Nehemii 3:1 - LAWA A BOO SONBORE 2011

¹ Lawa a wúlu-bɔlen kiã Eliasibu tɔ́n yoo kun ka ǹ miã wúlu-bɔlen ne, kiɛnlɛ ke ǹ nə́ bíi "Sèren kiɛnlɛ" ǹ nə́ bɛ dɔ. Bɛ kio, ǹ nə́ kɔ Lawa la, ǹ ná a goon dɔn wɔ lɛ. A saa tán Meya a sanabolo kɛ li, ǹ nə́ kungɔn lɛ kɔ Lawa la yǎa á daa dɔ Hananeyeli a sanabolo kɛ li.

LAWA A BOO SONBORE

¹ Lawa a wúlu-bɔlen kiã Eliasibu tɔ́n yoo kun ka ǹ miã wúlu-bɔlen ne, kiɛnlɛ ke ǹ nə́ bíi "Sèren kiɛnlɛ" ǹ nə́ bɛ dɔ. Bɛ kio, ǹ nə́ kɔ Lawa la, ǹ ná a goon dɔn wɔ lɛ. A saa tán Meya a sanabolo kɛ li, ǹ nə́ kungɔn lɛ kɔ Lawa la yǎa á daa dɔ Hananeyeli a sanabolo kɛ li.

Nehemii 3:1 ပူးပေါင်းရင်းမြစ်များ

Nehemii 12:10

Zozoe na á Zozakimu yɛ, Zozakimu na á Eliasibu yɛ, Eliasibu dɔ na á Zozadaa yɛ.

Nehemii 12:30

Lawa a wúlu-bɔlen laanka Levii tɔrɔn nə́ *gɔ̀ bɔ ǹ dinin ganaa, ǹ nə́ gɔ̀ bɔ zaman lɛ ganaa, ka kiɛnlɛn laanka kungɔn lɛ nɛ.

Nehemii 12:39

Bɛ kio, wɔ́ bɔ Efrayimu kiɛnlɛ kɛ lalan, ka kiɛnlɛ zizi kɛ nɛ, zɔ̀nɔn kiɛnlɛ kɛ nɛ, Hananeyeli a sanabolo kɛ nɛ, Meya a sanabolo kɛ nɛ, wɔ́ woo yǎa sèren kiɛnlɛ kɛ li. Wɔ́ tɔ́n golee wɔlɔ lɛduə̃ ǹ kiɛnlɛ kɛ lɛ-a.

Nehemii 13:28

Zozadaa tɔrɔ goon ne, wúlu-bɔlen kiã Eliasibu a nɔ̀ɔn lɛa, bɛ na á goã Horɔn min Sanbalaa kɛ daãgiĩ lɛa. Má loo má bɔ ma li ka sɔsɔɔ.

Nehemii 13:4

Lɛlɛ, Lawa a kion a kionən kɛn sii na á goã Lawa a wúlu-bɔle Eliasibu gɔn. Eliasibu lɛ na á goã Tobiya ǹ dɔɔ̃n tã bonbon lɛa.

Nehemii 3:20

Ezɛɛrɛ dɔ kio wɔlɔ-a, Zabayu a nɛgiĩ Baruku dɔ nə́ n gù kaa kungɔn lɛ a paǹ kɔsɔ zɛnaa li. Á saa kungɔn lɛ a gùrù pusu ǹ bǎã kɛ ganaa, á daa yǎa Lawa a wúlu-bɔlen kiã Eliasibu a kiɛnlɛ-a.

Nehemii 3:21

Baruku dɔ kio wɔlɔ-a, Uri a nɛgiĩ Meremɔti ke Hakɔti a nɔ̀ɔn lɛa, bɛ dɔ́ kungɔn lɛ a paǹ kɔsɔ zɛnaa. Á saa Eliasibu a kiɛnlɛ ganaa, á woo yǎa Eliasibu a kion lɛ a lɛ doa ǹ bǎã ganaa.

Nehemii 3:32

Sanabolo mɛn lɛ bɛ́ kungɔn gùrù pusii lɛ ganaa, bɛ laanka Sèren kiɛnlɛ kɛ biin ni, sana dí-nyalin laanka pii-kɔlen nə́ goã dí nyɛɛ walan.

