Nehemii 12:43 - LAWA A BOO SONBORE 2011

⁴³ Bɛa pinaa kɛ lɛ nɛ, minin nə́ wúlu didi bɔ, ǹ nə́ goã foo kɔɔ̃nbaa gɔ́ɔ̃ nɛ, a giala Lawa na á foo kɔɔ̃nbaa gole kɔ ǹ la. Lɔn laanka nɛnyaanan dɔn nə́ goã n nyɛnyɛɛ, minin nə́ n toa sɔsɔɔ ǹ nə́ Zeruzalɛmu a foo kɔɔ̃nbaa lɛ a boo ma.

LAWA A BOO SONBORE

⁴³ Bɛa pinaa kɛ lɛ nɛ, minin nə́ wúlu didi bɔ, ǹ nə́ goã foo kɔɔ̃nbaa gɔ́ɔ̃ nɛ, a giala Lawa na á foo kɔɔ̃nbaa gole kɔ ǹ la. Lɔn laanka nɛnyaanan dɔn nə́ goã n nyɛnyɛɛ, minin nə́ n toa sɔsɔɔ ǹ nə́ Zeruzalɛmu a foo kɔɔ̃nbaa lɛ a boo ma.

Nehemii 12:43 ပူးပေါင်းရင်းမြစ်များ

KZS2 20:13

Zudaa zaman tumaa ka ǹ kion minin ni, ǹ lɔn nɛ, ka ǹ nɛnyaanan nɛ, ǹ nə́ golee lon Dɛnaa Lawa yɔrɔ-a.

KZS2 20:27

Bɛ kio, Zeruzalɛmu minin ni ka Zudaa minin gialakunun ni, kun ka Zozafati ni ǹ nyɛɛnɛ, ǹ nə́ zii saa ǹ nə́ woo Zeruzalɛmu ka foo kɔɔ̃n nɛ. A giala, Dɛnaa Lawa na á ǹ kirisibaa ǹ zɔ́ɔn ganaa á foo kɔɔ̃n kɔ gole kɔ ǹ la.

KZS2 7:10

Bɛ kio, lɛ̀ a mui sɔbaabaa ǹ wɔ a lɛawaa fuəwensɔɔ, kii nə n gɔn bɔ ǹ ganaa ka nyɛnyɛɛ nɛ ǹ foo piɛ̃, ǹ nə́ woo piɛ. Ǹ foo n kɔɔ̃nɛ, a giala mà Lawa bǐɛ̃ zɛnaa Davida a nɛ Salomɔn nɛ ka a zaman Izirayeli ni.

Ɛsidrasi 3:13

Bɛ lɛ nɛ, zaman lɛ din ba boe la á n foo kɔɔ̃nbaa ǹ lɛ-dɛ lɛ laanka wuu lɛ boe kɔnlɛ doɛ̃ wa, a giala zaman lɛ na á goã lɛ-dɛ we, a wuu n woe sɔsɔɔ.

Nehemii 12:27

Zeruzalɛmu a kungɔn lɛ a kɔ Lawa la sii taman yii, ǹ nə́ woo ga Levii tɔrɔn li, ǹ giã ǹ bǎãn tumaa nɛ, ǹ nə́ daa ǹ nɛ Zeruzalɛmu màn mɛn bɛ́ toɛ, ǹ nə n nyɛnyɛɛ ǹ kungɔn lɛ kɔ Lawa la, ǹ Lawa guguru kɔ ǹ loen lɔ, ǹ gɔn pere dɛ ǹ mànan kaa li, ka tùtun laanka kɔnkoɛɛ̃nɛn nɛ.

Nehemii 12:42

Maaseya dɔ goã a tan, Semayia nɛ, Eleyazaara nɛ, Uuzi ni, Zoanan nɛ, Malikiya nɛ, Elamu ni, ka Ezɛɛrɛ nɛ. Loe-lɔlin lɛn nə́ kũ loe la, Yiziraya nə́ ǹ nyɛɛnaan boe.

Zɔbu 34:29

Sɛnɛ, bɛ̀ Lawa ba li a sii zɛnaa wa, die n die a zɛ̀rɛ biɛ? Bɛ̀ á n duru, die n boe la a yɛ? A bɛ́ giɛ tɔrɔn walan lɔn, a n giɛ min gogoonmaa dɔ walan miɛ̃.

