Nehemii 1:6 - LAWA A BOO SONBORE 2011

⁶ N yii bũ, ǹ nə n too kɔ maa nyankɔ ganaa. Biikoo kɛ gɔ́ɔ̃ nɛ, penleen laanka tèlò ne, ma nə n nyankoe, n dí-nyalin, Izirayeli minin lɛn lɛa: wɔ sii baraan mɛnɛn zɛnaa, ma nə n nyankoe, n bɛn toa wɔ nɛ. Wɔ́ sii baraa zɛnaa, ma laanka ma dikion minin ni.

LAWA A BOO SONBORE

⁶ N yii bũ, ǹ nə n too kɔ maa nyankɔ ganaa. Biikoo kɛ gɔ́ɔ̃ nɛ, penleen laanka tèlò ne, ma nə n nyankoe, n dí-nyalin, Izirayeli minin lɛn lɛa: wɔ sii baraan mɛnɛn zɛnaa, ma nə n nyankoe, n bɛn toa wɔ nɛ. Wɔ́ sii baraa zɛnaa, ma laanka ma dikion minin ni.

Nehemii 1:6 ပူးပေါင်းရင်းမြစ်များ

Kiin1 8:30

N too kɔ, bɛ̀ n dí-nyali laanka, n din a zaman Izirayeli minin lɛn nə́ n yɔrɔ dia kion lɛ la wɔ n nyankɔ, n toa n giã ǹ bǎã-n lon n nə n too kɔ wɔsɛn lon, n wɔ zɛ̀rɛn toa wɔ nɛ.

Kiin1 8:47

bɛ̀ ǹ nə́ n toa bɛa gána kɛ lɛ nɛ, ǹ bɛ̀rɛbaa gɔ́ɔ̃ nɛ, ǹ nə́ n taasɛ, ǹ nə́ n gɔ́ɔ̃ dɔn bii, ǹ nə́ gòã-kũ da n ganaa ǹ nə́ pɛ: «Wɔ sii baraa zɛnaa, wɔ baraabaa zɛnaa, wɔ n zɛ̀rɛdɛnan lɛa,»

KZS2 28:10

Ka bɛ nɛ, ka n pii mà giĩn kɛn ka lɔn kɛn nɛ, boe Zeruzalɛmu, mà ka n die ǹ biɛ bɛ̀rɛn lɛa! Sɛnɛ, kasɛn man zɛ̀rɛdɛnan lɛa Dɛnaa Lawa yɔrɔ-a.

KZS2 29:6

Wɔ digolon nə́ goã bɔlɔgoondɛnan lɛa Dɛnaa Lawa wɔa Lawa yii li wa. Ǹ sii mɛn zɛnaa á baraa á la yii ni. Ǹ nə́ n la bɔ a ganaa. Dɛnaa Lawa bɛ́ giã-n bǎã mɛn nɛ, ǹ nə́ n yɔrɔ bɔyaa ǹ nə́ bɔ la, ǹ nə́ n dɔ̀ɔ̃ dia la.

KZS2 6:40

Kanna, Maa Lawa, n yii bũ, bǐɛ̃ kɔ n nə n too kɔ nyankɔn li bǎã kɛ nɛ sɔnbɔraanɛ.

Ɛsidrasi 10:1

Ɛsidrasi bɛ́ kuməə-n tán Lawa a kion lɛ yɔrɔ-a, Lawa nyankoe a sii baraan pii ka wuu ni, Izirayeli min gigiã nə́ n sɔkɔn a li, giĩn ni, lɔn nɛ, ka nɛnyaanan nɛ. Zaman lɛ goã wuu pii taãn-taãnɛ.

Ɛsidrasi 10:11

Sisia, ka n zɛ̀rɛ si, ka digolon Lawa, Dɛnaa Lawa lɛ la, ka a foo sii zɛnaa. Ka n na ka n bɔ gána lɛ a minin lɛn ganaa, ka tɔrɔ kɔsɔn kɛn nɛ, kaa lɔn lɛa.»

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Loen 102:17

Dɛnaa Lawa bɛ́ re wusii a Zeruzalɛmu kiwi kɛ dɔ doo, a bɛ́ re wusii a n din nyaa foaãfoaã, a gugurubaa kɛ nɛ.

Loen 106:6

Wɔ dɔn nə́ sii baraa zɛnaa, ka wɔ digolon bɛ́ lɔn, wɔ́ kanaa wɔ́ zii toa, zɛ̀rɛ wɔ kũ.

Loen 130:2

Dɛnaa, toa n ma lɛ ma, n too kɔ doɛ̃, n maa goã-kũ ma.

Loen 32:5

Kanna, má maa sii baraa pɛ n nɛ, ma pii kɔ maa sã lɛ wa. Má pɛ máa: Ma á die ma zɛ̀rɛn piì Dɛnaa Lawa nɛ. Bɛ lɛ n ke, ń maa sii baraa a guĩ saa ń bɔ ma mìi ni. Doa

Loen 34:15

A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

Loen 55:17

Masɛ n lɛ diɛ Lawa la, a da n dɔ ma lɛ. Dɛnaa Lawa á re ma kirisibiɛ.

