Nya ǹ dín 7:2 - LAWA A BOO SONBORE 2011

² Itian pɛ: – Ma dɔɔ̃nɔn laanka maa díin ni ka n too kɔ ma lon. Lawa mɛn bɛ́ gugurubaa ná a wɔ lɛa, bɛ na á n din nyaa wɔsɛn digolo Abrahamu ni, bɛ̀ a bɛ́ Mezopotamii gána nɛ, a ná a tɔn da giã Aaran wa.

LAWA A BOO SONBORE

² Itian pɛ: – Ma dɔɔ̃nɔn laanka maa díin ni ka n too kɔ ma lon. Lawa mɛn bɛ́ gugurubaa ná a wɔ lɛa, bɛ na á n din nyaa wɔsɛn digolo Abrahamu ni, bɛ̀ a bɛ́ Mezopotamii gána nɛ, a ná a tɔn da giã Aaran wa.

Nya ǹ dín 7:2 ပူးပေါင်းရင်းမြစ်များ

Siin Giala 11:31

Teraa yoo kun ka a nɛgiĩ Abramu ni, ka a nɔ̀ɔn Lɔti ni, Aaran a nɛ lɛ, ka ǹ manaa Sarayii ni, a nɛgiĩ Abramu lɛ a lɔ n ka bɛ nɛ. Ǹ nə́ soo Uuru kiwi, Baabilonii gána nɛ kunun ǹ ni, mà maǹ woe Kanaan gána nɛ. Ǹ bɛ́ ǹ nə́ dɔ Kaaran, ǹ nə́ giã walan.

Siin Giala 12:1

Dɛnaa pɛ Abramu ni: «Soo n nə n bɔ n gána nɛ, n nə n kiwi laanka ǹ dikion toa walan. Ma bɛ́ re gána mɛn nyɛɛ n nɛ, n wo walan.

Siin Giala 12:5

A ná a lɔ Sarayii kũ, ka ǹ dɔɔ̃ngiĩ a nɛ Lɔti ni, ǹ gɔn màn mɛn tumaa yɛ Kaaran, ǹ bɛ̀rɛn mɛnɛn pii, ǹ nə́ yoo ka bɛ tumaa nɛ. Ǹ nə́ soo ǹ nə́ Kanaan gána zii saa.

Siin Giala 15:7

Á pɛ-n kɛnɛn doo: «Masɛ Dɛnaa din ni má n bíi, má soo n ne, má n bɔ Uuru kiwi *Baabilonii gána nɛ, man die gána kɛ lɛ koe n la, a n wɔ baa.»

Siin Giala 29:4

Zakɔba nɔ̀n da tɔɔn-lɛduə̃lin lɛn la kɛnɛn: «Ma diɛ̃n lɛn, ka n boe maa?» Ǹ ná a lɛ si: «Wɔsɛn man boe Kaaran kiwi.»

Nehemii 9:7

N din Dɛnaa Lawa goon lɛ nə́ ń Abramu yii gɔgɔɔ̃, ń bɔ ń bɔ Uuru kiwi, Kaldee minin gána nɛ, ń Abrahamubaa wɔ a ganaa.

Loen 24:10

Die n ka bɛa kii gole kɛ lɛ nɛ? Dɛnaa Lawa Pàãyiidɛnaa kɛ lɛ nɛ, a din lɛ n kii gole lɛ lɛa.

Loen 24:7

Ka sumu a kiɛnlɛn lɛn bũ duduu! Ka kion a kiɛnlɛ taãnan lɛn dɔn bũ duduu, ń giɛ kii gole lɛ á die we a kion.

Loen 29:3

Dɛnaa Lawa lɛn tá boe mu la, Lawa guguru lɛ á gini mu la, Dɛnaa Lawa din nə kɔ̀ mu dadaran kɛn mìi la.

Izayii 37:12

Kiin mɛnɛn nə goã ma nyɛɛnɛ ǹ nə́ gánan kɛn yu, Goozan nɛ, Karan nɛ, Resɛfu ni, ka Edɛn tɔrɔn kɛn nɛ Telasaara, bɛa gánan lɛn dìn nə boo la ǹ nə́ ǹ si wa.

Izayii 51:2

Ka ga ka di Abrahamu ganaa, ka Saaraa kɛ nɛ á ka yɛ. Ma bɛ́ bíi, bɛ̀ a nɛ banban. Sɛnɛ, má barka da a ganaa, má baa zaman gigiã digolo lɛa.

Izayii 6:3

Maǹ nə́ goã parɛɛ, ǹ nə́ pii kɔn nɛ kɛnɛn: «N tá sonbore, n tá sonbore, n tá sonbore Dɛnaa Lawa Pàãyiidɛnaa! N tɔ golebaa tán tumaa pã.»

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Luku 2:14

«Lon màn tumaa Lawa guguru kɔ! A na a là nyantoro koe kanaa minin la, a giala, a tá ǹ narɛ.»

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 12:41

Izayii na á kɛ lɛ pɛ Yezu wɔ gɔn la, a giala á goã á Yezu a gugurubaa yɛ.

Nya ǹ dín 22:1

«Ma dɔɔ̃nɔn lɛn ka maa diin ni, sisia, ma bɛ́ re boo mɛn diɛ ma din si ǹ wɔ lɛa, ka n too kɔ bɛ ganaa.»

Nya ǹ dín 23:7

Pooli din bɛa boo kɛ lɛ da á nya wa, yǎa zia yoo Fariziɛ̃n laanka Sadusɛɛ̃n bii ni, zaman lɛ nə́ n tala kɔn.

Nya ǹ dín 7:1

Lawa a kion wúlu-bɔlen kiã nɔ̀n da la: «Ǹ bɛ́ màn mɛn diɛ n wɔ gɔn la, sonbore ne?»

Korɛnti1 2:8

Kanaa kɛ a pàãdɛnaa kɔ́n bɛa yiri kɛ dɔ̃ wa. Bɛ̀ maǹ nə́ bɛ dɔ̃, wɔa Dɛnaa mɛn bɛ́ tɔ golebaa na a wɔ lɛa, bɛ̀ ǹ ba re bɛ dere gɔn ganaa wa.

Efɛɛzi minin 1:17

Wɔa Dɛnaa Yezu Krita a Lawa, Díi mɛn bɛ́ gugurubaa ná a wɔ lɛa, bɛ die a Yiri Fu kɔ ka la, bɛ Lawa nyaa ka nɛ, ka boo la ka dɔ̃ taãnɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Ebrəə 11:8

Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa.

Zaaki 2:1

Ma dɔɔ̃nɔn lɛn, goleemali mɛn bɛ́ ka lon wɔa Dɛnaa Yezu *Krita nɛ, gugurubaa bɛ́ asɛ mɛn nɛ, ka baran n toa bɛ gɔ́ɔ̃ nɛ, ka minin bɔkɔnlɛ wɔ wa.

Zozoe 24:2

Zozoe tɔ́n pɛ ǹ nɛ: – Dɛnaa Lawa, Izirayeli minin Lawa lɛ mà ma pɛ ka nɛ kɛnɛn: «Lɛlɛ, ka digolon lɛn, Teraa laanka a nɛgiĩ Abrahamu ni ka Nakɔɔrɔ nɛ, bɛn man nə́ goã giã-n Efrati tà kio, ǹ nə́ goã dìn guguru koe walan.

Sii-nyaan 4:11

«Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»