Misee 7:11 - LAWA A BOO SONBORE 2011

¹¹ Kaa kiwi lɛ a kungɔnɔn lɛn bɛ́ re wusii ǹ nə n dɔ ǹ mɛn waáraa, bɛa pinaa kɛ lɛ nɛ, kaa gána lɛ giala á die n boe li.

LAWA A BOO SONBORE

¹¹ Kaa kiwi lɛ a kungɔnɔn lɛn bɛ́ re wusii ǹ nə n dɔ ǹ mɛn waáraa, bɛa pinaa kɛ lɛ nɛ, kaa gána lɛ giala á die n boe li.

Misee 7:11 ပူးပေါင်းရင်းမြစ်များ

Nehemii 2:17

Má tɔn pɛ ǹ nɛ: «Koe mɛn bɛ́ wɔ mìi ni, ka yii ba bɛ ganaa wa? A giala ǹ nə́ Zeruzalɛmu yu. Tɛ ná a kiɛnlɛn kũ. Ka daa wɔ n tan, wɔ wusoo wɔ Zeruzalɛmu a kungɔn lɛ dɔ, wɔ n bɔ sìi bii!»

Nehemii 2:8

N sɛ́wɔ lɛ a goon dɔ kɔ ma kɔ kii a daã-lɛduə̃li, Asaafu kɛ la, màn mɛn bɛ́ toɛ a gɔn kɔ ma la, kiwi tamaa ǹ kungɔn ke kunu Lawa a kion lɛ ganaa, ma bɛa kiɛnlɛn zɛnaa nɛ, ka kiwi lɛ a kungɔnɔn nɛ ka ma din bɛ́ re woe giɛ̃ kion mɛn dɔ nɛ.» Kii lɛ bɛa sɛ́wɔn lɛn kɔ ma la, a giala maa Lawa lɛ gɔn goã kun manɛ.

Nehemii 4:3

Sɛnɛ, wɔ́ wɔa Lawa lɛ nyankɔ, wɔ́ bǎã-lɛduə̃lin koa bɛn nə́ bǎã lɛduĩ penleen laanka tèlò ne, màn mɛn bɛ́ toɛ, ǹ kiwi lɛ tamaa a zia damaa wolen lɛn ganaa.

Nehemii 4:6

Sɛnɛ Zuifun mɛnɛn nə goã giã-n wɔa zɔ́ɔn lɛn bii, bɛn nə́ gunyin fù yɛ die gòon yiɛ wɔ-a: «Zɔ́ɔn lɛn tá re boe paǹ yii li ǹ da ka tɔwaa.»

Izayii 54:11

Zeruzalɛmu, nɔmaa wole, piɛ̃ gole nə n gialaa, min kɔn ba n foo doɛ wa. Masɛ Dɛnaa Lawa n die wusii ma n dɔ ka kɔlɔ nɛ, ǹ nyaǹ nə koe ne. Man die n goã daɛ ka kɔlɔ giɔ̀mɔ kakaan nɛ, bɔlɔn lɛa.

Izayii 54:2

N zìã lɛ bɔ, n màn da a golebaa li. N nyan ga n wɔrɔ ziziɛ̃ ganaa wa. Màn da n zìã lɛ a biɛn sasabaa li, n na a kiɛn dere tán ǹ paraa.

Izayii 58:12

Kɛbɔlɔ zizin kɛn, n zaman lɛ tá re bɛn doe. N tá re kion doe kɛ gòã zizin kɛn la ǹ nə́ n la bɔ ǹ ganaa haalɛ bibi. Ǹ tá re n bíi: «Tɔrɔ mɛn bɛ́ kɛ kolon tiɛ̃, a n wusii kiwi a ziin zɛnɛɛ.»

Izayii 61:4

Kungɔnɔn kɛn ǹ nə́ kaa lɛlɛ, ǹ tá re bɛn doe. Bǎãn mɛnɛn nə ziziɛ̃ haalɛ bibi, ǹ tá re wusii ǹ bɛn dɔ. Kiwin mɛnɛn nə yu lɛlɛ, ka bǎãn kɛn nɛ ǹ nə ziziɛ̃ haalɛ bibi, ǹ tá re wusii ǹ bɛn dɔ.

Danayeli sɛ́wɔ 9:25

Bɛ lɛ nɛ, toa n kɛ dɔ̃ n na a giala ma: boo mɛn nə n da, mà ǹ wusoo ǹ da Zeruzalɛmu kiwi lɛ dɔ, a saa bɛa boo lɛ a diɛ ganaa, a da kaa goledɛnaa kɛ a daa lɛ, Lawa pɛ mà asɛ á re diɛ, lɛ̀ sɔbaa wɔlɔ sɔbaa nɛ. Bɛ kio, lɛ̀ sɔbaa wɔlɔ pɔsɔrɔwenpaa, Zeruzalɛmu kiwi kɛ laanka a kungɔn tɔn nə n dɔ. Sɛnɛ, bɛa biikoo lɛ n die goɛ̃ kaka.