Nehemii 2:17 - LAWA A BOO SONBORE 2011

¹⁷ Má tɔn pɛ ǹ nɛ: «Koe mɛn bɛ́ wɔ mìi ni, ka yii ba bɛ ganaa wa? A giala ǹ nə́ Zeruzalɛmu yu. Tɛ ná a kiɛnlɛn kũ. Ka daa wɔ n tan, wɔ wusoo wɔ Zeruzalɛmu a kungɔn lɛ dɔ, wɔ n bɔ sìi bii!»

LAWA A BOO SONBORE

¹⁷ Má tɔn pɛ ǹ nɛ: «Koe mɛn bɛ́ wɔ mìi ni, ka yii ba bɛ ganaa wa? A giala ǹ nə́ Zeruzalɛmu yu. Tɛ ná a kiɛnlɛn kũ. Ka daa wɔ n tan, wɔ wusoo wɔ Zeruzalɛmu a kungɔn lɛ dɔ, wɔ n bɔ sìi bii!»

Nehemii 2:17 ပူးပေါင်းရင်းမြစ်များ

Ɛsidrasi 9:9

A giala, wɔ n bɛ̀rɛn lɛa, sɛnɛ Lawa nə n gɔn bɔ wɔ ganaa wɔa bɛ̀rɛbaa lɛ gɔ́ɔ̃-n wa. Pɛrsi kiin nyɛɛnɛ, n bǐɛ̃ kɔ wɔ ganaa, n susui kɔ wɔ la, màn mɛn bɛ́ toɛ wɔ wɔa Lawa a kion lɛ dɔ, wɔ a kɛbɔlɔ saa wɔ da lon. N wɔ tamaa ǹ kungɔn kɔ wɔ la Zudaa gána laanka Zeruzalɛmu kiwi.

Nehemii 1:3

Ǹ nə́ tɔ́n ma lɛ si kɛnɛn: «Min mɛnɛn nə bɔ bɛ̀rɛbaa ǹ bǎã lɛ nɛ ǹ nə́ daa ǹ gána nɛ, ǹ tá koe gole laanka sìi bii. Zeruzalɛmu a kungɔn lɛ tá fɔfoɛ̃ nɛ, tɛ ná a kiɛnlɛn dɔn kũ.»

Nehemii 2:13

Tèlò-n, má bɔ ka nyankɔrɔ lɛ kiɛnlɛ kɛ nɛ, má woo tolokan mu a pìã lɛ-a ka yisi kaa ǹ bǎã a kiɛnlɛ kɛ lɛ-a nɛ. Zeruzalɛmu kiwi a kungɔn mɛn lɛ fɔfɔ̃, tɛ ná a kiɛnlɛn kukũ, má goã giɛ bɛ ganaa doɛ̃ sɔnbɔraanɛ.

Nehemii 2:16

Kiwi lɛ a nyɛɛnaandɛnan lɛn nə goã maa woo ǹ bǎã doɛ̃ wa, ma goã sii mɛn zɛnɛɛ ǹ goã bɛ dɔ doɛ̃ wa. A da dɔ yǎa bɛa biikoo lɛ ganaa, ma goã má boo kɔn da má nyaa Zuifun lɛn man wa, ma nyaa Lawa a wúlu-bolen man wa, ma nyaa pàãdɛnan man wa, ma nyaa nyɛɛnaandɛnan man wa, min gialakunun mɛnɛn dɔn nə goã giɛ dí lɛ walan, ma nyaa bɛn dɔn man wa.

Nehemii 3:15

Mu pìã bǎã a kiɛnlɛ ke, Kɔl-Hoze a nɛgiĩ Salumu mɛn bɛ́ Mispaa gána mìi la, bɛ na á bɛ zɛnaa. A din na á dɔ, á zũ, á ná a goon wɔ lɛ, ka a tã a sɔɔ ǹ mànan nɛ. Silowee pɛrɛ bǎã a kungɔn ke kii a dù gɔrɔ genli, á bɛ dɔ zɛnaa, yǎa á woo dɔ tɔ wɔ ǹ banbaranan kɛn ganaa, n toɛ "Davida a kiwi" li die.

Loen 102:15

Min mɛnɛn bɛ́ dí nyɛɛ n din ni, bɛn tá tɔn kiwi lɛ narɛ, a laanka a yui kɛ lɛ nɛ. A makara n tɔn nə ǹ kuĩ, a laanka a ziziɛ̃ lɛ nɛ.

Loen 44:13

Ń ke ń nə́ n minin lɛn sã giɔ̀mɔ kɔɔ̃n ganaa, á ke, n là kɔn dɔ yɛ-a wa.

Loen 44:14

N din nə toɛ, wɔ miãkɛnɛn nə́ sɔ koe wɔ-a, n din nə toɛ, bɛn nə́ wɔ diɛ yaa lɛa, ǹ nə́ wɔ puusə koe.

Loen 79:12

Dɛnaa, tɔrɔn mɛnɛn bɛ́ wɔ miãkɛnɛn lɛa, bɛn nə́ sɔ kɔ n ganaa. Bɛa sɔ kɛ lɛ a dòo a laman sɔbaa bɔ ǹ ganaa.

Loen 79:4

Wɔ á ke, wɔ miãkɛnɛn nə́ sɔ kiɛ wɔ la. Min mɛnɛn bɛ́ wɔ lɛnpɛnɛ, bɛn man wɔ diɛ yaa lɛa, ǹ nə́ wɔ pɔpɔsɛ.

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Busii pɛ 2:2

Dɛnaa Lawa ná a din a zaman a kionən tumaa yu. Makara doɛ̃ din yɛ a-n wa. Zudaa a kiwin mɛnɛn bɛ́ tamaa-n sɔnbɔraanɛ, á bɛn yu a foo-yoo baraa kɛ gɔ́ɔ̃ nɛ. Á gána lɛ laanka a kiin tumaa nɔɔ, á ǹ kaa, á sìi da ǹ ganaa.

Busii pɛ 3:51

Ǹ bɛ́ sii mɛn zɛnɛɛ maa kiwi kɛa nɛlɔn manɛ, bɛ n busi ma-a parsiini.

Ezekieli 5:14

Man die Zeruzalɛmu kiwi lɛ bɔ̀n biɛ. Tɔrɔ kɔsɔn mɛnɛn bɛ́ a lɛnpɛnɛ, a yɛ á re sìi diɛ bɛn ganaa kun ka kiɛ̃ wolen kɛn tumaa nɛ.

Misee 7:11

Kaa kiwi lɛ a kungɔnɔn lɛn bɛ́ re wusii ǹ nə n dɔ ǹ mɛn waáraa, bɛa pinaa kɛ lɛ nɛ, kaa gána lɛ giala á die n boe li.

Samayeli1 11:2

Sɛnɛ Amɔn tɔrɔ Naasi lɛ nə́ ǹ lɛ si á pɛ: «Wɔ laan bɛ̀ wɔ n lɛ-kɔ lɛ we ka ka nɛ, yǎa ma ka tumaa gusin a yii puri, masɛ bɛa sìi kɛ lɛ da Izirayeli kuturu ganaa.»