Nehemii 9:10 - LAWA A BOO SONBORE 2011

¹⁰ Ń sii nyaa ǹ sii dadaran da Eziptin kii mìi ni a di-nyanlin tumaa laanka a gána a zaman tumaa nɛ, a giala ń goã doɛ̃ mà ǹ nə́ fuu nyaa wɔ digolon lɛn manɛ, ń tɔ́n nə n din tɔ bɔ ǹ sii zɛnaa, ka yii bɛ́ tɔn a ganaa lɔn pelo.

LAWA A BOO SONBORE

¹⁰ Ń sii nyaa ǹ sii dadaran da Eziptin kii mìi ni a di-nyanlin tumaa laanka a gána a zaman tumaa nɛ, a giala ń goã doɛ̃ mà ǹ nə́ fuu nyaa wɔ digolon lɛn manɛ, ń tɔ́n nə n din tɔ bɔ ǹ sii zɛnaa, ka yii bɛ́ tɔn a ganaa lɔn pelo.

Nehemii 9:10 ပူးပေါင်းရင်းမြစ်များ

Nehemii 9:16

Sɛnɛ wɔ digolon lɛn nə́ n dinin gole kɔ, ǹ nə́ n too laa, ǹ nə n too kɔ ǹ gɔn waa ǹ boon lɛn ganaa wa.

Nehemii 9:29

Ń goã miɛ ǹ ganaa mà ǹ wusoo ǹ nə n dí-pɛ lɛ wɔ ǹ gɔn lɛ, sɛnɛ ǹsɛn nə́ ń dinin gole kɔ, ǹ nə n too kɔ n gɔn waa ǹ boon lɛn ganaa wa. N sii yɔrɔ bɔ ǹ boon mɛnɛn bɛ́, bɛ̀ min mɛn nə́ ǹ si, ǹ nə́ toɛ ǹ dɛnaa n liɛ, ǹ nə́ n piã ka bɛn nɛ. Ǹ nə́ n kɔkɔrɔ suĩ, ǹ nə́ n too laa, ǹ nə n too kɔ wa.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Bɔ bɛ̀rɛbaa nɛ 18:11

Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Bɔ bɛ̀rɛbaa nɛ 3:20

Ma á re n gɔn siɛ lon, ma koe sii gigiã zɛnaa Ezipti minin bii, ma fuu nyaa ǹ nɛ. Bɛn kio, kii lɛ á re toɛ ka woo.

Bɔ bɛ̀rɛbaa nɛ 5:2

Faarahɔn pɛ: «Dɛnaa lɛ n die lɛa, ma tɔn nə n too kɔ a boo ganaa, ma toa Izirayeli nɛnyaanan nə woo? Ma a Dɛnaa doɛ̃ wa, ma a toɛ Izirayeli nɛnyaanan nə woo wa.»

Bɔ bɛ̀rɛbaa nɛ 7:1

Dɛnaa pɛ Muizu-n kɛnɛn: «Á ke, ma nə n boe n koɛ, ka Lawa bɛ́ lɔn *Faarahɔn gɔn, n gologiĩ Aarɔn nə die goɛ̃ n boo gii-dali lɛa.

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Izayii 42:20

Nsɛ, Izirayeli a zaman, n sii gigiã yɛ, sɛnɛ n nə n yiri koa màn kɔn li wa. N nə́ n toon bũ, sɛnɛ n boo kɔn ma wa.

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Izayii 63:14

Ǹ kɔnboe n ka tɔɔ kuru ni, woe nyankɔrɔ basa nɛ. Dɛnaa Lawa Yiri n miɛ ǹ nyɛɛnɛ, woe ǹ ne susu ǹ bǎã nɛ.» Taãn nɛ Dɛnaa Lawa, bɛa yɔrɔ lɛ la, n mɛ n zaman lɛ nyɛɛnɛ, màn mɛn bɛ́ toɛ, n tɔ golebaa yɛ.