Nehemii 6:1

Sanbalaa laanka Tobiya nɛ, ka Larabu gána min Gesɛmu kɛ nɛ, ka wɔa zɔ́ɔ gialakunun kɛn nɛ, bɛn bɛ́ miɛ ǹ mɛn waáraa, mà má wusoo má kungɔn lɛ dɔ, fɔfoɛ̃ bǎã ná a ba a-a doo wa, bɛa biikoo lɛ li, bɛ̀ ma tɔn kiɛnlɛ-a ǹ goon kɛn wɔ bɔrɔ wa.

Nehemii 7:1

Kungɔn lɛ bɛ́ á n dɔ, má kiɛnlɛ-a ǹ goon wɔ, ǹ nə́ kiɛnlɛ-lɛduə̃lin laanka loe-lɔlin kaa ǹ dí lɛ la, ka *Levii tɔrɔn nɛ.

Loen 30:1

Lawa a kion a zɔ́n loe. Davida a loe.

Loen 48:12

Siɔn kele kɛ nə n nyɛnyɛɛ, Zudaa a kiwin kɛn foo n kɔɔ̃nɛ, n kiri kuriin lɛn taman yii.

Suusun 3:6

N sii zɛnaan tumaa gɔ́ɔ̃ nɛ, toa n na a din dɔ̃, á re n nyɛɛnaan boe.

Suusun 3:9

Dɛnaa Lawa tɔ bɔ ka n gɔn mànan nɛ, n nə n kaa-piɛ màn bibinaa kɔ la.

Zeremii 31:38

Lɛawaa á re doe, Dɛnaa Lawa a da ǹ boo ne, Zeruzalɛmu kiwi lɛ á re wusii a n dɔ ma din wɔ lɛa, a kũ Hanaaneyeli a sanabolo kɛ ganaa, a wo gùrùn kiɛnlɛ kɛ yaa.

Danayeli sɛ́wɔ 9:25

Bɛ lɛ nɛ, toa n kɛ dɔ̃ n na a giala ma: boo mɛn nə n da, mà ǹ wusoo ǹ da Zeruzalɛmu kiwi lɛ dɔ, a saa bɛa boo lɛ a diɛ ganaa, a da kaa goledɛnaa kɛ a daa lɛ, Lawa pɛ mà asɛ á re diɛ, lɛ̀ sɔbaa wɔlɔ sɔbaa nɛ. Bɛ kio, lɛ̀ sɔbaa wɔlɔ pɔsɔrɔwenpaa, Zeruzalɛmu kiwi kɛ laanka a kungɔn tɔn nə n dɔ. Sɛnɛ, bɛa biikoo lɛ n die goɛ̃ kaka.

Zakarii 14:10

Bǎã mɛn din tumaa bɛ́ Zeruzalɛmu lɛnpɛnɛ, bɛn tumaa á re n bɔyɛɛ ǹ bɔmɔ lɛ baa, a kũ Gebaa ganaa gɔsɛ a lɛ̀gɔn la, a wo Rimɔn yaa gusin a lɛ̀gɔn la. Zeruzalɛmu á re goɛ̃ lon a la bǎã kɔsɔn kɛn manɛ. Kiwi lɛ á re n lɛ boe, a saa Bɛnzamɛn tɔrɔn kiɛnlɛ kɛ ganaa, a wo yǎa kiɛnlɛ bibinaa bǎã kɛ li, yǎa gùrù pusu ǹ kiɛnlɛ kɛ li, a kũ Hanaaneyeli a sanabolo kɛ ganaa, yǎa kii a rezɛ̃ mu bɔ ǹ bǎã kɛ nɛ.

Zaã a sɛ́wɔ 5:2

Mu nyankɔrɔ goon tá bɛa kiwi lɛ nɛ, kunu sèren wɔ kiwi gɔ́ɔ̃ nɛ ǹ kiɛnlɛ ganaa, ǹ nə́ bíi ka *Ebrəə bɔlɔ nɛ mà Bɛtzaataa. Siã sooro na á goã a lɛ-a.

Timəə dí-pɛn 20:5

Zaman-lɛduə̃lin nə nɔ̀n da zia-baalin lɛn la, ǹ pɛ ǹ nɛ: «Giĩ tá ka bii á kion dii dɔ sisia, a ná a tɔn wɔ a-n bɔrɔ wa? Ǹ dɛnaa wusoo a wo piɛ, màn mɛn bɛ́ toɛ, a baran gã zia la, n giĩ kɔsɔ yǎa kiɛ̃ giɛ̃ a kion lɛ-n wa.