Nehemii 2:5 - LAWA A BOO SONBORE 2011

⁵ Bɛ kio, má pɛ kii lɛ-n kɛnɛn: «Bɛ̀ á n din dùũ baa, bɛ̀ maa sii tá kɔɔ̃nɛ n ganaa, n die n ma dia kəni ma wo Zudaa, ma wo ma digolon bĩ ǹ kiwi lɛ nɛ, màn mɛn bɛ́ toɛ ma wusoo ma dɔ.»

LAWA A BOO SONBORE

⁵ Bɛ kio, má pɛ kii lɛ-n kɛnɛn: «Bɛ̀ á n din dùũ baa, bɛ̀ maa sii tá kɔɔ̃nɛ n ganaa, n die n ma dia kəni ma wo Zudaa, ma wo ma digolon bĩ ǹ kiwi lɛ nɛ, màn mɛn bɛ́ toɛ ma wusoo ma dɔ.»

Nehemii 2:5 ပူးပေါင်းရင်းမြစ်များ

Samayeli2 14:22

Zoabu na á kaa tán, kii lɛ a guguru kɔ ǹ sii lɛa, á barka da nɛ. Zoabu tɔ́n pɛ: «Masɛ nə n dí-nyali lɛa. Má dɔ̃ pelo, máa maa sii á kɔɔ̃nɛ n ganaa. A giala, ma màn mɛn pɛ maa dɛnaagiĩ kii ni, á lɛ kɔ á bɛ zɛnaa.»

Ɛsidrasi 5:17

Kanna kəni, bɛ̀ á kɔɔ̃n kɔ kii lɛ ganaa, ka die ka ga kii gɔn mànan koa ǹ bǎã kɛ-n walan Baabilonii, màn mɛn bɛ́ toɛ ka dɔ̃, bɛ̀ kii Siirusu lɛ pɛ sonbore, mà wɔ Lawa a kion kɛ lɛ dɔ Zeruzalɛmu. Bɛ kio, kii lɛ lɛ die a dɔ wɔsɛn ganaa, a na a taasiɛ nyaa wɔsɛn manɛ bɛa sii lɛ wɔ paǹ li.

Nehemii 2:4

Kii lɛ nɔ̀n da ma la: «N nə n giɛ wàa mɛn li?» Má tɔ́n lon a Lawa nyankɔ.

Nehemii 2:6

Kii lɛ, a lɔ n tán a para li, á nɔ̀n da ma la kɛnɛn: «N nə n die beleboe n zii lɛ nɛ yǎa biĩ kəni? N nə n die n bɔyɛɛ biĩ?» Má tɔ́n biikoo pɛ má kɔ la, bɛ́ kɔɔ̃n kɔ kii lɛ-a, á tɔ́n zii kɔ ma la mà ma woo.

Ɛsit 1:19

Bɛ̀ kii lɛ din dùũ ni, a boo da, kii a boo lɛa, bɛa boo lɛ nə n kiɛ̃ Pɛrsi gána laanka Mɛdi gána a sii zɛnaa ǹ landan sɛ́wɔ nɛ, bɔlɔ bɔyaa ná a ba a-n wa. A kɔnpɛ ka bɛa boo lɛ nɛ, Vastii ba die kii yɔrɔ-a doo wa, kii lɛ tá re Vastii a kii a lɔbaa lɛ sii a kɔ lɔ kɔsɔ la, ǹ mɛn nə́ ke soɛ nɛ.

Ɛsit 5:8

Ma bɛ́ giɛ màn mɛn li, ma gɔ́ɔ̃ bɛ́ màn mɛn ganaa, bɛ̀ maa sii kaa n foo la, bɛ̀ á n din dùũ baa, masɛ bɛ́ re zɔ́n màn-bii mɛn zɛnɛɛ kaa wɔ lɛa, n die n da kun ka Haman nɛ bɛa bǎã-n doo. Biɛ̃, ma á re n lɛ sii.»

Ɛsit 7:3

Kii a lɔ Ɛsitɛɛrɛ lɛ ná a lɛ si á pɛ: «Kii, bɛ̀ masɛ a sii kaa n foo la, bɛ̀ á n dùũ baa, ǹ die ǹ masɛ yii toa koo. Masɛ n giɛ bɛ lɛ li. Ǹ die ǹ masɛ tɔrɔn dɔn yii toa koo. Masɛ gɔ́ɔ̃ n bɛ lɛ ganaa.

Ɛsit 8:5

A n toa: «Bɛ̀ kii lɛ dùũ ni, bɛ̀ masɛ a sii kaa a foo la, bɛ̀ sii lɛ kii lɛ foo si, bɛ̀ masɛ tá kɔɔ̃nɛ a ganaa, Hamedaata a nɛgiĩ Haman lɛ, Agaagi tɔrɔ lɛa, bɛ goã á sɛ́wɔn mɛnɛn yɔrɔ bɔ, á ǹ kiɛ̃ mà ǹ die ǹ kii lɛ a gána a bǎãn tumaa a Zuifun dɛ lenlen, mà ǹ wusoo ǹ sɛ́wɔ kiɛ̃, ǹ bɛa sɛ́wɔn lɛn boo sàabaa nɛ.

Suusun 3:4

N sii á re kɔɔ̃n koe Lawa ganaa, ka minbuiinin ni. N sii á re bǐɛ̃ koe.

Danayeli sɛ́wɔ 9:25

Bɛ lɛ nɛ, toa n kɛ dɔ̃ n na a giala ma: boo mɛn nə n da, mà ǹ wusoo ǹ da Zeruzalɛmu kiwi lɛ dɔ, a saa bɛa boo lɛ a diɛ ganaa, a da kaa goledɛnaa kɛ a daa lɛ, Lawa pɛ mà asɛ á re diɛ, lɛ̀ sɔbaa wɔlɔ sɔbaa nɛ. Bɛ kio, lɛ̀ sɔbaa wɔlɔ pɔsɔrɔwenpaa, Zeruzalɛmu kiwi kɛ laanka a kungɔn tɔn nə n dɔ. Sɛnɛ, bɛa biikoo lɛ n die goɛ̃ kaka.

Matiə 23:27

Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Gere yalan mɛnɛn lalan bɛ́ fu, ka n goon ka bɛn nɛ. Ǹ tá siĩn yɔrɔ-a, sɛnɛ, ǹ gɔ́ɔ̃ piɛ̃maa-n ka gere wen laanka màn bɔnɛɛ tɔrɔ din tumaa nɛ.

Uruti 2:13

Uruti tɔ́n pɛ: «Maa dɛnaagiĩ na á bǐɛ̃ kɔ masɛ ganaa, a giala a na á masɛ foo basã, á ma foo taã. A da yaa, masɛ din ba ka n bɛ̀rɛlɔn kɛn goon bɛ lɔn wa.»