Zeremii 32:20

Lɛlɛ, Ezipti gána nɛ, ń kaãbaa siin zɛnaa. Haalɛ tɔn pelo, Izirayeli nɛnyaanan bii ka tɔrɔn tumaa nɛ, n bɛ́ màn mɛn lɛa, n nə ǹ tɔn bɛ nyɛɛ, ka wɔ yii bɛa ganaa sisia lɔn.

Ezekieli 20:9

Sɛnɛ, ma din tɔ taman yii, ma sii kɔn zɛnaa ǹ nɛ wa, màn mɛn bɛ́ toɛ, ka digolon bɛ́ giã-n tɔrɔn mɛnɛn bii, bɛn baran ma tɔ ziziɛ̃ wa. A giala, ma lɛ kɔ mɛn wɔ ǹ nɛ máa ma á re ǹ wɛɛ ma ǹ bɔ Ezipti gána nɛ, bɛa tɔrɔn kɛn lɛn tá a siére-a.

Danayeli sɛ́wɔ 5:23

N nə́ n gòãn dii lon a Lawa ganaa: A giala, ń minin dia ǹ nə́ woo Lawa a kion mànan goa ǹ nə́ daa ǹ kɔ n la, n din laanka n kiodɛnaa dadaran nə́ duvɛ̃ kaa ǹ nɛ ka mi, kun ka ka gòã li ǹ lɔn laanka kaa lɔ kɔsɔn nɛ. Ka bɛ dɔ nɛ, dìn mɛnɛn nə́ ke ǹ nə́ ǹ zɛnaa ka wɔrɔ nɛ, ka sana nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ yii ná a wɔlɔ yii wa, ǹ too ná a boo miɛ wa, ǹ nə ǹ ba màn kɔn doɛ̃ wa, ń loe lɔ, ń bɛn tɔ bɔ nɛ. Sɛnɛ, Lawa mɛn lɛ á ke n fɔfoã ná a gɔn, n sii tumaa ná a gɔn, n nə́ n piã n bɛ guguru kɔ wa.

Danayeli sɛ́wɔ 9:15

Dɛnaa Lawa wɔa Lawa, n bɛ́ ń nə́ n zaman kɛ waa ka pàã nɛ n nə́ ǹ bɔ Ezipti gána nɛ, n tɔ mɛn yɛ bɛ gɔ́ɔ̃ nɛ, bɛa tɔ lɛ á tɔn nə n ganaa haalɛ pelo. Sɛnɛ, wɔsɛn man wɔ́ sii baraa zɛnaa, wɔ zɛ̀rɛ nɛ.

Nya ǹ dín 7:36

A din lɛ na á soo ka Izirayeli nɛnyaanan lɛn nɛ, á ǹ kaa là nyantoro ne. Lɛ̀ pusi gɔ́ɔ̃ nɛ, á kaãbaa ǹ sii dadaran zɛnaa, Ezipti gána nɛ, sawɛɛ tà mu li, ka don bii ni.

Rɔmu minin 9:17

Lawa din na á pɛ *Faarahɔn nɛ kɛnɛn a boo ne: «Ma din ni má n koa kii lɛa, máa n die n ma pàã nyaa, màn mɛn bɛ́ toɛ, ma tɔ bɔ kanaa paǹ tumaa nɛ.»

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

Timəə dí-pɛn 7:19

A nɔmaa kakan mɛnɛn da ǹ mìi ni, a kaãbaa ǹ sii dadaran mɛnɛn zɛnaa, ká ǹ yɛ ka yii ni. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ, á soo ka nɛ. A n miɛ̃! Ka bɛ́ nyɛ́ɛbiɛ tɔrɔn mɛnɛn tumaa nyɛɛnɛ, kaa Lawa, Dɛnaa Lawa n die bɛ lɛ miã zɛnɛɛ bɛn manɛ.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»