Nya ǹ dín 17:30 - LAWA A BOO SONBORE 2011

³⁰ Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

LAWA A BOO SONBORE

³⁰ Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

Nya ǹ dín 17:30 ပူးပေါင်းရင်းမြစ်များ

Loen 50:21

N màn mɛn zɛnaa, a din lɛ n ke. Ma á boe la man lɛ tã kɛ lɛ-a sonbore? Ma n taasɛ mà n miãn ka masɛ nɛ? N sii mɛn la, man die n zɛ̀rɛ biɛ, ma a tumaa pɛ ma kaa tán n giulun.

Izayii 21:12

Wɔlɔ-lɛduə̃li lɛ ná a lɛ si, á pɛ: «Lɛ̀ n wɛɛ, sɛnɛ tèlò n tɔn a tan. Bɛ̀ ka á li ka wusoo ka da nɔ̀n da, ka wusoo ka da biikoo kɔsɔ li doo!»

Matiə 20:7

Ǹ nə́ tɔ́n pɛ nɛ: «A giala min na a wɔsɛn goa dí-n wa.» Á tɔ́n pɛ ǹ nɛ: «Ka dɔn nə wo maa wuru-n.»

Matiə 3:2

A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

Matiə 4:17

A kũ a da Galilee biikoo lɛ ganaa, Yezu ná a giala kɔ á Boo Tii Kɔɔ̃n pɛ. A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔsɛn bii sisia.»

Marki 1:15

a na á goã pii: «Biikoo lɛ pã kəni, Lawa n die a kiibaa ǹ dí lɛ nyɛɛ wɔsɛn bii sisia. Ka n taasɛ, ka wusoo kaa sii baraan kio, ka lɛ kɔ Lawa a Boo Tii Kɔɔ̃n kɛ ganaa.»

Marki 6:12

A kialandɛnan lɛn nə́ woo ǹ nə́ pɛ minin manɛ, mà ǹ doamaa nɛ ǹ nə n taasɛ, ǹ wusoo ǹ sii baraan kio.

Luku 13:5

Haayii. Masɛ n pii ka nɛ, bɛ̀ ka n taasɛ ka wusoo kaa sii baraan kio wa, ka dɔn man die bɔ̀n biɛ miɛ̃.»

Luku 15:10

Masɛ n pii ka nɛ, bɛ̀ sii baraa-zɛnaali goon toto wusoo a sii baraan kio á golee Lawa li, bɛa yɔrɔ kɛ lɛ la, nyɛnyɛɛ tá Lawa a dia dí-a wolen li lon, bɛa dɛnaa lɛ a lɛa.»

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Nya ǹ dín 11:18

Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»

Nya ǹ dín 14:16

Lɛlɛ á tɔrɔn tumaa toa walan, didie kɔ a din a zii lɛ.

Nya ǹ dín 17:23

Bɛ̀ masɛ á koe kaa ziin lɛ, ma tá kaa dì wúlu-bɔ ǹ bǎãn yii. Má bǎã lɛ kɔ́n din yɛ á n kiɛ̃ nɛ a ganaa kɛnɛn: «Min bɛ́ a ba dì mɛn doɛ̃ wa.» Ka bɛ́ ka a màn mɛn doɛ̃ wa ka ná a guguru koe dɔn, masɛ Pooli n má daa bɛ lɛ boo da ka nɛ.

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Rɔmu minin 2:4

Lawa bɛ́ a ba dɔlɔ boe ka ganaa fufuu wa, á n kaa sii sii a ganaa, bɛ lɛ nɛ, n tá a bǐɛ̃baa gole kɛ puusə koe? N ba doɛ̃ mà Lawa a bǐɛ̃baa kɛ lɛ nə n nyanɛɛ, mà n wusoo n sii baraan kio wa?

Rɔmu minin 3:23

Min din tumaa zɛ̀rɛdɛnaa baa, Lawa gugurubaa mɛn kɔ ǹ la, bɛ nə́ n si ǹ tumaa la.

Rɔmu minin 3:25

Minin bɛ́ kɔn gòã kuĩ lɔn ka tɔɔ nɛ, Lawa dɔ na á Yezu kɔ miɛ̃ *wúlu màn lɛa, á gɛ̀ wɔ. Lawa na á bɛ zɛnaa á nyaa mà asɛ á pepere. A laanɛ á goã minbuiin nɛn sii sii a ganaa lɛlɛ, a ná a ba ǹ sii baraa diɛ sii li wa.

Korɛnti2 7:10

A giala, Lawa bɛ́ foo-ziziɛ̃ mɛn li, bɛ lɛ n min a giã ǹ gɔn bɔyɛɛ, a wo da kirisibaa nɛ, a ná a ba bǎã koe gɔ́ɔ̃ bii la wa. Sɛnɛ, wɔ dinin minbuiinbaa ǹ foo-ziziɛ̃n kɛn man woe wɔ-n gɛ̀ ganaa.

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.