waáraa, ǹ nə́ Dɛnaa Lawa lɛ ma, n bibiĩ dù gɔrɔ lɛ gɔ́ɔ̃ nɛ. Ǹ nə́ nɔmaa ǹ nə́ n duru a nyɛɛnɛ dù gɔrɔ lɛ a dan bii.

Kiin1 13:2

Dɛnaa Lawa boo da ka a boo gii-dali lɛ-n doo, á n toa wúlu bɔ ǹ bǎã lɛ ganaa ka paraa nɛ: – Wúlu bɔ ǹ bǎã! Wúlu bɔ ǹ bǎã! Dɛnaa Lawa n kɛ pii: «Á ke, nɛginin goon tá re yii Davida a sumu-n, a tɔ n die goɛ̃ Zoziasi. Bɛa Zoziasi lɛ tá re wúlu bɔ ǹ bǎã kɛa wúlu-bɔlen dii la, wúlu-bɔlen mɛnɛn lɛn bɛ́ da yon gìĩ kɔɔ̃n tiɛ̃ la. Zoziasi tá re minbuiin nɛ wen tiɛ̃ la.»

Kiin1 13:34

Bɛa tɔ wɔ ǹ gɔn kɛ lɛ Zeroboamu a kion minin yii kaa sii baraa nɛ. Bɛ lɛ na á toa ǹ nə́ ǹ bɔ̀n baa ǹ nə́ papaã ǹ nə́ n bɔ kanaa.

Kiin1 14:16

Zeroboamu sii baraan mɛnɛn zɛnaa, á Izirayeli minin dɔn kaa a zɛnaa ganaa, Dɛnaa Lawa n die n là boe Izirayeli minin ganaa bɛ lɛ taman yii.

Kiin2 23:15

Wúlu bɔ ǹ bǎã mɛn goã Betɛli, Zoziasi bɛ dɔ wuru. Nebaati a nɛgiĩ Zeroboamu mɛn goã á Izirayeli minin kaa sii baraa zɛnaa ganaa, bɛ na á goã á bɛa wúlu bɔ ǹ bǎã lɛ dɔ. Zoziasi bɛa wúlu bɔ ǹ bǎã kɛ lɛ laanka bɛa guguru kɔ ǹ bǎã kɛ lɛ ziziɛ̃, á tɛ da wúlu bɔ ǹ bǎã lɛ ganaa, á ton baa. Á Aseeraa nyin kɛ dɔ tã.

KZS2 31:1

Zɔ́n lɛ bɛ́ á nya, Izirayeli minin mɛnɛn tumaa goã ǹ tan, ǹ tumaa woo Zudaa kiwin ni. Ǹ nə́ tíĩ zumiin yiyiɛ, dì gɔnɔn kɛn, ǹ nə́ bɛn kukuru ǹ nə́ ǹ dìn tumaa ziziɛ̃ ka ǹ wúlu bɔ ǹ bǎãn nɛ. Ǹ nə́ zɛnaa miɛ̃ dɔn Zudaa laanka Bɛnzamɛn gána nɛ, ka Efrayimu laanka Manaasee gána dɔ nɛ. Ǹ bɛ́ ǹ nə ǹ tumaa ziziɛ̃, bɛ kio Izirayeli minin nə́ n bɔyaa ǹ nə́ woo ǹ kiwin ni, didie woo piɛ.

Izayii 2:19

Dɛnaa Lawa bɛ́ re yui pin mɛn-a, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ pɛ kɛ nyan dɔ ka-a wa.

Izayii 2:21

Dɛnaa Lawa bɛ́ re yui pin mɛnaa, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ-pɛ kɛ nyan dɔ ka-a wa.

Izayii 32:13

Ka wuu pɛ maa zaman a tán la, ǹ mɛn bɛ́ nyan da si á n kɔ lɛ. Ka wuu pɛ kiwi zɔ́n-zɛnaali kɛa kionən la, foo kɔɔ̃n bɛ́ ǹ mɛnɛn nɛ.

Izayii 34:13

Nyan tewonən tá re piɛ̃ kion sonboren ne. Buu nyandɛnan laanka koronkoron tá re n koe ǹ kiwi tamaa ǹ kungɔnɔn lɛ. Á re tolokan laanka bɛndan giã ǹ bǎã biɛ.

