Misee 7:10 - LAWA A BOO SONBORE 2011

¹⁰ Wɔa zɔ́ɔn lɛn dɔn dinin tá re yii, sìi á die ǹ kuĩ. A giala, ǹ dinin lɛn man nə́ goã pii wɔ-n kɛnɛn: «Dɛnaa Lawa, kaa Lawa lɛ á maa?» Bɛ̀ ǹ tá tɔtɔrɛ kɛn la tán ǹ gòãn giulun ǹ mɛn waáraa, ka zii gialaa ǹ bɛrɛɛ bɛ́ lɔn, wɔ bɛ́ re giɛ ǹ ganaa mɛnɛn!

LAWA A BOO SONBORE

¹⁰ Wɔa zɔ́ɔn lɛn dɔn dinin tá re yii, sìi á die ǹ kuĩ. A giala, ǹ dinin lɛn man nə́ goã pii wɔ-n kɛnɛn: «Dɛnaa Lawa, kaa Lawa lɛ á maa?» Bɛ̀ ǹ tá tɔtɔrɛ kɛn la tán ǹ gòãn giulun ǹ mɛn waáraa, ka zii gialaa ǹ bɛrɛɛ bɛ́ lɔn, wɔ bɛ́ re giɛ ǹ ganaa mɛnɛn!

Misee 7:10 ပူးပေါင်းရင်းမြစ်များ

Samayeli2 22:43

Má ǹ suu ka gusuũ bɛ́ lɔn piɛ̃ li, má tɔtɔrɔ ǹ la ka bɛrɛɛ bɛ́ lɔn zii giala-a.

Loen 109:29

Barka nə́ n bɔ ma zɛ̀rɛ-baalin lɛn nɛ, sìi nə́ ǹ kũ babaraa nɛ, ǹ ba n sii la doɛ̃ wa.

Loen 115:2

Wàa na á baa tɔrɔ kɔsɔn tá pii, mà wɔa Lawa lɛ á maa?

Loen 18:42

Ǹ tá re n lɛ dii, min ba re yii a ǹ kirisibaa wa. Ǹ tá re n lɛ dii Dɛnaa Lawa ganaa, a re ǹ lɛ sii wa.

Loen 35:26

Min mɛnɛn tumaa bɛ́ maa bɔ̀n yaa we, toa sìi gole nə ǹ kũ, ǹ puusə kɔ. Min mɛnɛn tumaa bɛ́ ǹ dinin koɛ ma ganaa, toa sìi nə ǹ kũ, ǹ yii kiɛɛrɛ kɔ.

Loen 42:10

Man li ma kɛ pɛ ma tamaali Lawa nɛ: Wàa na á baa n yiri bɔ ma nɛ? Wàa na á baa n toɛ ma á woe ka yɔrɔ-kɔsiɛ nɛ, maa zɔ́ɔn kɛn nə́ ma gialaa?

Loen 42:3

Lawa yiikoonaa kɛ sii n ma ganaa. Man die we a kion kɛ-n biĩ doo, ma golee a yɔrɔ-a?

Loen 58:10

Ǹ nyan laan mà a n piɛ̃ a bún baa, Lawa a foo-busii á re ǹ goɛ, ka piɛ̃ gole bɛ́ lɔn, a kiɛ̃ ǹ nɛ.

Loen 79:10

Wàa na á baa, n tá toɛ tɔrɔ kɔsɔn nə́ pii kɛnɛn: Ǹ Lawa lɛ á maa? Toa ǹ dɔ̃ wɔ yii ni, mà gɛ̀ dòo bɔ tan, ǹ dɔ̃ mà ǹ bɛ́ ǹ nə́ n dí-nyalin mɛnɛn dɛ, mà n tá re bɛn dɛ kɛ a gɛ̀ dòo boe.

Loen 92:12

Ma yii n maa zɔ́ɔn mɛnaa ganaa, ma too nə ǹ lɛ dɛ miɛ, bɛa minin kɛn lɛn giɛ maa bɔ̀n li.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 41:25

Má min da zii la gɔsɛ a lɛ̀gɔn la, a n boe wasa a bɔ ǹ bǎã-n die. A n ma tɔ guguru koe. A n tɔrɛ gánadɛnan la, ka ǹ bɛ́ tɔrɛ bɛrɛɛ la lɔn, ka dɔn-bɔle bɛ́ gì tɔrɛ a gòã-n lɔn.

Zeremii 49:15

«Taãn nɛ, Edɔmu, man die n biɛ tɔrɔn tumaa a kiɛɛrɛ lɛa, tɔrɔ mɛn bɛ́ min tumaa ná a puusə koe.

Zeremii 51:24

Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

Zeremii 51:51

Wɔ bɛ́ wɔ́ sɔ kɔn kɛn ma, sìi wɔ kũ. Tiin bɛ́ ǹ nə́ kaa Dɛnaa Lawa a kion a bǎã sonbore kɛ nɛ, sìi na á n kɔ wɔ lɛ.

Ezekieli 7:18

Ǹ tá re gɛ̀ koa ǹ mɔnaan we, ǹ nə ǹ tumaa mìi kɔɔ̃. Gɔ̀nɔn bìn diɛ á re ǹ kuĩ, sìi nə́ ǹ tumaa ganaa.

