Nehemii 4:1 - LAWA A BOO SONBORE 2011

¹ Sɛnɛ Sanbalaa nɛ, Tobiya nɛ, Larabu gána minin ni, Amɔn tɔrɔn nɛ, ka Asidɔdi minin ni, bɛn bɛ́ ǹ nə́ ma mà Zeruzalɛmu a kungɔn lɛ a dí á tɔ we, a fɔfoɛ̃ bǎãn lɛn nə́ tã giala koe, ǹ foo yoo taãn-taãnɛ.

LAWA A BOO SONBORE

¹ Sɛnɛ Sanbalaa nɛ, Tobiya nɛ, Larabu gána minin ni, Amɔn tɔrɔn nɛ, ka Asidɔdi minin ni, bɛn bɛ́ ǹ nə́ ma mà Zeruzalɛmu a kungɔn lɛ a dí á tɔ we, a fɔfoɛ̃ bǎãn lɛn nə́ tã giala koe, ǹ foo yoo taãn-taãnɛ.

Nehemii 4:1 ပူးပေါင်းရင်းမြစ်များ

Nehemii 13:28

Zozadaa tɔrɔ goon ne, wúlu-bɔlen kiã Eliasibu a nɔ̀ɔn lɛa, bɛ na á goã Horɔn min Sanbalaa kɛ daãgiĩ lɛa. Má loo má bɔ ma li ka sɔsɔɔ.

Nehemii 2:10

Giĩ goon goã a tɔ n Sanbalaa boe Horonayimu kiwi. Bɛ laanka dí-nyali Tobiya kɛ nɛ, Amɔn tɔrɔ lɛa, bɛn bɛ́ ǹ ná a boo ma, ǹ foo ziziɛ̃, a giala, mà min na á daa ga Izirayeli minin bǐɛ̃-kɔ li.

Nehemii 2:19

Sanbalaa ke boe Horonayimu kiwi, bɛ nɛ, ka dí-nyali Tobiya kɛ nɛ, Amɔn tɔrɔ lɛa, ka Larabu gána min Gesɛmu kɛ nɛ, bɛn bɛ́ ǹ nə́ boo lɛ ma, ǹ nə́ yaa wɔ wɔ ganaa, ǹ nə́ gasɛ̃ wɔ wɔ ganaa. Ǹ nə́ n toa: «Ǹ mɛn baa ǹ wɔ n ka kɛ-n kəni? Ka nə n gòãn dii kii lɛ ganaa?»

Nehemii 6:15

Kungɔn lɛ a doe na á nya lɛawaa posoorowenpaa gɔ́ɔ̃ nɛ, *Eluulu mui a lɛawaa fuəwensoorobaa ǹ wɔ pinaa.

Nehemii 6:16

Wɔa zɔ́ɔn tumaa bɛ́ ǹ ná a boo ma, tɔrɔn mɛnɛn tumaa goã wɔ lɛnpɛnɛ, nyɛ́ɛ nə́ ǹ kũ. Ǹ dinin yii li, ǹ lɛ na á kuməə duduu. Ǹ nə́ dɔ̃ mà dí lɛ na á goã á n nya á kɔnpɛ ka wɔa Lawa foo sii ni.

Zeremii 38:19

Kii Sedekiasi Zeremii lɛ si: «Zudaa minin mɛnɛn nə n dinin wɔ Baabilonii minin gɔn, man nyɛ́ɛ biɛ máa ǹ yaa kiɛ̃ ma we ǹ gɔn, ǹ baraa zɛnaa ma nɛ.»

Matiə 2:16

Erɔdi bɛ́ á dɔ̃ mà doɛ̃ wolen lɛn ná asɛ bebele, a foo yoo parsiini. Á tɔ́n pɛ minin manɛ, mà ǹ wo Bɛtlehɛmu laanka a lɛkoro-an kiwin ni. Mà nɛginin mɛn din tumaa bɛ́ á dɔ lɛ̀ paa, hinlaa ta a na nyaabaa lɛ̀ paa ganaa, mà ǹ bɛ tumaa dɛ, a giala doɛ̃ wolen lɛn boo lɛ a diɛ lɛ̀ paa n ke Erɔdi ni.

Matiə 27:29

Ǹ nə́ kii bafolo tã ka nyan gùrùn ni, ǹ nə́ wɔ a mìi ganaa, ǹ nə́ bàbàla wɔ a gusin a gɔn, ka n pɛ mà maǹ koɛ kii lɛa. Bɛ kio, ǹ nə́ n musi lɛn kurumaa tán a giulun, ǹ nə́ yaa wɔ a ganaa, bɛ̀ ǹ tá pii: «Fòo le, Zuifun kii!»

Nya ǹ dín 5:17

Bɛa siin kɛn lɛn zɛnaa gɔ́ɔ̃ nɛ, Lawa a Kion wúlu-bɔlen kiã foo yoo, kun ka *Sadusɛɛ̃n lɛsɔkɔn minin kɛn tumaa nɛ a tá kun wolen lɛa. Ǹ nə́ pɛ mà yǎa ǹsɛn nə yui ǹ sii zɛnɛɛ.

Ebrəə 11:36

Gialakunun dɔn nə́ nɔmaa da-yaa lɛa gɔn, ka sɛ̌n nɛ, ka fɔlɔ biɛn kaamaa nɛ, ka da kòso-n ne.