Nahumu 1:7 - LAWA A BOO SONBORE 2011

⁷ Dɛnaa Lawa á siĩni. A n mìi duru ǹ bǎã lɛa koe pinaa. Min mɛnɛn bɛ́ n dinin koe la, a n giɛ bɛn walan.

LAWA A BOO SONBORE

⁷ Dɛnaa Lawa á siĩni. A n mìi duru ǹ bǎã lɛa koe pinaa. Min mɛnɛn bɛ́ n dinin koe la, a n giɛ bɛn walan.

Nahumu 1:7 ပူးပေါင်းရင်းမြစ်များ

KZS1 16:34

Ka barka da Dɛnaa Lawa nɛ, a giala á siĩni, a minin narɛɛ a nyɛɛ duduu wa.

KZS1 5:20

Bɛa zia lɛ wuu li, ǹ nə́ Lawa nyankɔ mà a n dɔ ǹsɛn lɛ, a giala ǹ foo goã doa nɛ a ganaa. Lawa dɔ nə́ ǹ nyankɔ si, á n dɔ ǹ lɛ. Bɛa yɔrɔ lɛ la, ǹ nə́ boo Agaraa tɔrɔn lɛn la ǹ nə́ ǹ kaa ǹ pàã giulun, ka min mɛnɛn dɔn nə ǹ wɔ kaa kun ka Agaraa tɔrɔn lɛn nɛ.

KZS2 13:18

Bɛa pinaa kɛ lɛ nɛ, ǹ nə́ sìi da Izirayeli minin ganaa. Zudaa minin sɛn nə gɔ̀lɔ̀baa yɛ, a giala, maǹ nə́ ǹ pàã doa Dɛnaa Lawa la, ǹ digolon Lawa.

KZS2 32:11

Ezekiasi n pii ka nɛ, mà Dɛnaa Lawa kaa Lawa á re ka kirisibiɛ ma ganaa. A n ka siɛ̃, á n die toɛ ka tumaa gã bòo laanka mu boro gɔn.

KZS2 32:21

Dɛnaa Lawa tɔn lona dia dí-a wole goon dia Siirii minin giã ǹ bǎã lɛ nɛ. Á sɔraasi kakan tumaa dɛ, sɔraasin nyɛɛnaandɛnan nɛ ka gána nyɛɛnaandɛnan nɛ. Sìi nə́ n kɔ Asiiriin kii lɛ, á n bɔyaa á woo a gána nɛ. Ǹ kɔn pinaa á wɔ a dì kion, a nɛgiĩn nə́ dɛ walan.

KZS2 32:8

A wɔ lɛ-n minbuiin nɛ pàã lɛa kun ni, sɛnɛ Dɛnaa Lawa, wɔa Lawa n kun ka wɔsɛn nɛ, a n die n doe wɔ lɛ, a zia baa kun ka wɔ nɛ.» Bɛa boon kɛn Zudaan kii Ezekiasi da, á zaman lɛ tumaa foo taã.

Ɛsidrasi 3:11

Ǹ bɛ́ Dɛnaa Lawa guguru kɔ ǹ loen laanka barka da Dɛnaa Lawa nɛ ǹ loen loe, maǹ nə́ goã siɛ loe-n kun kɛnɛn: «Lawa a siĩni, a kɔn narɛ ba nyɛɛ duduu Izirayeli wɔ paǹ li wa.» Zaman lɛ tumaa goã n lɛ wurii, bɛ̀ ǹ tá Dɛnaa lawa guguru koe, a kion lɛ gòã daa taman yii.

Loen 1:6

A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.

Loen 100:5

A giala, Dɛnaa Lawa á siĩni, a kɔn-narɛɛ gole kɛ na a tan yǎa duduu, a n bɔlɔgoondɛnaa lɛa biikoo tumaa li.

Loen 20:1

Loe-saalin goledɛnaa loe mɛn lɔ. Davida a loe.

Loen 25:8

Dɛnaa Lawa á siĩni, á pepere, bɛ lɛ n ke, á sã wolen diɛ zii la.

Loen 27:5

A giala, bɛ̀ koe daa ǹ mɛn pinaa, a din nə ma duri a giã ǹ bǎã nɛ. A din nə n koe ma lɛ a kion kɛa dɔndɔɔn nɛ. A din nə ma koɛ kele lalan, sii kɔn ná a doe ma ganaa wa.

Loen 37:39

Dɛnaa Lawa n min sonboren kirisibiɛ. A din nə ǹ tamaɛ fuu-yɛ biikoo li.

Loen 37:40

Dɛnaa Lawa nə n doe ǹ lɛ, a tá ǹ sii ǹ kiɛ. A nə ǹ kanbiɛ min baraan ganaa, a tá ǹ kirisibiɛ. A giala, maǹ nə́ kaa a din yele.

Loen 46:2

Wɔsɛn man kiɛ Lawa yele, a din nə wɔ pàã lɛa, a din nə dɔmalɛ wole lɛa biikoo tumaa li nɔmaa gɔ́ɔ̃ nɛ.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 59:16

Maǹ giɛ paǹ din tumaa li, màn li ǹ tá bii. Bɛ̀ ǹ màn yɛ á ǹ kã wa, maǹ zùũzùũ sii.

