Nehemii 6:6 - LAWA A BOO SONBORE 2011

⁶ A na á goã kiɛ̃-n sɛ́wɔ lɛ nɛ: «Tɔrɔn bii, wɔ tá miɛ minin lɛ-n, Gasimu dɔ́ pɛ, mà n din laanka Zuifun lɛn nɛ, ka gɔ́ɔ̃ na a ganaa ka n gòãn dii, bɛ lɛ nɛ n tá wusii kungɔn lɛ doe. Ǹ tá pii mà n din nə die ǹ kii biɛ.

LAWA A BOO SONBORE

⁶ A na á goã kiɛ̃-n sɛ́wɔ lɛ nɛ: «Tɔrɔn bii, wɔ tá miɛ minin lɛ-n, Gasimu dɔ́ pɛ, mà n din laanka Zuifun lɛn nɛ, ka gɔ́ɔ̃ na a ganaa ka n gòãn dii, bɛ lɛ nɛ n tá wusii kungɔn lɛ doe. Ǹ tá pii mà n din nə die ǹ kii biɛ.

Nehemii 6:6 ပူးပေါင်းရင်းမြစ်များ

Ɛsidrasi 4:12

Wɔ doamaa nɛ, wɔ a boo da n nɛ kii. Zuifun mɛnɛn nə n toa n li, ǹ nə́ daa dɔ wɔ bii Zeruzalɛmu, ǹ tá a gialaa kiwi piã-wɔle, kakaarɛ lɛ doe, ǹ ná a kungɔnun zɛnɛɛ ka a giala wɔ ǹ bǎã nɛ.

Ɛsidrasi 4:15

màn mɛn bɛ́ toɛ, ǹ sii gɔsɛ ǹ ga a woo ǹ bǎã li, n din digolon boo zizin sɛ́wɔ kɛ nɛ. Bɛa sɛ́wɔ lɛ nɛ, n tá re yii, mà kiwi kɛ lɛ n kiwi piã-wɔle lɛa, kiin laanka gána a bǎãn sii ziziɛ̃. A kũ biikoo sɔsɔɔ ganaa, maǹ gòãn dii ǹ siin zɛnɛɛ a nɛ. Bɛ lɛ nɛ ǹ nə́ bɛa kiwi kɛ lɛ yu, ǹ nə́ ziziɛ̃.

Nehemii 2:19

Sanbalaa ke boe Horonayimu kiwi, bɛ nɛ, ka dí-nyali Tobiya kɛ nɛ, Amɔn tɔrɔ lɛa, ka Larabu gána min Gesɛmu kɛ nɛ, bɛn bɛ́ ǹ nə́ boo lɛ ma, ǹ nə́ yaa wɔ wɔ ganaa, ǹ nə́ gasɛ̃ wɔ wɔ ganaa. Ǹ nə́ n toa: «Ǹ mɛn baa ǹ wɔ n ka kɛ-n kəni? Ka nə n gòãn dii kii lɛ ganaa?»

Nehemii 6:13

Ǹ bɛ́ ǹ ná a lɛ pii miɛ̃, ǹ yiri na á goã a ganaa, mà nyɛ́ɛ á re ma kuĩ, ma kɔ a boo lɛ lɛ, ma sii baraa zɛnaa, ǹ tɔn ma tɔ ziziɛ̃ bɛ kio, ǹ sìi da ma ganaa.

Nehemii 6:5

A gunyin soorobaa ǹ wɔ, Sanbalaa ná a dí-nyali dia ma li, a din boo goon lɛ ganaa, ka sɛ́wɔ nɛ a gɔn, sɛ́wɔ lɛ lɛ ń koo.

Nehemii 6:7

Ń Lawa a boo gii-dalin dinin koa mà ǹ pɛ Zeruzalɛmu, n wɔ paǹ li, mà kii tá Zudaa. A re beleboe wa, Pɛrsin kii á re bɛa boon kɛn lɛn miɛ. Daa kəni, wɔ kaa tán wɔ da.»

Zeremii 20:10

Má boo baraa gigiã ma minin lɛ-n. Maǹ pii: «Nyɛ́ɛ n bǎã tumaa nɛ.» Ǹ tɛnɛn dɔn man pii: «Ka a giala da kanaa.» Maa giaáran dinin man giɛ maa mɛnaa li. Maǹ pii: «Kɔntan, wɔ á re tɔwɛɛ, wɔ pàã la nɛ, wɔ wɔa gɛ̀ dòo bɔ a ganaa!»

Matiə 5:11

Ǹ bɛ́ sɔ kiɛ kasɛn mɛnɛn la, bɛ̀ ǹ ka nɔmaa masɛ a kialandɛnaabaa lɛ taman yii, bɛ̀ ǹ sii baraa tɔrɔ din tumaa zɛnaa ka nɛ, ǹ soɛ da ka la, Lawa á re barka diɛ ka ganaa.

Luku 23:2

Ǹ nə́ yoo ǹ tá a gòãn kuri ǹ nə́ pii mà ǹsɛn man nə́ woo giĩ kɛ yaa ǹsɛn gána minin yiri siɛ̃. A n pii, mà ǹ baran nyin giɔ̀mɔ saraa Rɔmun kii gole gole lɛ la wa. Ka bɛ dɔ nɛ, a n pii mà Minin Nyin-sili lɛn ka asɛ nɛ, mà asɛ n kii dɔ lɛa.

Zaã a sɛ́wɔ 19:13

Pilati bɛa boon lɛn ma lɔn, á Yezu kũ á soo-n kanaa nɛ, á koa tán kiri kuru ǹ bǎã nɛ, ǹ bɛ́ ǹ mɛn bíi mà "kɔlɔ kaa kɔn la ǹ bǎã", *Ebrəə bɔlɔ nɛ mà "Gabaataa".

Rɔmu minin 3:8

Wàa-n wɔ kurii wɔ pɛ, mà: «Wɔ daa wɔ sii baraa zɛnaa, màn mɛn bɛ́ toɛ, sii bǐɛ̃ bɔ a nɛ?» Min tɛnɛn man ma tɔ ziziɛ̃, ǹ nə́ soɛ diɛ ma la, mà ma n bɛa boon kɛn lɛn pii. Lawa n die dɔlɔ boe bɛa minin kɛn lɛn ganaa a giala yii li.

Korɛnti2 6:8

Maǹ ma guguru koe, bɛ̀ ǹ sìi dɔ da ma ganaa. Maǹ ma tɔ baraa pii, ǹ ná a bǐɛ̃ dɔ pii. Maǹ giɛ ma ganaa soɛ-bɔle lɛa, a da yaa man sonbore dɔ pii.

Piɛrɛ1 3:16

Sɛnɛ, ka bɛ zɛnaa ka foo-basiɛ̃ nɛ, ka min kɔsɔ guguru kɔ nɛ. Ka baran toa ka foo ka zɛ̀rɛ baa ka sii kɔ́n nɛ wa, màn mɛn bɛ́ toɛ, ta maǹ ka tɔ ziziɛ̃ ka sii kɔ́n nɛ, min mɛnɛn dinin bɛ́ boo baraa diɛ ka ganaa, kaa tɔ wɔ ǹ gɔn sonbore kɛ a lɛa kun ka Krita nɛ, sìi wusoo a bɛn kũ.