Nehemii 10:39 - LAWA A BOO SONBORE 2011

³⁹ Bɛ̀ Levii tɔrɔn lɛn tá màn a fùbaa ǹ wɔ lɛ sii, Lawa a wúlu-bɔle ke Aarɔn tɔrɔ lɛa, bɛ á die goɛ̃ kunun ǹ ni. Levii tɔrɔn lɛn tá re màn a fùbaa ǹ wɔ lɛ a fù baa ǹ wɔ boe wɔa Lawa a kion kɛ wɔ lɛa, ǹ wo ne màn tamaa ǹ kion kɛ gɔ́ɔ̃ nɛ.

LAWA A BOO SONBORE

³⁹ Bɛ̀ Levii tɔrɔn lɛn tá màn a fùbaa ǹ wɔ lɛ sii, Lawa a wúlu-bɔle ke Aarɔn tɔrɔ lɛa, bɛ á die goɛ̃ kunun ǹ ni. Levii tɔrɔn lɛn tá re màn a fùbaa ǹ wɔ lɛ a fù baa ǹ wɔ boe wɔa Lawa a kion kɛ wɔ lɛa, ǹ wo ne màn tamaa ǹ kion kɛ gɔ́ɔ̃ nɛ.

Nehemii 10:39 ပူးပေါင်းရင်းမြစ်များ

Kiin2 7:10

Gɔ̀nɔn ki busu babaraadɛnan lɛn nə́ daa, ǹ nə́ lɛ dia kiwi lɛ a kiɛnlɛ-lɛduə̃lin la, ǹ nə́ pɛ ǹ nɛ: «Wɔsɛn man wɔ́ woo Siirii minin giã ǹ bǎã nɛ. Min ba a-n wa, min a bìn diɛ ba boe wa. Sùin laanka dundunun dininsɔɔ̃nɔn man ke ǹ nə́ goã doa nɛ, mɔnaa kionən dɔn man ke ǹ nə́ ǹ toa walan bii-a ǹ lɛ yii lɛa.»

KZS2 31:11

Ezekiasi pɛ maǹ kionən yɔrɔ bɔ Lawa a kion lɛ gɛnli. Ǹ bɛ́ ǹ ná a yɔrɔ bɔ ǹ nə́ nya,

KZS2 31:12

ǹ nə́ daa ka mangɔ mànan kɛn nɛ ka bɔlɔgoondɛnaabaa nɛ, mànan fùbaa ǹ wɔn nɛ kɔnlɛ ka màn kɔsɔn kɛn nɛ Dɛnaa Lawa wɔ lɛa. Levii tɔrɔ Konania n bɛa mànan lɛn tumaa mìi la, ǹ dɔɔ̃n Simeyii nə n ti a ganaa.

Nehemii 12:47

Zorobabeli laanka Nehemii a biikoo li, màn mɛn bɛ́ doe loe-lɔlin lɛn laanka kiɛnlɛ-lɛduə̃lin lɛn ganaa ǹ wɔ gii lɛa, Izirayeli tumaa goã bɛ koe baraabaraa. Maǹ nə́ goã Levii tɔrɔn dɔn wɔ boe bɛ̀ ǹ kaa a gɔrɔn. Levii tɔrɔn dɔn man nə́ goã Aarɔn tɔrɔn wɔ boe, bɛ̀ ǹ kaa a gɔrɔn.

Loen 122:9

Wɔa Dɛnaa Lawa a kion kɛ taman yii, man giɛ li n yii-nyɛɛ yɛ.

Minin nimi 18:26

«A pɛ Levii a tanlɛ minin lɛn manɛ: Ma bɛ́ gɔn màn a fùbaa ǹ wɔ mɛn lɛ koe ka la kaa wɔ gii lɛa, bɛ̀ Izirayeli minin lɛn nə́ daa bɛ kɔ ka la, ka dɔn nə wusoo ka bɛa gɔn màn a fùbaa ǹ wɔ kɛ lɛ a fù baa ǹ wɔ bɔ ka kɔ masɛ la.

Minin nimi 18:30

Bɛ̀ ka masɛ wɔ lɛ bɔ, ka dinin nə nɔmɔ a gialakun kɛ-a, ka Izirayeli min gialakun lɛ dɔ bɛ́ nɔmɛ ǹ tán-kɔsiɛ màn giala-a, ka ǹ duvɛ̃ giala laanka ǹ nyɔɔ giala-a lɔn.

Timəə dí-pɛn 12:17

Mànan fùbaa ǹ wɔ mɛn doamaa bɛ́ nɛ a n kɔ Lawa la, ka doamaa bie ka bɛ bii ka dinin piɛ wa: *Belee ne, duvɛ̃ nɛ, nyɔɔ nɛ, tɔɔ dadaran laanka a bisinin nɛ bibinaan nɛ, ka bɛ́ re n lɛ koe Lawa la ka mànan mɛnɛn nɛ, foo kɔɔ̃nbaa ǹ wúlu mànan laanka Lawa gɔ ǹ wɔn nɛ.

Ebrəə 10:25

Min tɛnɛn lɛ mui ka wusu lɛsɔkɔn bǎã-n nɛ. Bɛ a siĩn wa. Ka daa wɔ n doa wɔ kɔn foo taã lɛsɔkɔn gɔ́ɔ̃ nɛ, sanparɛ ka yii bɛ́ Dɛnaa a lɛawaa lɛ ganaa dirii.