Nehemii 8:12 - LAWA A BOO SONBORE 2011

¹² Zaman lɛ tumaa tɔ́n kiɛ̃ ǹ nə́ woo màn bii, ǹ nə́ màn mi, ǹ nə́ minin gii dɔ bɔ a nɛ, ǹ nə́ n nyɛnyɛɛ, a giala ǹ boon mɛnɛn lɛn nimi ǹ ni, ǹ nə́ bɛn giala ma.

LAWA A BOO SONBORE

¹² Zaman lɛ tumaa tɔ́n kiɛ̃ ǹ nə́ woo màn bii, ǹ nə́ màn mi, ǹ nə́ minin gii dɔ bɔ a nɛ, ǹ nə́ n nyɛnyɛɛ, a giala ǹ boon mɛnɛn lɛn nimi ǹ ni, ǹ nə́ bɛn giala ma.

Nehemii 8:12 ပူးပေါင်းရင်းမြစ်များ

KZS1 29:22

Bɛa pinaa kɛ lɛ nɛ, minin man nə́ mànbii, ǹ nə́ màn mi Dɛnaa Lawa yɔrɔ-a ka foo kɔɔ̃n nɛ. Ka a paabaa ǹ wɔ nɛ, ǹ nə́ Davida a nɛgiĩ Salomɔn koa kii lɛa, ǹ nə́ nyɔɔ lɔ a ganaa kiã lɛa Dɛnaa Lawa nɛ. Ǹ nə́ Sadɔki dɔ koa Lawa a wúlu-bɔlen kiã lɛa.

Nehemii 8:10

Ɛsidrasi tɔ́n pɛ ǹ nɛ: «Ka wo nyɔɔ mànan bii, ka mi ǹ màn nɔnɔ̀ɔn mi. Bɛ̀ min mɛnɛn nə boo màn kɔn la ǹ nə́ zɛnaa wa, ka die ka bɛn gii bɔ, a giala pelo a lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa, a giala, Lawa bɛ́ foo kɔɔ̃nbaa mɛn koe, bɛ lɛ nə ka pàã lɛa.»

Nehemii 8:11

Levii tɔrɔn nə́ goã zaman lɛ lɛ tiɛ̃ bɛ̀ ǹ nə́ pii ǹ ni kɛnɛn: «Ka n lɛ tã, a giala lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa.»

Nehemii 8:13

A lɛawaa paabaa ǹ wɔ pinaa, zaman lɛ tumaa a kɛdɛnan nɛ, Lawa a wúlu-bɔlen laanka Levii tɔrɔn nɛ, ǹ nə́ n sɔkɔn Ɛsidrasi landa sii-daraali genli, màn mɛn bɛ́ toɛ ǹ dí-pɛn sɛ́wɔ lɛ a boon woo ǹ bǎã yɛ sɔnbɔraanɛ.

Ɛsit 9:22

A giala, bɛa lɛawaan kɛn lɛn gɔ́ɔ̃ nɛ, Zuifun lɛn nə́ n gɔn si ǹ zɔ́ɔn la. Bɛa mui lɛ nɛ, sii lɛ goã á n lusi, foo ziziɛ̃ nə́ n bɔyaa á foo kɔɔ̃nbaa baa, gɛ̀ koa ǹ yɔrɔ kɔsiɛ nə́ n bɔyaa á zɔ́n baa. Mardoose mà ǹ bɛa lɛawaan kɛn lɛn baa màn bii laanka nyɛnyɛɛ pinaa lɛa, ǹ màn-bii kɔ kɔn la, ǹ bǐɛ̃ baa doobaan la.

Zɔbu 23:12

A lɛ gɔ́ɔ̃ ǹ boo ke, ma talaa má n bɔ bɛ la wa. A din a dí-pɛn kɛn, má bɛn sii zɛnaa á la ma din foo sii ni.

Loen 119:111

N gɔn waa ma-n boon kɛn man maa naforo lɛa yǎa duduu. Ǹ dinin lɛn man ma foo kɔɔ̃n koe.

Loen 119:127

N dí-pɛn kɛn man kɔɔ̃n masɛ-a, ǹ nə́ la sana-n ma gɔn, haalɛ sana lɛ a sonbore din.

Loen 119:130

N boon lɛn doɛ̃ tá min yiri fúli. A tá yiri koe yiriwɛɛnaa la.

Loen 119:14

Ma bɛ́ má n gɔn waa ma-n lɛ si, ma foo kɔɔ̃n kɔ á la yii ni, ka n pɛ ma gɔn màn tumaa n ma gɔn.

Loen 119:16

N foo siin lɛn zɛnaa n kɔɔ̃n ma ganaa parsiini. Ma yiri a boe ka n boo kɛ-n wa.

Loen 119:171

Toa ma loe lɔ ma n tɔ bɔ nɛ, a giala, ń ma daraa n foo sii boon ganaa.

Loen 119:174

Dɛnaa Lawa, man giɛ li, máa n din ma kirisibaa. N landa boon kɛn tá ma foo kɔɔ̃n koe parsiini.

Loen 119:72

N landa boon kɛn tá soɛ masɛ gɔn á la wɔrɔ laanka sana duu damata nɛ.

Loen 119:97

N landa boon kɛn tá kɔɔ̃n ma ganaa parsiini. Lɛawaa tumaa li, ma nə n taasɛ ǹ nɛ.

Zeremii 15:16

Bɛ̀ má n boo ma lɔn, man kuĩ parsiini. A n ma foo kɔɔ̃n koe, a ma foo basã. Taãn nɛ Dɛnaa Lawa Pàãyiidɛnaa, n din tɔ n ma la.

Luku 24:32

Ǹ nə́ pɛ kɔn nɛ mà a bɛ́ boo diɛ ǹsɛn nɛ zii la, á n Lawa a boo giala pii ǹsɛn manɛ, mà a boo lɛ na á goã ǹsɛn foo kuĩ taãn-taãnɛ!

Rɔmu minin 7:18

A giala, wɔ́ dɔ̃ wáa sii sonbore kɔ́n ba wɔ gɔ́ɔ̃-n wa, bɛ giala mà ǹ kɔ́n ba wɔ dinin ni wa. Ga sii bǐɛ̃ li n kɔɔ̃n wɔ ganaa, sɛnɛ, a zɛnaa ke, wɔ a boe bɛ la wa!

Sii-nyaan 11:10

Tán min tumaa foo á re kɔɔ̃n koe ka min paa kɛ a gɛ̀ nɛ. Ǹ tá re ǹ nyɛnyɛɛ parsiini, ǹ kɔn gɔ ka màn nɛ kooro, a giala mà Lawa a boo gii-dali màn paa kɛ bɔ tán minin yii-n parsiini.