Nehemii 12:30 - LAWA A BOO SONBORE 2011

³⁰ Lawa a wúlu-bɔlen laanka Levii tɔrɔn nə́ *gɔ̀ bɔ ǹ dinin ganaa, ǹ nə́ gɔ̀ bɔ zaman lɛ ganaa, ka kiɛnlɛn laanka kungɔn lɛ nɛ.

LAWA A BOO SONBORE

³⁰ Lawa a wúlu-bɔlen laanka Levii tɔrɔn nə́ *gɔ̀ bɔ ǹ dinin ganaa, ǹ nə́ gɔ̀ bɔ zaman lɛ ganaa, ka kiɛnlɛn laanka kungɔn lɛ nɛ.

Nehemii 12:30 ပူးပေါင်းရင်းမြစ်များ

Siin Giala 35:2

Zakɔba tɔ́n pɛ a kion minin manɛ, min mɛnɛn bɛ́ kun ni ka bɛn dɔn nɛ: «Tɔrɔ kɔsɔn bɛ́ mànan mɛnɛn guguru koe lawan lɛa, ka bɛn waa, ka ǹ bɔ ka bii. Ka ka dinin *yoreen kɔ, ka mɔnaa kɔsɔn wɔ.

KZS1 15:14

Lawa a wúlu-bɔlen ne ka Levii tɔrɔn nə́ tɔ́n nə n dinin yoreen kɔ, ǹ nə́ tɔ́n Dɛnaa Lawa, Izirayeli a Lawa a goo lɛ saa ǹ nə́ dii ni.

KZS2 29:34

Lawa a wúlu-bɔlen mɛnɛn bɛ́ ǹ tan, ǹ ba mɔnaa nɛ duduu wa, ǹ tɔɔ mɛn tumaa dɛ wúlu màn tiɛ̃ lɛa, ǹ ba boe la ǹ tá a ki boe wa. Ǹ dɔɔ̃nɔn Levii tɔrɔn nə́ n dɔ ǹ lɛ ǹ nə́ dí lɛ gɔn nyɔmɔɔ, bɛ̀ ǹ baa n yii diɛ Lawa a wúlu-bɔle kɔsɔn din yoreen kɔ la. Taãn nɛ, Levii tɔrɔn lɛn nə́ golee din yoreen kɔ li á la Lawa a wúlu-bɔlen manɛ.

KZS2 29:5

á pɛ ǹ nɛ: «Giĩn kɛn Levii tɔrɔn lɛa, ka n too kɔ ma lon! Ka n dinin *yoreen kɔ kanna, ka Dɛnaa Lawa, ka digolon Lawa a kion kɛ yoreen kɔ. Màn gɔgɔrɛn mɛnɛn bɛ́ bǎã sonbore kɛ nɛ, ka ǹ yii goa.

Ɛsidrasi 6:21

Bɛa yɔrɔ lɛ la, Izirayeli minin tumaa zɔ́n bii kun, mɛnɛn nə bɔ bɛ̀rɛbaa ǹ bǎã nɛ, ka Lawa doɛ̃baã wolen kɛn mɛnɛn bɛ́ ǹ nə́ ǹ ba Lawa doɛ̃ wa, ǹ nə́ gána lɛ a Lawa doɛ̃baã wolen zɛnaa ǹ sii gɔgɔrɛn kɛn kaa, màn mɛn bɛ́ toɛ, ǹ ga Izirayeli a Lawa Dɛnaa Lawa li.

Nehemii 12:29

Bɛti-Gilgaali ni, Gebaa don ne, ka Azimawɛti don ne. A giala loe-lɔlin lɛn man nə́ goã ǹ nə́ kiwi bisinin koa ǹ dinin wɔ lɛa, Zeruzalɛmu lɛkoro lɛ-a bǎãn nɛ.

Nehemii 13:22

Bɛ kio, má pɛ Levii tɔrɔn manɛ, máa ǹ gɔ̀ bɔ ǹ dinin-a ǹ da kiɛnlɛn lɛn lɛduə̃, màn mɛn bɛ́ toɛ ǹ susu ǹ pii lɛ tamaa. Bɛ lɛ dɔ taman yii, maa Lawa, n yiri kɔ ma nɛ, makara bɔ ma ganaa a kɔnpɛ ka n bǐɛ̃ gole kɛ nɛ!

Nehemii 13:30

Má gɔ̀ bɔ zaman lɛ ganaa, má ǹ na má ǹ bɔ tiin tumaa ganaa. Má wusoo má Lawa a wúlu-bɔlen dí laanka Levii tɔrɔn dí da a giala la, didie ná a dí ni.

Zɔbu 1:5

Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

Bɔ bɛ̀rɛbaa nɛ 19:10

Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,

Bɔ bɛ̀rɛbaa nɛ 19:15

Á pɛ zaman lɛ nɛ: «Ka n yɔrɔ bɔ lɛawaa sɔɔ gɔ́ɔ̃ nɛ. Ka baran n mɔrɔ kaa lɔn ganaa wa.»

Ebrəə 5:1

Sonbore, maǹ wúlu-bɔlen kiã tumaa boe minbuiin nɛn bii, ǹ koa mà a dí nya Lawa nɛ minbuiin nɛn bǐɛ̃ a lɛa. A dí n ka kɛ nɛ, a gɔ ǹ mànan laanka wúlu mànan kɔ Lawa la, sii baraan taman yii.

Ebrəə 5:3

Bɛa pàã wɛɛnaabaa kɛ lɛ taman yii, a doamaa nɛ a sii baraa toa ǹ wúlu mànan bɔ, a ǹ kɔ Lawa la a din a lɛa, zaman lɛ dɔ a lɛa.