Nehemii 9:33 - LAWA A BOO SONBORE 2011

³³ Sii mɛn tumaa wɔ yɛ, bɛ wɔ paǹ li, ń peperebaa ǹ sii zɛnaa, a giala, ń nə́ n din nyaa bɔlɔgoondɛnaa lɛa, sɛnɛ, wɔsɛn man wɔ́ baraabaa ǹ sii zɛnaa.

LAWA A BOO SONBORE

³³ Sii mɛn tumaa wɔ yɛ, bɛ wɔ paǹ li, ń peperebaa ǹ sii zɛnaa, a giala, ń nə́ n din nyaa bɔlɔgoondɛnaa lɛa, sɛnɛ, wɔsɛn man wɔ́ baraabaa ǹ sii zɛnaa.

Nehemii 9:33 ပူးပေါင်းရင်းမြစ်များ

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Ɛsidrasi 9:15

Izirayeli a Lawa, Dɛnaa Lawa, n tá pepere, a giala, pelo, wɔ n kanbaa sii ganaa wolen lɛa, wɔ́ la. Wɔ á ke n yɔrɔ-a ka wɔ zɛ̀rɛn nɛ, a da yaa, min kɔn ba boe la a goã n yɔrɔ-a ka bɛa yɔrɔ kɛ lɛ-n wa.

Nehemii 9:34

Wɔa kiin ni, wɔa kii kiodɛnan nɛ, wɔa Lawa a wúlu-bɔlen ne, ka wɔ digolon ne, ǹ kɔ n dí-pɛ lɛ wa. N goã n gɔn wɛɛ ǹ nɛ ka boon mɛnɛn nɛ, ǹ goã n yiri koɛ bɛn li wa. N goã miɛ ǹ ganaa ka boon mɛnɛn nɛ, ǹ goã yiri boe bɛn dɔn li wa.

Nehemii 9:8

Ń bɔlɔgoondɛnaabaa ǹ foo yɛ a nɛ n wɔ paǹ li, ń tɔ́n lɛ kɔ kɔn la wɔ nɛ. Gána ke Kaanaan minin wɔ lɛa, Ɛti minin wɔ lɛa, Amɔɔrɔ tɔrɔn wɔ lɛa, Perɛzi minin wɔ lɛa, Zebuzu laanka Girgazi tɔrɔn wɔ lɛa, ń mà n tá re bɛ koe, a laanka a tɔrɔn la. Ń nə́ n boon lɛn lɛ pã, a giala n tá pepere.

Zɔbu 33:27

Bɛa biikoo li, á re loe loe minin yɔrɔ-a, a pɛ: «Má sii baraa zɛnaa, ma kɔ zii lɛ wa. Sɛnɛ, Lawa ma kũ maa sii baraa li wa.

Zɔbu 34:23

Lawa laadoo ba a ganaa a ga minbuiin nɛ ganaa gunyin paa, a tɔn bíi a wo kiri wɔ a ganaa wa.

Loen 106:6

Wɔ dɔn nə́ sii baraa zɛnaa, ka wɔ digolon bɛ́ lɔn, wɔ́ kanaa wɔ́ zii toa, zɛ̀rɛ wɔ kũ.

Loen 119:137

Dɛnaa Lawa, n tá pepere, n sii yɔrɔ bɔ ǹ boon lɛn dɔn man ka te.

Loen 145:17

Dɛnaa Lawa a sii tumaa n pepere, a zɛnaa ǹ sii tumaa n siĩni.

Bɔ bɛ̀rɛbaa nɛ 32:31

Muizu wusoo bɛa yɔrɔ kɛ lɛ la, á woo Dɛnaa li, á pɛ nɛ: «Dɛnaa, kaarɛ! Zaman kɛ na á sii baraa gole taãn-taãn zɛnaa. Maǹ nə́ lawa zɛnaa ka sana nɛ ǹ dinin manɛ.

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Zeremii 44:3

Ǹ sii baraan mɛnɛn zɛnaa ǹ nə́ ma foo yoo ne, bɛ lɛ na á toa sii kɛ nə ǹ yɛ. A giala, maǹ nə́ da yon gìĩ kɔɔ̃n tã dì soreen manɛ, ǹ nə́ ǹ guguru kɔ, a da yaa, ǹ ba bɛa dìn lɛn dɔn dinin doɛ̃ wa, ka dɔn dinin ni ka ka dogolon dɔn ba ǹ doɛ̃ wa.

Busii pɛ 1:18

Dɛnaa Lawa n pepere, a giala, ma din ni má n piã ka a gɔn waa ma-n nɛ. Tɔrɔn tumaa, ka bǐɛ̃ kɔ ka n too kɔ. Ka ga maa là-paparɛɛ ganaa. Ǹ nə́ maa nɛlɔn laanka maa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ.

Ezekieli 11:12

Ka á re doɛ̃ bɛa biikoo li kəni, mà masɛ din nə Dɛnaa Lawa lɛa. Á ke, maa landa boon kɛn, ka kɔ bɛn lɛ wa, ka maa sii yɔrɔ bɔ ǹ boon kɛn dɔn tamaa wa. A giala, tɔrɔ kɔsɔn mɛnɛn bɛ́ ka lɛnpɛnɛ, ka n ka bɛn sii zɛnaa ǹ gɔn saa.»