Nehemii 6:13 - LAWA A BOO SONBORE 2011

¹³ Ǹ bɛ́ ǹ ná a lɛ pii miɛ̃, ǹ yiri na á goã a ganaa, mà nyɛ́ɛ á re ma kuĩ, ma kɔ a boo lɛ lɛ, ma sii baraa zɛnaa, ǹ tɔn ma tɔ ziziɛ̃ bɛ kio, ǹ sìi da ma ganaa.

LAWA A BOO SONBORE

¹³ Ǹ bɛ́ ǹ ná a lɛ pii miɛ̃, ǹ yiri na á goã a ganaa, mà nyɛ́ɛ á re ma kuĩ, ma kɔ a boo lɛ lɛ, ma sii baraa zɛnaa, ǹ tɔn ma tɔ ziziɛ̃ bɛ kio, ǹ sìi da ma ganaa.

Nehemii 6:13 ပူးပေါင်းရင်းမြစ်များ

Nehemii 6:12

Sonbore, má dɔ̃ máa Lawa bie á kɛ dia wa. Sɛnɛ, Sanbalaa laanka Tobiya nɛ, bɛn maǹ ná a lɛ pii ǹ nə́ dia die ǹ boo gii diɛ ma nɛ.

Nehemii 6:6

A na á goã kiɛ̃-n sɛ́wɔ lɛ nɛ: «Tɔrɔn bii, wɔ tá miɛ minin lɛ-n, Gasimu dɔ́ pɛ, mà n din laanka Zuifun lɛn nɛ, ka gɔ́ɔ̃ na a ganaa ka n gòãn dii, bɛ lɛ nɛ n tá wusii kungɔn lɛ doe. Ǹ tá pii mà n din nə die ǹ kii biɛ.

Suusun 22:1

Tɔ kɔɔ̃n tá soɛ naforo gole ne. N sii a kɔɔ̃n kɔ n miãn ganaa tá soɛ sana laanka wɔrɔ nɛ.

Suusun 29:5

Min mɛn bɛ́ ǹ miãn bebele, a n kan koe a din ni.

Boo-laakalaali 7:1

Tɔ sonbore á soɛ nyɔɔ gìĩ kɔɔ̃n sonbore ne. Min a gɛ̀ pinaa á soɛ a yɛ pinaa nɛ.

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Izayii 57:11

Die na á goã nyɛ́ɛ gole diɛ n ganaa n soɛ bɔ ma nɛ, n yiri bɔ ka ma nɛ. N ba n yiri koɛ ma li doo wa? Man má goã n lɛ tiɛ̃ haalɛ bibi. Bɛ lɛ na á toa n ba ma guguru koe wa.

Zeremii 1:17

Nsɛ Zeremii, n yɔrɔ bɔ kəni. Yoo! Ma bɛ́ re boo mɛn tumaa diɛ n nɛ, n wo ǹ pɛ. N nyan toa nyɛ́ɛ nə n gɔ̀nɔn bìn da ǹ yɔrɔ-a wa. Bɛ bie wa, masɛ din nə die n gɔ̀nɔn diɛ bìn diɛ ganaa ǹ yɔrɔ-a.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 20:10

Má boo baraa gigiã ma minin lɛ-n. Maǹ pii: «Nyɛ́ɛ n bǎã tumaa nɛ.» Ǹ tɛnɛn dɔn man pii: «Ka a giala da kanaa.» Maa giaáran dinin man giɛ maa mɛnaa li. Maǹ pii: «Kɔntan, wɔ á re tɔwɛɛ, wɔ pàã la nɛ, wɔ wɔa gɛ̀ dòo bɔ a ganaa!»

Ezekieli 2:6

Nsɛ minbuiin a nɛ, n nyan nyɛ́ɛ baa ǹ nɛ wa, n nyan nyɛ́ɛ baa ǹ da ǹ boon dɔn man wa. N tá kunun ǹ ni kɛ n ka min na á giã koronkoron laanka nyan bii, ka min na á giã ton kɛ la sɔn doe. N nyan nyɛ́ɛ baa ǹ da ǹ boon man wa, n nyan nyɛ́ɛ baa ǹ yii-n duduu wa. A giala, piã-wɔlen manɛ.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Matiə 22:15

*Fariziɛ̃n kɔnɔn nə́ woo kɔn yɛ màn mɛn bɛ́ toɛ, ǹ wo Yezu lɛ zulu, ǹ kũ ka a din lɛ gɔ́ɔ̃ ǹ boo ne.

Matiə 26:59

Lawa a wúlu-bɔlen goledɛnan laanka kiri-kurulin gialakunun tumaa ga Yezu biɛ kɔ ǹ gɔn li, haalɛ ta a din ni kɔkɔrɔ lɔn, màn mɛn bɛ́ toɛ, ǹ dɛ a gã.

Nya ǹ dín 6:13

Ǹ nə́ ga siére soɛ-bɔlen li walan, bɛn nə́ pɛ: «Giĩ ke ka yii tá-a, a n boo baraa diɛ biikoo tumaa waáraa Lawa a kion kɛ wɔ gɔn la, ka Lawa dín mɛnɛn pɛ Muizu ni.

Korɛnti2 11:12

Doo, ma bɛ́ maa sii zɛnɛɛ lɔn, man tɔn die zɛnɛɛ miɛ̃, ń giɛ min mɛnɛn bɛ́ giɛ gɔn kũ ǹ bǎã li, mà ǹ nə n dinin laakalaa, ǹ pɛ mà ǹsɛn dɔn man dí tɔrɔ goon nyɛɛ ka masɛ nɛ, bɛ nyan yɔrɔ yɛ ǹ li wa.

Timote1 5:14

Bɛ lɛ-n ma á giɛ li, máa lɔ giɔɔrɔ tenən nə wusoo ǹ wɔ giĩ li, ǹ nɛnyaanan yɛ, ǹ ga ǹ dinin kion walan, màn mɛn bɛ́ toɛ, wɔa zɔ́ɔn baran wɔ tɔ ziziɛ̃ wa.

Timote2 1:7

A giala, Lawa Yiri Fu mɛn kɔ wɔ la, bɛ bie wɔ biɛ nyɛ́ɛ-baalin lɛa wa. Sɛnɛ, a n pàã koe wɔ la, ka kɔn-narɛɛ nɛ, ka din-kuĩ ni.

Tiitii 2:8

Boo peperen da, ǹ nə́ ǹ ba boe la ǹ lɛ pɔrɔ ǹ ganaa wa. Ń giɛ n zɔ́ɔn tá goɛ̃ ka sìi ni, ǹ yii ná a ba baraa kɔ́n ganaa, ǹ tá diɛ wɔa wɔ paǹ li wa.

Zaaki 4:17

Bɛ gɔ́ɔ̃ nɛ, bɛ̀ min mɛn tá sii sonbore zɛnaa ǹ gɔn doɛ̃, a ná a ba zɛnɛɛ wa, bɛa dɛnaa n sii baraa diɛ a din mìi ni.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»