Misee 6:5 - LAWA A BOO SONBORE 2011

⁵ Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

LAWA A BOO SONBORE

⁵ Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

Misee 6:5 ပူးပေါင်းရင်းမြစ်များ

Loen 111:4

A n giɛ li, mà ǹ nə n yiri koa ka asɛ a nya ǹ dí dadaran kɛn nɛ. Dɛnaa Lawa lɛ á bǐɛ̃ zɛnɛɛ, á makara doɛ̃.

Loen 143:11

N din tɔ kɛa gugurubaa taman yii, Dɛnaa Lawa, toa ma yii goã koo. N din a peperebaa taman yii, ma bɔ n ma bɔ fuu ni.

Loen 36:10

Yiikoonaabaa lɛ a bɔ ǹ bǎã n ka n din ni, n din a wɔlɔ fúlu lɛ n toɛ wɔ yii á wɔlɔ yii.

Loen 71:19

Lawa! N peperebaa lɛ á gole, á la yii ni, ń dí dadaran dɔn nya. Lawa! N miã banban.

Izayii 1:27

Bɛ̀ Siɔn kiwi kɔ peperebaa ǹ zii lɛ, á re kirisibiɛ. A min mɛnɛn bɛ́ re n bɔyɛɛ ǹ da masɛ li, bɛn tá re kirisibiɛ ǹ peperebaa taman yii.

Minin nimi 22:41

Bɛa lɛawaa baayɛlɛ, Balaaki Balaamu kũ, ǹ nə́ woo dii, Bamɔti-Baali la. Balaamu nə́ n toa walan, a yii n Izirayeli zaman lɛ gialakun ganaa.

Minin nimi 23:27

Balaaki wusoo á pɛ Balaamu ni: «Da kiɛ̃ kəni, ma n kũ ma wo n ne bǎã kɔsɔ nɛ. Kɔntan, Lawa á die lɛ koe la, a n toa bɛa bǎã lɛ nɛ, n lɛn baraa bii zaman kɛ lɛ li maa lɛa.»

Minin nimi 25:1

Izirayeli minin lɛn nə́ giã Sitimu. Ǹ ná a giala kɔ walan ǹ nə́ narɛbaa zɛnɛɛ kun ka Moabu gána lɔn nɛ.

Minin nimi 25:2

Bɛa lɔn lɛn man nə́ goã lɛ diɛ Izirayeli zaman lɛ la, ǹ dì wúlu bɔn ganaa. Zaman lɛ dɔ na á goã woe màn bii, bɛ̀ ǹ nə ǹ dìn lɛn guguru kɔ.

Minin nimi 31:16

A da yaa, bɛa Madiã lɔn kɛn lɛn dinin man nə́ n saa Balaamu a boo li, ǹ nə́ toa Izirayeli minin lɛn nə́ n baa bɔlɔgoonbaãdɛnan lɛa Dɛnaa Lawa yɔrɔ-a wa, Pewɔɔrɔ a sii kɛ gɔ́ɔ̃ nɛ. Bɛ́ toa koe bɔ Dɛnaa Lawa a zaman lɛ ganaa.

Minin nimi 31:8

Ǹ nə́ Madiã minin kii sooro kɛ dɔ dɛ: Ɛvi ni, Rekɛmu ni, Suuru ni, Uuru ni, ka Rebaa nɛ. Ǹ nə́ Bewɔɔrɔ a nɛgiĩ Balaamu kɛ dɔ dɛ.

Minin nimi 33:49

Maǹ nə́ giã Moabu gána a nyankɔrɔ lɛ lɛ nɛ, kunu Zurdɛ̃ tà li, Bɛti-Yesimɔti laanka Abeli-Sitimu biin ni.

Efɛɛzi minin 2:11

Ka bie ká yɛ Zuifun lɛa wa. Zuifun man nə́ goã ka bíi soroman, ǹ nə́ n dinin bíi kurii wolen. Bɛa kurii lɛ n sii a kɔnboe lɛa, ǹ nə́ goã zɛnɛɛ ǹ dinin gɔ̀nɔn ganaa. Ka goã lɔn lɛlɛ, ka n yiri koa ka bɛ nɛ.

Timəə dí-pɛn 16:3

Yɔ bù bɛ́ buuru mɛn li, ka nyan bɛ sɔ̃ kun ka bɛa zɔ́n lɛ a màn-bii-n wa. Yɔ bù bɛ́ a ba buuru mɛn li wa, ka bɛ sɔ̃ lɛawaa sɔbaa gɔ́ɔ̃ nɛ. Nɔmaa ǹ buuru ni, a giala, ka n ká soo Ezipti gána-n ka fuu ni. Bɛ̀ ka á bɛa buuru lɛ soɛ̃, ka n yiri kɔ kaa soo Ezipti gána-n lɛ li, kaa yiikoonaabaa lɛawaan tumaa gɔ́ɔ̃ nɛ.