Ozee 10:2

Sonbore a boe minin kɛn gɔ́ɔ̃-n wa. Sisia kəni, a dɔlɔ á re n boe ǹ ganaa. Dɛnaa Lawa dinmaa n die ǹ wúlu bɔ ǹ bǎãn kɛn wurii. A din nə die ǹ tíĩn kɛn yuyui.

Ozee 10:5

Nyɛ́ɛ n Samarii minin kɛn ganaa ka ǹ diin nɛ nyín kɛa sii ni, Bɛti-Avɛn kiwi. Zaman lɛ n wuu pii dì lɛ taman yii. Min mɛnɛn bɛ́ n dinin biɛ a wúlu-bɔlen lɛa, bɛ́n man bìn diɛ a nyɛɛnɛ. A giala a siĩnbaa lɛ woo sɔsɔɔ ǹ ganaa.

Ozee 10:9

A saa Gibeya a lɛawaan kɛn ganaa, ń sii baraa zɛnaa Izirayeli, n nə n giã ǹ gɔn bɔyaa wa. Zia ke á yoo gɛ̀-dɛlen wɔ lɛa, bɛ lɛn die n yiɛ Gibeya.

Ozee 2:6

A nɛnyaanan kɛn, ma a re makara boe ǹ ganaa wa, a giala, a na á ǹ yɛ kɔrɔbaa gɔ́ɔ̃ nɛ.

Ozee 4:13

Maǹ nɛn bɛ̀ ǹ wúlun bɔbɔ kelen mìi ni, maǹ nɛn bɛ̀ ǹ nyɔɔ gìĩ kɔɔ̃n tã tentenen la, ka da luu kɛkɛn kɛn giulun ni, a giala ǹ wúlu n kɔɔ̃nɛ. Bɛ lɛ na á toa, kaa nɛlɔn tá kɔrɔbaa zɛnɛɛ, ka manaan tá naarɛbaa zɛnɛɛ.

Ozee 4:15

Izirayeli minin lɛn, bɛ̀ ka á kaa kɔrɔbaa lɛ zɛnɛɛ, ka zɛnaa! Sɛnɛ kasɛn Zudaa minin lɛn, ka baran n saa ǹ li wa! Ka nyan wo *wúlu bɔ ǹ bǎã kɛ nɛ Gilgaali wa, ka nyan wo Bɛti-Avɛn wa, sii baraa zɛnaa ǹ kion ke. Ka nyan nə n liɛ ka ka Dɛnaa Lawa Yiikoonaa tɔ-n wa!

Ozee 5:8

Ka bɛn pɛ Gibeya kiwi, ka bɛn pɛ Ramaa kiwi, ka lɛn da Bɛti-Avɛn kiwi: Haya! Bɛnzamɛn tɔrɔn lɛn, kaa zɔ́ɔn tá ka kio.

Ozee 8:5

Samarii minin lɛn, kaa diin nɛ nyín kɛ lɛ, ma ba li wa. Bɛ lɛ na á toa ma foo yoo ka li. Yǎa biĩ kəni, ka tɔn goɛ̃ zɛrɛbaãdɛnan lɛa?

Ozee 9:6

Á ke, ǹ gána lɛ bɛ́ á ziziɛ̃, ǹ dinin nə́ baa si. Maǹ die woe n lɛ soekɔn Ezipti, Ǹ bĩ ǹ bǎã á re goɛ̃ Mɛmifisi. Ǹ gɔn màn giɔ̀mɔ kakan kɛn wɔrɔ lɛa koronkoron tá re bɛn sii a n kɔ lɛ. Nyan babaraan tá re ǹ kionən kɛn sii, ǹ nə n kɔ ǹ lɛ.

Amɔɔsi 1:5

Fɔlɔ bàlà mɛn bɛ́ Damaasi *kiwi a kiɛnlɛ kɛ la, ma á re bɛ yiɛ. Kii mɛn lɛ á ke, sii baraa nyankɔrɔ basa kɛ nɛ, ma á re bɛ dii. Kii mɛn lɛ á ke foo kɔɔ̃nbaa ǹ kiwi kɛ nɛ, ma á re dii. Bɛa biikoo li, ǹ tá re Siirii minin kɛn goɛ, ǹ wo ǹ ne Kiiri. Dɛnaa Lawa na á pɛ miɛ̃.