Loen 27:6

Kanna, má boo maa zɔ́ɔn lɛn la, maa zɔ́ɔn kɛn lɛn ma lɛnpɛnɛ. Ma á boe la ma wúlu mànan kɔ Dɛnaa Lawa la ma foo n kɔɔ̃nɛ. Ma á boe la dɔn ma loe lɔ ma Dɛnaa Lawa tɔ bɔ nɛ.

Loen 28:7

Dɛnaa Lawa n ma pàã lɛa, a din nə ma tamaali lɛa. Má n foo doa a din ganaa, á n dɔ ma lɛ. Ma nə n nyɛnyɛɛ ka ma foo tumaa nɛ. Man die loe loe ma a tɔ bɔ nɛ.

Loen 9:2

Dɛnaa Lawa, ma á re barka diɛ n nɛ, ka ma foo tumaa nɛ, ma á re n kaãbaa ǹ siin lɛn tumaa kalɛɛ.

Loen 92:4

N pɛ tùtun kɛn wuu li: a biɛ fùdɛnaa kɛ nɛ, ka a tɔrɔ gialakunun kɛn dɔn nɛ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Zeremii 31:13

Ǹ nɛlɔn tá re bɛ̀ biɛ ka foo kɔɔ̃n nɛ, nɛ tenən laanka min zizin tá re n nyɛnyɛɛ kun. Ma á re ǹ gɛ̀ koan bɔyɛɛ ma baa zɔ́n lɛa. Ǹ foo ziziɛ̃ gɔ́ɔ̃ nɛ ma á re ǹ foo wɛɛ, ma á re ǹ kiɛ̃ ka foo kɔɔ̃nbaa nɛ.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Minin nimi 10:10

Kaa nyɛnyɛɛ lɛawaan li, kaa lɛawaa dadaran li, kaa mui dii zɔ́nɔn li, ka die ka bɛa bɛnɛn kɛn lɛn pɛ ka *wúlu màn tiɛ̃n laanka kaa barka da ǹ wúlu mànan bɔ biikoo li. Bɛ dɔ á re toɛ masɛ nə n yiri kɔ ka li. Ma din ni kaa Lawa, Dɛnaa Lawa lɛ lɛa.»

Matiə 21:15

Lawa a wúlu-bɔlen goledɛnan laanka landa sii-daraalin bɛ́ ǹ nə́ Yezu yɛ á kaãbaa ǹ siin zɛnaa, nɛnyaanan kɛn dɔn nə́ n lɛ dii Lawa a kion ka a tɔ nɛ mà "ǹsɛn kii Davida tɔrɔ, mà a da ka a bǐɛ̃ nɛ", ǹ foo busu Yezu li.

Matiə 21:9

Min mɛnɛn bɛ́ Yezu nyɛɛnɛ, min mɛnɛn bɛ́ a kio, ǹ tumaa na á goã n lɛ dii ǹ nə́ pii: «Kii Davida tɔrɔ da ka n bǐɛ̃ nɛ! Min mɛn bɛ́ die ka wɔa Dɛnaa tɔ nɛ, Lawa die a barka wɔ a nɛ! Wɔsɛn tá fòo diɛ Lon a Lawa nɛ!»

Zaã a sɛ́wɔ 16:22

Ka dɔn yɔrɔ n kɔsiɛ-n miɛ̃ sisia; sɛnɛ, wɔ á re wusii wɔ kɔn yɛ, ka á re n nyɛnyɛɛ bɛa pinaa, màn kɔ́n dɔ a re boe la, a bɛa nyɛnyɛɛ kɛ bɔ a bɔ ka foo-n wa.

Efɛɛzi minin 5:19

Ka kɔn foo taã ka Lawa tɔ bɔ ǹ loen ne, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ. Ka bɛa loen kɛn lɔ Dɛnaa nɛ, ka a tɔ bɔ ka ka foo tumaa nɛ.

Zaaki 5:13

Bɛ̀ kaa min mɛn tá nɔmaa nɛ, ǹ dɛnaa Lawa nyankɔ. Bɛ̀ kaa min mɛn foo á kɔɔ̃nɛ, ǹ dɛnaa loe lɔ a Lawa tɔ bɔ nɛ.

Samayeli1 4:5

Dɛnaa Lawa a lɛ kɔ kɔn la ǹ goo lɛ bɛ́ á dɔ ǹ giã ǹ bǎã nɛ lɔn gɔrɔ Izirayeli minin lɛn tumaa nə́ n lɛ dɛ parsiini, yǎa tán bìn da.