Timəə dí-pɛn 23:6

Sɛnɛ, kaa Lawa, Dɛnaa Lawa nə n too kɔ Balaamu lon wa, á ná a lɛn baraa bii lɛ din bɔyaa á baa lɛn bǐɛ̃ bii lɛa, a giala a tá ka narɛ.

Timəə dí-pɛn 8:18

Sɛnɛ, ka n yiri koa li ka dɔ̃, mà kaa Lawa, Dɛnaa Lawa na á pàã kɔ ka la, ká tɔ́n bɛa gɔn mànan lɛn yɛ. A na á bɛ zɛnaa á nyaa, mà asɛ lɛ kɔ kɔn la mɛn wɔ ka ka digolon ne, mà bɛ á tɔn a giala la, haalɛ pelo.

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Timəə dí-pɛn 9:7

Ka sii mɛn zɛnaa, ká kaa Lawa, Dɛnaa Lawa lɛ foo yoo ne don, ka n yiri kɔ bɛ li, ka nyan toa ka yiri bɔ ka bɛ-n wa. A saa kaa soo Ezipti gána-n ganaa, a da kaa kaa dɔ kànaa kɛ lɛ, ka gòãn man dii-n kɔn ka Dɛnaa Lawa-n miɛ̃.

Zozoe 2:1

Nunu a nɛgiĩ Zozoe nə́ n toa Sitimu kiwi, á giĩ min paa dia ka durii ni, á pɛ ǹ nɛ: «Ka woo, ka ga gána lɛ ganaa, ka ga Zerikoo kiwi kɛ sɛ din ganaa a tɔ-a.» Ǹ bɛ́ ǹ nə́ woo ǹ nə́ dɔ gána lɛ nɛ, ǹ nə́ woo kaa lɔ kɔrɔ goon a kion, ǹ nə́ waa walan. Lɔ lɛ tɔ n Rahabu.

Zozoe 3:1

Bɛa lɛawaa, Zozoe yoo baayɛlɛ yiisoone. A laanka Izirayeli minin lɛn tumaa soo Sitimu kiwi, ǹ nə́ woo yǎa Zurdɛ̃ tà lɛ-a. Ǹ nə́ golee walan boɛɛnɛ, bɛ kio, ǹ nə́ tɔ́n tà kuru.

Zozoe 4:19

Mui bibinaa a lɛawaa fùbaa ǹ wɔ nɛ, zaman lɛ soo á n bɔ Zurdɛ̃ tà lɛ gɔ́ɔ̃ nɛ. Ǹ nə́ woo golee Gilgaali bɔrɔ, Zerikoo kiwi a lɛ̀giala gɔn la.

Piɛrɛ2 2:15

Ǹ nə́ zii sonbore toa walan, ǹ nə́ ǹ dinin papaã ǹ wɔ saa. Maǹ nə́ Bozɔɔrɔ a nɛ Balaamu a sii-zɛnaa ǹ gɔn saa, bɛ mɛn bɛ́ á lɛ kɔ sii baraa-zɛnaa ganaa wɔrɔ a lɛa.

Zaã1 1:9

Sɛnɛ, bɛ̀ wɔ á wɔa sii baraan pii Lawa nɛ, a din nə bɔlɔgoondɛnaa lɛa, a n pepere dɔn. Á re wɔa sii baraan toɛ wɔ nɛ, a wɔ yoreen kɔ sii baraa tumaa ganaa.

Zude 1:11

Bɔ̀n nə ǹ wɔ lɛa! A giala, maǹ nə́ Kanyɛ a baraabaa ǹ zii kɛ saa. Ǹ dɔn nə́ n dinin kɔ minin bebele a màn si ǹ dí kɛ la, ka Balaamu bɛ́ á goã zɛnɛɛ lɔn. Koore minin gɔ́ɔ̃ tii lɔn, ǹ tumaa bɔ̀n baa kun, ǹ dɔn man nə́ bɛa zii lɛ saa, ǹ nə́ woe bɔ̀n biɛ.

Sii-nyaan 2:14

Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.

Sii yɔrɔ-bɔlen 11:25

A bɛ́ miɛ̃ dinin, nsɛ n soɛ Moabun kii Sipɔrɔ a nɛgiĩ Balaaki ni? A Izirayeli minin lɛn bobo wa, a zia dɔ baa ǹ ganaa wa.

Sii yɔrɔ-bɔlen 5:11

Tɔɔn-lɛduə̃lin bɛ́ ǹ tɔɔn goe mu ni, ǹ nə́ goã Dɛnaa Lawa a sii sonboren kɛn laakalɛɛ, a sii sonboren mɛnɛn zɛnaa Izirayeli gána nɛ, ka a din pàã nɛ. Bɛ lɛ n ke, Dɛnaa Lawa a minin nə́ woo kiwi a zaman paã ǹ bǎã nɛ.

Samayeli1 12:7

Sisia, ka kiɛ̃ ka da Dɛnaa Lawa yɔrɔ-a, Dɛnaa Lawa sii bǐɛ̃ mɛn tumaa zɛnaa ka dinin laanka ka digolon manɛ, ka bɛ nimi ǹ ni bɔrɔ, ǹ yɛ.