Loen 71:3

N din nə goã maa kele lɛa, man duru n kio. N goã maa giã ǹ bǎã lɛa, ma bɛ́ boe la ma kirisibaa bǎã mɛn nɛ. Sonbore, n din lɛ n ma tamaali lɛa, ka maa duru ǹ bǎã nɛ.

Loen 86:7

Maa nɔmaa yɛ pinaa, man lɛ diɛ n la, ma n ma lɛ sii dɔn.

Loen 9:10

Dɛnaa Lawa, n din die n fuu-yɛle a duru ǹ bǎã baa. Nɔmaa biikoo li, a n duru n din li.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Izayii 25:4

a giala, ń pàãwɛɛnaan mìi duru ǹ bàã baa, ma n doobaan tamɛɛ fuu biikoo li, ma n mìi duru ǹ bǎã lɛa la giulun, ma n wúlu lɛa wasa li. Taãn nɛ, min kakarɛn foo yoo n ka la bɛ́ lɔn kungɔn ganaa,

Izayii 32:2

Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zeremii 17:17

N nyan nyɛ́ɛ da ma-a wa, koe biikoo li, n din ni maa duru ǹ bǎã lɛa.

Zeremii 24:5

– Masɛ Dɛnaa Lawa, Izirayeli a Lawa bɛ́ boo mɛn diɛ á ke: «Gɔ́rɔ nɛ sonboren kɛn, ǹ ga ma-a n kɔɔ̃nɛ. A din yii goon ne, Zudaa minin kɛn gùli kɔ ǹ bǎã nɛ, ma wo ǹ mɛnɛn nɛ Baabilonii gána nɛ, man giɛ bɛn ganaa ka yɔrɔ bǐɛ̃ nɛ.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Busii pɛ 3:25

Min mɛn foo bɛ́ doa-n Dɛnaa Lawa ganaa, a n giɛ li ka a parsiini, a n bǐɛ̃ biɛ bɛ la.

Danayeli sɛ́wɔ 3:28

Nebukadenezɔɔrɔ tɔ́n pɛ: – Ma á barka diɛ Sadraki laanka Mesaki ka Abɛdi-Negoo a Lawa nɛ. A din na á ná a lon a dia dí-a wole dia, á daa a dí-nyalin kirisibaa. A giala, ǹ nə́ n foo doa n ganaa, ǹ nə́ n piã ka masɛ a boo ne, ǹ nə́ n dinin nyin kɔ, mà ǹsɛn ba re lawa kɔsɔ guguru koe wa, bɛ̀ á n bɔ ǹ dinin Lawa kɛ nɛ.

Danayeli sɛ́wɔ 6:23

Masɛ a Lawa ná a lon a dia dí-a wole dia, á daa yàran lɛn lɛ tã. Bɛ lɛ nɛ, ǹ boo la ǹ nə́ sii kɔn zɛnaa ma-n wa. A giala, Lawa lɛ zɛ̀rɛ yɛ ma ganaa wa, n din kii dɔ wɔ paǹ li, ma sii kɔn la wa.»

Sofonii 3:12

Má bɛ́ re min mɛnɛn toɛ ka bii, doobaan laanka pàãwɛɛnaan manɛ, ǹsɛn mɛnɛn foo bɛ́ doa-n Dɛnaa Lawa ganaa.

Matiə 27:43

N foo doa Lawa ganaa n pɛ, mà nsɛ n Lawa a Nɛgiĩ lɛa. Haya! Bɛ̀ Lawa lɛ a n narɛ kəni, a n kirisibaa sisia, wɔsɛn nə yɛ!»

Matiə 7:23

Ma á re pii ǹ ni: «Ma bin ka dɔ̃ wa. Ka n tan, ka n bɔ ma li, sii baraa-zɛnaalin kɛn!»

Zaã a sɛ́wɔ 10:14

Masɛ n sèren-lɛduə̃li sonbore lɛa. Maa Díi bɛ́ ma doɛ̃ lɔn ke, masɛ dɔ bɛ́ maa Díi doɛ̃ lɔn ke, min mɛnɛn bɛ́ masɛ wɔn lɛa, masɛ dɔ n bɛn lɛn doɛ̃ miɛ̃, ǹ dɔn man masɛ doɛ̃ miɛ̃, ka sèren-lɛduə̃li bɛ́ a sèren doɛ̃ lɔn, ka sèren dɔn bɛ́ ǹ lɛduə̃li doɛ̃ lɔn. Ma nə n din koe bɛn lɛn lɛa.

Zaã a sɛ́wɔ 10:27

Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

Rɔmu minin 11:22

N yiri kɔ sii màn paa kɛ li: Lawa a bǐɛ̃baa kɛ laanka a kakaarɛbaa kɛ nɛ. A n kakaarɛ a piãman wolen ganaa, a n bǐɛ̃ zɛnɛɛ nsɛ dɔ nɛ. Sɛnɛ, yǎa n goɛ̃ bɛa bǐɛ̃ kɛ lɛ nɛ, bɛ bie wa, á re n dɔ kuri a n daa.

Galaasi minin 4:9

Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»