Nahumu 1:3 - LAWA A BOO SONBORE 2011

³ Dɛnaa Lawa foo a yui fufuu wa. Sɛnɛ a zɛ̀rɛdɛnaa bíi zɛ̀rɛbaãdɛnaa wa. A pàã golebaa miã banban. Piɛ̃ laanka kurunkurun na a kiɛ̃ ǹ zii lɛa. A gòã giulun gusuũ n ka labaran nɛ.

LAWA A BOO SONBORE

³ Dɛnaa Lawa foo a yui fufuu wa. Sɛnɛ a zɛ̀rɛdɛnaa bíi zɛ̀rɛbaãdɛnaa wa. A pàã golebaa miã banban. Piɛ̃ laanka kurunkurun na a kiɛ̃ ǹ zii lɛa. A gòã giulun gusuũ n ka labaran nɛ.

Nahumu 1:3 ပူးပေါင်းရင်းမြစ်များ

Samayeli2 22:10

Dɛnaa Lawa lon toɛ̃, á gisĩ. Á gisĩ ka labara kaara nɛ a gòãn giulun.

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Zɔbu 10:14

Ma n giɛ li, bɛ̀ ma á sii baraa zɛnɛɛ, n ma kũ a lɛ-a, n nə́ n ba maa sã toɛ ma-n wa.

Zɔbu 38:1

Dɛnaa Lawa Zɔbu lɛ si piɛ̃ gole bii, á pɛ:

Zɔbu 9:4

Sii-doɛ̃ na á goã Lawa din ni, pàã tumaa na á goã a din ni. Die nə n gòãn dii a ganaa, n wusoo n na a laakalaa?

Loen 103:8

Dɛnaa Lawa tá min makara doɛ̃, a nə n yiri koɛ wɔ li, a foo a yui fufuu wa, kɔn-narɛɛ ná a foo pã.

Loen 104:3

N din nə n giã ǹ bǎã koɛ mu lalan lon sɔsɔɔ. Ma n labaran biɛ n wotoro lɛa, n nə n tɔ we piɛ̃ li.

Loen 145:8

Dɛnaa Lawa din nə Lawa bǐɛ̃ lɛa, a tá min makara doɛ̃. A foo a yui fufuu wa, kɔn-narɛɛ ná a foo pã.

Loen 147:5

Wɔa Dɛnaa lɛ á gole, Pàãyiidɛnaa nɛ. A sii-doɛ̃ kɛ lɛ dan banban.

Loen 50:3

Wɔa Lawa lɛ á die, a re n lɛ tiɛ̃ wa. Tɛ n wɔlɔ kuĩ a nyɛɛnɛ, piɛ̃ gole n boe a lɛnpɛnɛ.

Loen 62:11

Ka baran n foo doa baraabaa sii zɛnaa ǹ gɔnɔn ganaa wa, màn mɛn bɛ́ n sii ka pàã nɛ, ka baran n yiri koa màn kɔn ganaa bɛ gɔ́ɔ̃-n wa. Bɛ̀ kaa naforon tá mɔnɛɛ, ka baran n foo kɔ bɛn la wa.

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Izayii 19:1

Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

Izayii 29:6

Dɛnaa Lawa Pàãyiidɛnaa á re sii zɛnɛɛ n wɔ a paǹ li, ka la a ginii ni, tán a bìn diɛ nɛ, ka bìn diɛ gole ne piɛ̃ gole giulun, la giulun ka la a tɛ-pɛ nɛ.

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Danayeli sɛ́wɔ 7:13

Ma bɛ́ tɔn giɛ, ma màn mɛn yɛ maa tèlò a narɛɛ lɛ gɔ́ɔ̃-n doo, bɛ á ke: Má min yɛ ka min a nɛgiĩ bɛ́ lɔn, a n lon a labaran la die. Á daa yǎa giĩ zizi lɛ li, ǹ nə́ kũ ǹ nə́ daa nɛ a yɔrɔ-a.

Ozee 8:7

Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Zowɛli 2:13

Ka n gɔ́ɔ̃ binyəə, bɛ á soɛ ka lala diɛ nɛ.» Ka wusoo ka da Dɛnaa Lawa li, kaa Lawa lɛ. Bǐɛ̃ gigiã na a din li, a din nə makara doɛ̃ wole lɛa, a foo a yui fufuu wa. A minin narɛɛ á gole, á boe la a dɔlɔ toa min ni.

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Zakarii 9:14

Ka bɛ-n kəni, Dɛnaa Lawa n die yui lon ǹ mìi la, a kiɛ kɛ wo ka la a tɛ pɛ bɛ́ lɔn. Dɛnaa Lawa n die bɛn pii, a wo nyɛɛnɛ ka labara nɛ, boe gusin a lɛ̀gɔn la.

Minin nimi 14:18

«Masɛ din nə Dɛnaa Lawa lɛa, ma foo a yui fufuu wa, maa bǐɛ̃ zɛnaa pàã ń gole. Masɛ n siɛ̃-wole a sii baraan laanka bɔlɔ-tii siin tɔɛ ǹ dɛnan manɛ. Sɛnɛ, ma a zɛ̀rɛdɛnaa bii zɛ̀rɛbaãnaa wa. Ma n díin dɔlɔ boe ǹ nɛnyaanan ganaa, yǎa ǹ nɔ̀ɔnɔn nɔ̀ɔnɔn ganaa.»

Matiə 26:64

Yezu tɔ́n pɛ nɛ: «Ka n pɛ lɔn. Sɛnɛ, masɛ n pii ka nɛ: A saa sisia ganaa, ka á re Min a Nɛgiĩ yii giã-n tán Lawa Pàãyiidɛnaa gusin, ka á re masɛ yii dɔn die lon a labaran la.»

Zaaki 1:19

Ka dɔ̃, ma dɔɔ̃n narɛɛ wolen lɛn, didie doamaa nɛ a n too kɔ doɛ̃, min kɔ́n baran n lɛ fuu kɔ a boo da wa, min kɔ́n foo baran yoo fufuu wa.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!