Loen 88:1

Loe. Koore a minin loe goon ne. Loe-saalin goledɛnaa loe mɛn lɔ. A nə n loe ka yɔrɔ-kɔsiɛ loe bɛ́ lɔn. Gùligiĩ Eman a loe ne, a n daraa koe.

Izayii 6:5

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Busii pɛ 5:7

Wɔ digolon nə́ sii baraa zɛnaa. Sɛnɛ, ǹ banban doo wa. Ǹ sii baraan gugurubaa na á kũ wɔ dinin mìi ni.

Danayeli sɛ́wɔ 9:15

Dɛnaa Lawa wɔa Lawa, n bɛ́ ń nə́ n zaman kɛ waa ka pàã nɛ n nə́ ǹ bɔ Ezipti gána nɛ, n tɔ mɛn yɛ bɛ gɔ́ɔ̃ nɛ, bɛa tɔ lɛ á tɔn nə n ganaa haalɛ pelo. Sɛnɛ, wɔsɛn man wɔ́ sii baraa zɛnaa, wɔ zɛ̀rɛ nɛ.

Danayeli sɛ́wɔ 9:20

Má goã Lawa nyankɔ la miɛ̃, má ń ma din a sii baraa laanka maa zaman, Izirayeli minin kɛn sii baraan pii n ni, má ń gòã-kũ diɛ maa Lawa, Dɛnaa Lawa ganaa, a din a kele sonbore kɛ a lɛa.

Danayeli sɛ́wɔ 9:4

Má tɔ́n maa Lawa, Dɛnaa Lawa nyankɔ, má n mɛ bɔ maa zaman a sii baraan lɛa má pɛ kɛnɛn: «E, Dɛnaa Lawa, man gòã-kũ diɛ n ganaa! N din nə Lawa gole lɛa, n sii n nyɛ́ɛ diɛ. Min mɛnɛn bɛ́ n narɛ, ǹ nə́ n gɔn waa ǹ boon kɛn sii, n lɛ kɔ mɛn wɔ ka bɛn nɛ, n nə n bɔlɔgoondɛnaa lɛa bɛ gɔ́ɔ̃ nɛ, n tá bǐɛ̃ zɛnɛɛ ǹ nɛ.

Danayeli sɛ́wɔ 9:5

Wɔ́ sii baraa zɛnaa, wɔ́ kɔkɔrɔbaa ǹ sii zɛnaa. Wɔ́ baraabaa zɛnaa, wɔ́ n gòãn dii Lawa ganaa, wɔ́ kanaa wɔ́ n bɔ n dí pɛ ǹ boon laanka n sii yɔrɔ bɔ ǹ boon kɛn kio.

Danayeli sɛ́wɔ 9:8

Dɛnaa Lawa, wɔ dinin ni, wɔa kiin ni, wɔa goledɛnan laanka wɔ digolon ne, wɔ dinin wɔ n ka sìi ni. A giala, wɔ́ sii baraa zɛnaa n nɛ.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Luku 2:37

Bɛ kio, á goã lɔ giɔɔrɔbaa nɛ, yǎa á zizi kɔ á woo dɔ lɛ̀ pɔkiwisiwensii. A goã soe doo á n boe Lawa a kion wa, a na á goã Lawa guguru koe tèlò laanka penleen ne, bɛ̀ a nə́ n lɛ soɛ á n Lawa nyankoe.

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Timote1 5:5

Lɔ mɛn bɛ́ giɔɔrɔ lɛa taãnɛ, á giã a dinsɔɔ̃ lenlenm bɛ na á n foo doa Lawa ganaa, á n sii sii a ganaa. A n gòã-kũ diɛ Lawa lɛ ganaa, a ná a nyankoe penleen ka tèlò ne.

Timote2 1:3

Ma á barka diɛ Lawa-n parsiini, man dí nyɛɛ a din lɛ-n ka gɔ́ɔ̃ fubaa nɛ, ka ma digolon bɛ́ ǹ nə́ zɛnaa lɔn. Bɛ̀ ma á Lawa nyankoe lɔn baraabaraa nɛ, penleen ka tèlò ne, ma á n boo diɛ a nɛ, man barka diɛ nɛ.

Zaã1 1:9

Sɛnɛ, bɛ̀ wɔ á wɔa sii baraan pii Lawa nɛ, a din nə bɔlɔgoondɛnaa lɛa, a n pepere dɔn. Á re wɔa sii baraan toɛ wɔ nɛ, a wɔ yoreen kɔ sii baraa tumaa ganaa.

Samayeli1 15:11

«Ma nə n gɔ́ɔ̃ bii, ka wàa nɛ ma Sayulu koa kii lɛa, a giala, a na á ma toa walan, a ba maa boo sii wa.» Samayeli foo yoo, á Dɛnaa Lawa nyankɔ tèlò-n á lɛ̀ waa nɛ.