Nya ǹ dín 2:2 - LAWA A BOO SONBORE 2011

² Bǎã goon ne, màn wuu bɔ lon ka piɛ̃ gole wuu bɛ́ boe lɔn. Ǹ lɛ bɛ́ soe-n kɔn kion mɛn nɛ lɛn, bɛ́ pã ka màn wuu lɛ nɛ.

LAWA A BOO SONBORE

² Bǎã goon ne, màn wuu bɔ lon ka piɛ̃ gole wuu bɛ́ boe lɔn. Ǹ lɛ bɛ́ soe-n kɔn kion mɛn nɛ lɛn, bɛ́ pã ka màn wuu lɛ nɛ.

Nya ǹ dín 2:2 ပူးပေါင်းရင်းမြစ်များ

Kiin1 19:11

Dɛnaa Lawa pɛ nɛ: «Soo n golee bii-a kele lɛ la, masɛ din Dɛnaa Lawa yɔrɔ-a.» Á ke man die kiɛ̃. Dɛnaa Lawa tɔ́n piɛ̃ gole gole kɔn da bɔ ganaa bɔrɔ a nyɛɛnɛ. Bɛa piɛ̃ lɛ kelen yuyu, á paran yɔyɔrɛ, sɛnɛ Dɛnaa Lawa goã kun ka bɛa piɛ̃ lɛ-n wa. Piɛ̃ lɛ a bɔ kio, tán bìn da sɛnɛ, Dɛnaa Lawa goã kun ka bɛa tán bìn diɛ lɛ-n wa.

Loen 18:10

Dɛnaa Lawa lon toɛ̃, á gisĩ. Á gisĩ ka labara kaara nɛ a gòãn giulun.

Loe kɔɔ̃n kɔɔ̃n 4:16

Haya koɛ! Gɔsɛ a lɛ̀gɔn la a piɛ̃, gusin a lɛ̀gɔn la a piɛ̃, ka yoo! Ka bɔ maa dù gɔrɔ kɛ nɛ, ka a da gìĩ kɔɔ̃nɔn kɛn gìĩ da bɔ-a. Ma din foo dùũ wɔ kɛ die a da a dù gɔrɔ lɛ nɛ, a na a da nɛ kɔɔ̃n kɔɔ̃nɔn kɛn bii.

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Luku 2:13

Bɛa bǎã-n gɔrɔ lon a dia dí-a wole gigiã bɔ Lawa li, ǹ nə́ daa goon kɛ lɛ li, bɛ̀ ǹ nə́ Lawa tɔ boe, ǹ nə́ pii:

Zaã a sɛ́wɔ 3:8

Bǎã mɛn bɛ́ kɔɔ̃n piɛ̃ ganaa, a n boe a wo walan. Min na á wuu miɛ, sɛnɛ a bɛ́ boe maa, a n woe maa, min ba bɛ doɛ̃ wa. Bɛ̀ min mɛn yɛ ka Yiri Fu pàã nɛ, a n miɛ̃; Lawa a nya ǹ dí ni, minbuiin nɛ a boe la a na a giala ma wa.»

Nya ǹ dín 2:3

Ǹ yii mànan kɔnɔn yɛ ka tɛ lɛwɔnɔn bɛ́ lɔn. Bɛa tɛ lɛwɔnɔn lɛn nə́ n gigii kɔn, ǹ nə́ mɛ kialandɛnan lɛn gogoonmaa mìi la.

Nya ǹ dín 2:6

Bɛa màn wuu kɛ lɛ bɛ́ á bɔ, zaman lɛ nə́ n lɛ sɔkɔn. Á yiri lɔlɔkɔn da ǹ ganaa parsiini, a giala, didie na á goã ǹ lɛ miɛ boo diɛ ka a din a yɛ ǹ bɔlɔ nɛ.

Nya ǹ dín 4:31

Ǹ bɛ́ ǹ nə́ Lawa nyankɔ ǹ nə́ nya, ǹ lɛ bɛ́ soe-n kɔn bǎã mɛn nɛ, bɛa bǎã lɛ bìn da, Lawa a Yiri Fu gisĩ ǹ tumaa la. Ǹ nə́ Lawa a boo da ka foo-doa nɛ.

Piɛrɛ1 1:12

Lawa nyaa boo gii-dalin lɛn manɛ, mà boo kɛ lɛ ǹ tá diɛ, mà a bie ǹsɛn wɔ lɛa wa, sɛnɛ, mà kasɛn wɔ nɛ. Kanna, Boo Tii Kɔɔ̃n pɛlen kɛn man nə́ bɛa boo kɛ lɛ saa, ǹ nə́ pɛ ka nɛ ka Yiri Fu pàã nɛ, Lawa Yiri Fu mɛn dia á bɔ lon ke lɛn. Haalɛ lon a dia dí-a wolen dinin man giɛ li, ǹ nə n yii wɔ bɛa boo kɛ lɛ gɔ́ɔ̃ nɛ, ǹ na a giala ma.