Nehemii 13:17 - LAWA A BOO SONBORE 2011

¹⁷ Má tɔ́n Zudaa gána a min yii guguru-an zɛ̀rɛ baa má pɛ ǹ nɛ: «Wàa dí baraa n ke ka á nyɛɛ, ka n susu ǹ pii lɛ ziziɛ̃?

LAWA A BOO SONBORE

¹⁷ Má tɔ́n Zudaa gána a min yii guguru-an zɛ̀rɛ baa má pɛ ǹ nɛ: «Wàa dí baraa n ke ka á nyɛɛ, ka n susu ǹ pii lɛ ziziɛ̃?

Nehemii 13:17 ပူးပေါင်းရင်းမြစ်များ

Nehemii 13:11

Má sii yɔrɔ-bɔlen lɛn zɛ̀rɛ baa, má pɛ máa wàa na á baa ǹ nə́ Lawa a kion lɛ toa walan? Bɛ kio, má Levii tɔrɔn lɛn laanka loe-lɔlin lɛn bii má wusoo má ǹ kaa ǹ dí la.

Nehemii 13:16

Tiiri kiwi minin mɛnɛn nə goã giã-n Zeruzalɛmu, bɛn nə́ goã die ka zɔ̀ nɛ, ka pii màn tɔrɔ tumaa nɛ. Maǹ nə́ goã ǹ siɛ̃ Zudaa tɔrɔn la, ǹ nə́ ǹ siɛ̃ Zeruzalɛmu kiwi gɔ́ɔ̃ nɛ, susu ǹ pii pinaa.

Nehemii 13:25

Má ǹ zɛ̀rɛ baa, má n lɛ baraa da ǹ kio. Ma gɔn mɛ min didi ganaa ǹ bii, má ǹ mìi ka wɔwoɛ̃. Bɛ kio, má ǹ kaa liɛ ganaa ka Lawa tɔ nɛ, máa ǹ baran toa ǹ nə ǹ nɛlɔn kɔ bɛa minin kɛn lɛn nɛgiĩn la wa, ǹ baran ǹ dɔn nɛlɔn goa ǹ nɛgiĩn laanka ǹ dinin wɔn lɛa wa.

Nehemii 5:7

Má giã má fɔ̃, máa yǎa ma taãn pii min yii guguru-an lɛn laanka nyɛɛnaandɛnan lɛn manɛ. Má tɔ́n pɛ ǹ nɛ kɛnɛn: «Guĩ n ke ka á diɛ kɔn mìi ni.» Bɛ kio, má lɛ dia ǹ la lɛsɔkɔn gole kɔn ganaa.

Suusun 28:4

Min mɛnɛn bɛ́ ǹ ba koe dí-pɛn lɛ wa, maǹ min baraan laakalɛ. Sɛnɛ, min mɛnɛn bɛ́ koe dí-pɛn lɛ, bɛn manə n gòãn dii ǹ ganaa.

Izayii 1:10

Kasɛn Zudaa a kiãn kɛn, ka n ka Sodɔmu kiãn bɛ́ lɔn: Ka n too kɔ Dɛnaa Lawa a da ǹ boon li. Kasɛn Zudaa minin, ka n ka Gomɔɔrɔ minin bɛ́ lɔn: Ka n too kɔ Dɛnaa Lawa a boo li, ka n too kɔ wɔa Lawa a doroon li!

Zeremii 13:18

A pɛ kii laanka kii ǹ dan nɛ kɛnɛn: Ka giã tán furu-n a giala, kaa kii bafolo sonbore kɛ bɔ ka mìi ganaa á mɛnaa.

Zeremii 5:5

Man die woe nyɛɛnaandɛnan li, ma á re boo diɛ ǹ nɛ, ta a baalan, bɛn tá Dɛnaa Lawa dùũ doɛ̃ ka ǹ Lawa a dí-pɛn nɛ.» Sɛnɛ, haayii! Ǹ tumaa kun, ǹ nə́ ǹ zǔun yiyiɛ, ǹ nə́ ǹ biɛn nana.

Ezekieli 20:13

Sɛnɛ, Izirayeli minin nə́ n gòãn dii ma ganaa diə gole lɛ nɛ. Ǹ kɔ maa landa boon kɛn lɛ wa, ǹ nə́ maa sii yɔrɔ bɔ ǹ boon lɛn tii, ǹ mɛnɛn lɛn kɔmalɛ bɛ́ toɛ min yii goã koo. Ǹ nə́ maa susu ǹ piin kɛn ziziɛ̃ á la yii ni. Ma tɔ́n pɛ máa ma foo mɛn yoo ke, man die dɔlɔ diɛ ǹ mìi ni diə gole lɛ nɛ, ǹ nə ǹ dɛ lenlen.

Lawa a wúlu-bɔlen 19:17

Min kɔn baran ǹ dɔɔ̃n da a gɔ́ɔ̃-n wa. Sɛnɛ, bɛ̀ n dɔɔ̃n sii la, n baran toa wa, a zɛ̀rɛ baa, màn mɛn bɛ́ toɛ, a sii baraa lɛ a guĩ baran goã nsɛ mìi-n wa.

Misee 3:1

Zakɔba tɔrɔn goledɛnan lɛn, Izirayeli minin sii yɔrɔ-bɔlen lɛn, masɛ Misee n ka nyankoe: ka bǐɛ̃ kɔ ka n too kɔ. Min doamaa nɛ a sii yɔrɔ bɔ ǹ gɔn nyaa kasɛn kɛn ma-n doo?

Misee 3:9

Zakɔba tɔrɔn goledɛnan lɛn, ka bǐɛ̃ kɔ, ka n too kɔ kɛ li! Izirayeli mìilandɛnan lɛn, sii pepere a kɔɔ̃n ka ganaa wa. Ka n sii pepere din tumaa kɔrɛ.