Amɔɔsi 3:14

Bɛ̀ má yoo Izirayeli minin kɛn gialaa ǹ mɛn waáraa, ǹ sii baraan kɛn taman yii, má á re yui Betɛli a wúlu bɔ ǹ bǎãn kɛn dɔn gialaa. Ǹ tá re *wúlu bɔ ǹ bǎã lɛ a lon a gùrùn kɛn yiyiɛ, bɛn tá re boe ǹ kakaa tán.

Amɔɔsi 7:9

Ma á re Izaaki tɔrɔn kɛn laanka Izirayeli tɔrɔn wúlu bɔ ǹ bǎãn ziziɛ̃, ma á re zia biɛ Zeroboamu tɔrɔn kɛn ganaa.»

Amɔɔsi 8:14

Min mɛnɛn bɛ́ n liɛ ka Samarii kiwi a dì kɛ tɔ nɛ, ǹ mɛnɛn bɛ́ pii mà Dan tɔrɔn dì kɛ yii die a goã koo, ǹ mɛnɛn bɛ́ mà Bɛɛr-Sebaa a wùlu-bɔ kɛ a sii die a goã a gòãn la miɛ̃, bɛn tá re boe ǹ kaa, ǹ nə́ ǹ ba re boe la ǹ yoo doo duduu wa.

Misee 1:13

Lakiisi minin lɛn, ka sùin kaa wotoron ganaa. A giala, *Siɔn kiwi minin lɛn man nə́ ǹ saa ka dinin li, ǹ nə́ tɔ́n sii baraa zɛnaa. Bɛ̀ ń yaa Izirayeli minin lɛn nə́ n piã, ka dinin sii ni.

Misee 1:5

Zakɔba tɔrɔn kɛn bɔlɔ-tii taman yii ni, kɛ tumaa á die n zɛnɛɛ. Izirayeli minin lɛn sii baraa a lɛa nɛ, kɛ tumaa á die n zɛnɛɛ. Izirayeli gána a bɔlɔ-tii kɛ na á bɔ die li? Samarii kiwi kɛ lɛ sii ni. Zudaa gána a dì wúlu bɔ kɛ na á bɔ die li? Zeruzalɛmu kiwi kɛ lɛ sii ni.

Nahumu 3:11

Á dɔ n dɔ ganaa kanna Ninivu, fuu á re liɛ n yii ni. Bɛ̀ á dɔ n dɔ ganaa, n tá re giɛ duru ǹ bǎã li, n zɔ́ɔn nyɛɛnɛ.

Luku 23:30

Bɛa biikoo li minin tá re pii kelen manɛ: «Ka bɔ ka mɛ wɔ la!», ǹ tá re pii tentenən manɛ: «Ka n kɔ wɔ lɛ ka wɔ duru!»

Timəə dí-pɛn 9:21

Bɛ kio, ka dí mɛn nya kaa sii baraa zɛnaa lɛ gɔ́ɔ̃ nɛ, diin nɛ nyín lɛ, má bɛ saa, má da tɛ-n. Má zũ má baa wùsu lɛa nɔnɔɔ, ka tii ni. Tà mɛn a mu á ke n toɛ kele lɛ la bɛ̀ a gisĩ, má a wùsu lɛ kaa bɛa mu li.

Sii-nyaan 6:16

Maǹ nə́ goã pii kelen lɛn manɛ ka gɛ̀fun lɛn nɛ: «Ka bɔ ka kaa wɔsɛn la, ka wɔsɛn duru, ń giɛ min mɛn bɛ́ giã-n kii dankan nɛ, bɛ yii baran wɔ yɛ wa, Sère Nɛ kɛ dɔ a foo-yoo baran dɔ wɔ ganaa wa.

Sii-nyaan 9:6

Bɛa mui sooro kɛ lɛ gɔ́ɔ̃ nɛ, minbuiinin tá re giɛ gɛ̀ li mà ǹ gã, sɛnɛ, ǹ ba re yii wa. Ǹ tá re n yiri koɛ gɛ̀ ganaa, sɛnɛ, gɛ̀ á re lɛ koe a n mɔrɔ ǹ ganaa wa.