Nya ǹ dín 16:2 - LAWA A BOO SONBORE 2011

² A tɔ sonbore goã boe ǹ dɔɔ̃nɔn bii Listrə laanka Ikoniɔmu kiwi.

LAWA A BOO SONBORE

² A tɔ sonbore goã boe ǹ dɔɔ̃nɔn bii Listrə laanka Ikoniɔmu kiwi.

Nya ǹ dín 16:2 ပူးပေါင်းရင်းမြစ်များ

Nya ǹ dín 1:15

Kialandɛnan mɛnɛn lɛ bɛ́ soe-n kɔn, ǹ nə́ woo dɔ min paabiɛ ka fuə (120) kɛ miã. Ǹ kɔ́n pinaa Piɛrɛ yoo á golee dɔɔ̃nɔn lɛn bii, á pɛ:

Nya ǹ dín 13:51

Pooli laanka Barnabaasi nə́ ǹ tán a tii gusuũ duduə ǹ nə́ bɔ ǹ gòãn-a, ǹ nə́ soo ǹ nə́ woo Ikoniɔmu.

Nya ǹ dín 14:1

A din sii goon lɛ na á n zɛnaa Ikoniɔmu kiwi. Pooli laanka Barnabaasi woo Zuifun lɛsɔkɔn kion, ǹ nə́ boo da yǎa Zuifu laanka Grɛki gigiã lɛ kɔ ǹ nə́ golee Lawa li.

Nya ǹ dín 14:21

Ǹ bɛ́ ǹ nə́ Boo Tii Kɔɔ̃n pɛ bɛa kiwi lɛ nɛ, min gigiã golee Lawa li. Bɛ kio, Pooli laanka Barnabaasi wusoo ǹ nə́ woo bɔ Listrə ka Ikoniɔmu ni ka Antiɔsi ni.

Nya ǹ dín 14:6

Sɛnɛ, Pooli laanka Barnabaasi bɛ́ ǹ nə́ bɛa sii kɛ lɛ dɔ̃, ǹ nə́ soo ǹ nə́ baa si ǹ nə́ woo Likawonii gána nɛ, ǹ nə́ wɔ Listrə laanka Dɛrbə kiwi, ka ǹ lɛkoro lɛ-a kiwin ni.

Nya ǹ dín 16:40

Pooli laanka Silaasi bɛ́ ǹ nə́ soo kòso-n gɔrɔ, ǹ nə́ woo Lidi yaa, ǹ nə́ dɔɔ̃n Lawa-nyankɔlen lɛn yɛ, ǹ nə́ ǹ foo taã, bɛ kio, ǹ nə́ woo.

Nya ǹ dín 6:3

Ka ga ka dinin bii, ka min sɔbaa bɔ, minin mɛnɛn tɔ bǐɛ̃ bɛ́ boe, Yiri Fu nə́ ǹ la, ǹ nə́ sii dɔ doɛ̃. Ka bɛa minin lɛn bɔ wɔsɛn nə ǹ da màn-bii dí lɛ mìi la.

Filipi minin 2:22

Ka dininmaan tá doɛ̃, Timote na a bɔlɔgoondɛnaabaa kɛ nyaa ka-n ka yɔrɔ mɛn nɛ, a na á Boo Tii Kɔɔ̃n a dí kɛ nya kun ka ma nɛ, ka nɛ laanka a díi bɛ́ dí nyɛɛ kun lɔn.

Timote1 3:7

Min mɛnɛn bɛ́ ǹ ba Lawa a sɔmɔ minin lɛa wa, bɛn doamaa nɛ ǹ siére sonbore pɛ a wɔ gɔn la, màn mɛn bɛ́ toɛ, a yii baran goã puusə wa, Sɛtaan dɔ gɔn baran dɔ a ganaa wa.

Timote1 5:10

Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Timote1 5:25

Zɛnaa ǹ sii sonboren lɛn dɔn man yii foaãnɛ miɛ̃. Haalɛ ta ǹ mɛnɛn ba yii foaã wa, ǹ ba boe la ǹ goã durii-n wa.

Timote2 3:11

Ǹ fuu mɛn nyaa ma nɛ, ma nɔmaa mɛn wɔ, n tá bɛ dɔ doɛ̃. Sii mɛn tumaa ma yɛ Antiɔsi kiwi, Ikoniɔmu ni, ka Listrə ne, n bɛn tumaa yɛ. Bɛ̀ ń pɛ mà fuu, má yɛ. Sɛnɛ, Dɛnaa ma bɔ a din tumaa gɔ́ɔ̃ nɛ.

Timote2 3:15

Haalɛ, n nɛnyaanbaa waáraa, n tá Lawa a sɛ́wɔ boo sonboren kɛn doɛ̃. Ǹ tá boe la ǹ yiri kɔ n la, n golee Yezu Krita li, màn mɛn bɛ́ toɛ, n kirisibaa yɛ.

Ebrəə 11:2

Bɛa golee Lawa li lɛ na á toa, Lawa siére sonbore pɛ lɛlɛdɛnan wɔ gɔn la.