Ozee 10:6 - LAWA A BOO SONBORE 2011

⁶ Diin nɛ nyín lɛ dɔ, ǹ tá re woe a dɔ nɛ Asiirii bǐɛ̃baa ǹ màn lɛa ǹ kɔ kii gole kɛ la. Á re sìi biɛ Efrayimu ganaa, sìi á re Izirayeli kuĩ a doroo ǹ boon kɛn lɛa.

LAWA A BOO SONBORE

⁶ Diin nɛ nyín lɛ dɔ, ǹ tá re woe a dɔ nɛ Asiirii bǐɛ̃baa ǹ màn lɛa ǹ kɔ kii gole kɛ la. Á re sìi biɛ Efrayimu ganaa, sìi á re Izirayeli kuĩ a doroo ǹ boon kɛn lɛa.

Ozee 10:6 ပူးပေါင်းရင်းမြစ်များ

Kiin2 17:3

Asiirii gána a kii Salmanazaara woo Ozee gialaa, Ozee ná a wɔ da Salmanazaara wɔ gɔ́ɔ̃ nɛ, á nyin giɔ̀mɔ saraa la.

Zɔbu 18:7

A gòã mɛn goã siɛ lɛlɛ, màn tá re n boe a tɔ lɛ, a din a sii yɔrɔ bɔ n die a din boe a daa.

Izayii 1:29

Bɛa biikoo li kəni, dan kɛn kɔɔ̃n ka-a, ká goã wúlu boe ǹ ganaa, ka foo á re ziziɛ̃ bɛn taman yii. Dù gɔrɔn kɛn kaa wúlu bɔ ǹ bǎãn lɛa, sìi á re ka kuĩ bɛn taman yii.

Izayii 30:3

Sɛnɛ, Faarahɔn a tamaa kɛ á re foo ziziɛ̃ biɛ ka ganaa. Ka bɛ́ giɛ mìi susu ǹ bǎã mɛn li Ezipti gána nɛ, bɛ á re yii puusəbaa biɛ ka ganaa.

Izayii 45:16

Min mɛnɛn bɛ́ dì nyínin zɛnɛɛ, sìi laanka sɔ n bɛn wɔ lɛa. Maǹ woe, ǹ mìi n zuməə ne.

Zeremii 48:13

Ka bɛ-n kəni, Moabu á re sìi koe dì Kemɔɔsi ganaa ka Izirayeli zaman bɛ́ á sìi kɔ Betɛli ganaa lɔn, a n foo doa ǹ mɛn lɛ la.

Zeremii 7:24

Sɛnɛ, ǹ nə n too kɔ wa, ǹ nə n too da wa. Ǹ nə́ golee li mà ǹsɛn man koe ǹ taasiɛ bɔbɔnɛɛn lɛn lɛ, ka ǹ foo a baraabaa kɛ nɛ. Màn mɛn tá a ganaa ǹ nə n yɔrɔ dia ma la, maǹ nə́ n dɔ̀ɔ̃ wɔ ma nɛ.

Ezekieli 16:28

Ma nə́ n kɔrɔbaa zɛnaa kun ka Asiirii minin kɛn nɛ, a giala mà màn ba n boe wa. Sɛnɛ, a laanɛ n kɔrɔbaa lɛ zɛnaa kunun ǹ ni, a bɛ́ a n bɔ wa.

Ezekieli 36:31

Bɛa biikoo li, ka yiri á die gisĩ ka kaa giã ǹ gɔn baraa laanka kaa zɛnaa ǹ siin kɛn nɛ, ǹ mɛnɛn bɛ́ ǹ goã siĩn wa. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn lɛn taman yii.

Danayeli sɛ́wɔ 11:8

Haalɛ ǹ lawan kɛn, ǹ màn nyìnin lɛa, ǹ nə́ fɔlɔ yo ǹ nə́ kaa ǹ la, ǹ màn sonboren kɛn nɛ wɔrɔ laanka sana lɛa, á re bɛn goɛ a wo ǹ ne Ezipti gána nɛ. Bɛ lɛ kio, á re lɛ̀ lɛ kɔn zɛnɛɛ, a ná a ba woe zia biɛ gɔsɛ a lɛ̀gɔn la a kii lɛ ganaa wa.

Ozee 4:19

Piɛ̃ á re ǹ siɛ. Ǹ wúlu mànan kɛn lɛn tá re sìi diɛ ǹ ganaa.

Ozee 4:7

Wúlu-bɔlen mɔnaabaa n die ka sii baraa gigiã nɛ. Ǹ gugurubaa ke, ma á re bɛ bɔyɛɛ ma baa sìi lɛa.

Ozee 5:13

Efrayimu tɔrɔn kɛn nə́ ǹ dinin busu dɔ̃, Zudaa tɔrɔn dɔn nə́ ǹ busu dɔ̃. Bɛ lɛ nɛ, Efrayimu minin nə́ woo Asiirii, ǹ nə́ minin dia kii gole kɛ li. Sɛnɛ, bɛa boe la a kaa busu kɛ nya wa, a boe la a ka si kaa busu kɛ la wa.

Ozee 8:6

Kaa diin nɛ nyín lɛ, a n boe Izirayeli gána nɛ, dí-dɔ̃li kɔ́n na á zɛnaa, A bie Lawa lɛa wa! Taãn nɛ, Samarii minin diin nɛ nyín lɛ á re pɔpɔsɛ.

Misee 6:16

Ɔmuri a landa sii kɔrɔn kɛn, a nɛ Akaabu a kion minin zɛnaa ǹ sii gɛsɛn kɛn tumaa, ka gɔn nə paraa-n bɛn lɛn ganaa. Bɛ lɛ a lɛa nɛ, ma á die kaa gána lɛ yui. Kaa kiwi minin kɛn, ǹ tá re bɛn diɛ yaa lɛa. Sìi sii mɛn bɛ́ re maa zaman lɛ yii, a guĩ á re doe ka ganaa.