Nehemii 9:31 - LAWA A BOO SONBORE 2011

³¹ N makara gole lɛ gɔ́ɔ̃ nɛ, n nə n gɔn bɔ ǹ ganaa, ǹ nə́ bɔ̀n baa wa, n nə ǹ toa walan wa, a giala n nə Lawa lɛa, bǐɛ̃ zɛnɛɛ, min makara doɛ̃.

LAWA A BOO SONBORE

³¹ N makara gole lɛ gɔ́ɔ̃ nɛ, n nə n gɔn bɔ ǹ ganaa, ǹ nə́ bɔ̀n baa wa, n nə ǹ toa walan wa, a giala n nə Lawa lɛa, bǐɛ̃ zɛnɛɛ, min makara doɛ̃.

Nehemii 9:31 ပူးပေါင်းရင်းမြစ်များ

Kiin2 13:23

Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

KZS2 30:9

Bɛ̀ ka wusoo ka daa Dɛnaa Lawa li, min mɛnɛn nə ka dɔɔ̃nɔn laanka kaa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ, ǹ makara á re boe ǹ ganaa, ǹ nə n gɔn bɔ ǹ ganaa, ǹ wusoo ǹ da gána kɛ nɛ. Dɛnaa Lawa n makaradɛnaa lɛa, a n foo basiɛ̃wole lɛa. Bɛ̀ ka wusoo ka daa a li, a ba re n yɔrɔ bɔyɛɛ a bɔ ka la wa.»

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Nehemii 9:19

Sɛnɛ, n makara gole lɛ taman yii, n nə ǹ toa walan don lɛ-n wa. Penleen ne, tɛmaa bara lɛ goã n niɛ̃ n boe ǹ ganaa wa, á goã ǹ nyɛɛnaan boe zii lɛ la. Tèlò-n tɛ bara lɛ dɔ goã n niɛ n boe ǹ ganaa wa, ǹ doamaa bɛ́ nɛ ǹ kɔ zii mɛn lɛ, á goã bɛ fúli ǹ ni.

Izayii 48:9

Sɛnɛ, ma tɔ taman yii, má maa foo-yoo lɛ da. Ma doamaa bɛ́ ka tɔ bɔ nɛ, bɛ lɛ nɛ, má n foo kũ ka li, màn mɛn bɛ́ toɛ, ma nyan ka papaã wa.

Zeremii 4:27

Dɛnaa Lawa bɛ́ boo mɛn diɛ, á ke: Gána lɛ tumaa á re n bɔyɛɛ a diə gole baa, sɛnɛ, ma a re ziziɛ̃ lenlen wa.

Zeremii 5:10

Ka dii kungɔn la ka *rezɛ̃ da kɛ ziziɛ̃. Sɛnɛ, ka nyan ziziɛ̃ lenlen wa. Ka a gùrùn kukuru, ǹ bie masɛ wɔn lɛa wa.

Zeremii 5:18

Sɛnɛ, bɛa biikoo lɛ li, ma a re ka bɔ̀n biɛ lenlen wa. Dɛnaa Lawa a da ǹ boo ne.

Busii pɛ 3:22

Dɛnaa Lawa a bǐɛ̃ a nyɛɛ wa. A minin narɛɛ dɔ ba n lɛ doɛ wa.

Danayeli sɛ́wɔ 9:9

Sɛnɛ Dɛnaa Lawa, wɔa Lawa, a laanɛ wɔ́ n bɔlɔ tii, n din nə makara boe wɔ ganaa, n tá wɔa sii baraan toɛ wɔ nɛ.

Timəə dí-pɛn 4:31

A giala, kaa Lawa, Dɛnaa Lawa lɛ n makara-doɛ̃ wole lɛa. A re n gɔn boe ka-a wa, a re ka bɔ̀n biɛ wa, a lɛ kɔ kɔn la mɛn wɔ ka digolon ne á n liɛ, a yiri a die boe ka bɛ-n wa.