Danayeli sɛ́wɔ 3:15

Haya! Ka tá re bɛn wuu lɛ miɛ doo, pìi ni, tùtun ni, kɔnkoɛ̃ɛn nɛ, ka bɛ̀ dɛ ǹ mànan tɔrɔ tumaa wuu ni. Bɛ̀ ka bɛa mànan kɛn lɛn wuu ma, ma màn nyín mɛn lɛ zɛnaa, ka á re lɛ koe ka kaa tán ka na a guguru kɔ? Bɛ̀ ka n piã mà ka ba a guguru koe wa-ǹ tá re ka kuĩ a din bǎã-n gɔrɔ, ǹ ka zũ nyankɔrɔ tɛ girigiri kɛ bii. Lawa mɛn nə die boe la a ka si masɛ gɔn?»

Zowɛli 2:17

Wúlu-bɔlen kɛn dí nyɛɛ Dɛnaa Lawa a kion, bɛn nə golee wɔ ǹ kiɛnlɛ kɛ laanka *wúlu bɔ ǹ bǎã kɛ bii, ǹ wuu pɛ, ǹ Lawa nyankɔ kɛnɛn: – E, Dɛnaa Lawa, makara bɔ ǹ zaman lɛ-a. N nyan toa sìi nə n din wɔn kɛn kũ wa, n nyan toa tɔrɔ kɔsɔn nə ǹ da yaa lɛa wa. «Ǹ Lawa lɛ á maa kəni?» N nyan toa tɔrɔ kɔsɔn nə bɛ pɛ wɔ-n ma.

Abdiasi 1:10

Ka kakaarɛbaa ǹ sii mɛnɛn zɛnaa, ka dɔɔ̃n Zakɔba tɔrɔn kɛn manɛ, bɛ lɛ n ke, sìi gole á die ka kuĩ. Ǹ tá re ka dii, ǹ ka nya lenlen.

Abdiasi 1:12

A da yaa, ka dɔɔ̃nɔn lɛn bɛ́ koe ne ǹ mɛn pinaa, bɛ̀ ka doamaa bie ka golee ka ga ǹ ganaa wa. Zudaa tɔrɔn kɛn bɛ́ bɔ̀n biɛ ǹ mɛn pinaa, bɛ̀ ka doamaa bie ka golee, ka yaa wɔ ǹ ganaa wa. Ǹ bɛ́ nɔmaa gɔ́ɔ̃ nɛ ǹ mɛn pinaa, bɛ̀ ka doamaa bie ka n lɛ wɔ ǹ ganaa wa.

Misee 4:11

Sɛnɛ sisia, gána gigiã nə́ n lɛ sɔkɔn, ǹ tá ka gialaa. Maǹ pii: «Ka daa wɔ Zeruzalɛmu zaãbaa, bɛ̀ wɔ yii nàn diɛ̃ bɔ a kɛbɔlɔ la.»

Misee 7:8

Wɔa zɔ́ɔn lɛn, ka nyan yaa wɔ wɔ ganaa wa koe! A giala, ta wɔ́ mɛnaa, wɔ á re wusii wɔ yoo. Ta wɔ n giã-n wɔlɔ tì li, Dɛnaa Lawa din nə wɔa tɛ fúlu lɛa.

Sofonii 3:15

Zɛ̀rɛ mɛn tumaa bɛ́ ka bɔlɔ-a, Dɛnaa Lawa bɛ bɔ, á kaa zɔ́ɔn kaa baa la. Dɛnaa Lawa, Izirayelin kii tá kun ka ka nɛ. Ka nyan nyɛ́ɛ baa bɔ̀n nɛ doo wa.

Zakarii 10:5

Maǹ die goɛ̃ ka sɔraasi foo taãnaan bɛ́ lɔn. Min mɛnɛn bɛ́ zia biɛ ǹ ganaa, ǹ tá re bɛn tɔtɔrɛ ka zii la ǹ bɛrɛɛ bɛ́ lɔn. Maǹ die yɔ boe miɛ̃, a giala, Dɛnaa Lawa á re goɛ̃ kunun ǹ ni. Sìi á re n koe zɔ́ɔn sùi da baa-a wolen lɛ.

Malakii 1:5

Kasɛn Izirayeli minin ka á re bɛ tumaa yii, ka á re pii: «Dɛnaa Lawa nə́ n pàã nyaa á Izirayeli gána a gèlè la bɔ nɛ.»

Matiə 27:43

N foo doa Lawa ganaa n pɛ, mà nsɛ n Lawa a Nɛgiĩ lɛa. Haya! Bɛ̀ Lawa lɛ a n narɛ kəni, a n kirisibaa sisia, wɔsɛn nə yɛ!»

Zozoe 7:9

Kanaan minin lɛn laanka gána lɛ a min gialakunun tumaa bɛ́ re kɛ miɛ ke, maǹ die n bɔyɛɛ wɔsɛn li, ǹ wɔ dɛ, wɔsɛn boo ná a ba n diɛ gána kɛ-n doo wa. Ma n die wàa mɛn zɛnɛɛ, minin nə tɔn nə n tɔ gole kɛ dɔ̃ kəni?»

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.