Misee 3:7 - LAWA A BOO SONBORE 2011

⁷ Sii-nyalin kɛn wɔ n ka sìi ni, sii yɛ wolen kɛn wɔ n ka sìi ni. Ǹ tá re pìi koe ǹ yɔrɔ lɛ, mà ǹsɛn manə ǹ sìi duri ni. A giala, Lawa a re ǹ lɛ sii doo wa.»

LAWA A BOO SONBORE

⁷ Sii-nyalin kɛn wɔ n ka sìi ni, sii yɛ wolen kɛn wɔ n ka sìi ni. Ǹ tá re pìi koe ǹ yɔrɔ lɛ, mà ǹsɛn manə ǹ sìi duri ni. A giala, Lawa a re ǹ lɛ sii doo wa.»

Misee 3:7 ပူးပေါင်းရင်းမြစ်များ

Loen 74:9

Wɔ yii ba n din a tá wɔ li ǹ sii kɔn ganaa doo wa. N boo gii-dali kɔn banban doo wa. Á n die goɛ̃ miɛ̃ dɔn yǎa biĩ, wɔ kɔn ba bɛ dɔ doɛ̃ wa.

Bɔ bɛ̀rɛbaa nɛ 9:11

Boreen lɛn lɛa, kɔ́lɔnbaalin kɛn nə boo la, ǹ nə́ golee masɛ Muizu yɔrɔ-a wa, a giala, boreen man nə́ goã ǹ dininmaan laanka gána minin lɛn tumaa ganaa.

Izayii 44:25

Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Ezekieli 24:17

Gini n din gɔ́ɔ̃ nɛ, n nyan toa n gɛ̀ koa wa. N mɔnaa gɔn kɛ pɛnɛ n mìi ganaa, kɔsɔnɔn wɔ ka n bɛ́ zɛnɛɛ lɔn lɛlɛ. N nyan màn kɔ n lɛ ka lɛ wa, n nyan lɛ kɔ n gɛ̀ wù si wa.»

Ezekieli 24:22

Ezekieli zɛnaa lɔn, ka dɔn die ka zɛnaa miɛ̃. Ka nyan toa ka màn kɔ ka lɛ ka lɛ wa, ka nyan lɛ kɔ ka gɛ̀ wù si wa. Ka kaa mɔnaa gɔnɔn toa ka mìi ganaa, ka kaa kɔsɔnɔn toa ka gòãn ganaa.

Lawa a wúlu-bɔlen 13:45

Gɔ̀nɔn ki busu babaraa lɛ bɛ́ min mɛn ganaa, ǹ dɛnaa doamaa nɛ, a na a mɔnaan tɔtoɛ̃ ka gɛ̀ na á gã la, a n mìi ka toa lɔloɛn kɔn, a pii kɔ a lɛ lɛ, a n lɛ dɛ a pɛ: Man gɔ̀dɛnaa lɛa! Man gɔ̀dɛnaa lɛa!

Amɔɔsi 8:11

Dɛnaa Lawa pɛ kɛnɛn: Á ke lɛawaan tá die, ma á re bòo diɛ gána lɛ nɛ. Màn-bii wɛɛ a bòo bie wa, mu wɛɛ a mu boro bie wa. Sɛnɛ, Dɛnaa Lawa a boo kɛ a mu boro n die minin kuĩ.

Misee 3:4

Min mɛnɛn bɛ́ bɛ lɛ zɛnɛɛ, ta ǹ nə́ n lɛ dɛ Dɛnaa Lawa ganaa ǹ mɛn pinaa, a re n nyii ǹ la wa. A n die n yɔrɔ din bɔyɛɛ a bɔ ǹ la bɛa pinaa, ǹ zɛnaa ǹ sii babaraan lɛn taman yii.

Misee 7:16

Tɔrɔ kɔsɔn lɛn dɔn dinin tá re yii, sìi á die ǹ kuĩ, ǹ laanka ǹ pàãdɛnaabaa kɛ lɛ din tumaa nɛ. Ǹ tá re n kaãbiɛ, boo din ná a re n diɛ ǹ la wa. Ǹ tá re goɛ̃ ka too tere-an bɛ́ lɔn.

Zakarii 13:4

Bɛa waáraa, sìi á re Lawa a boo gii-dali soɛ-bɔlen kuĩ ǹ Lawa a boo gii-dalibaa laanka ǹ sii-yɛn kɛn laakalaa a lɛa. Ǹ yii á re we doo ǹ maa zaman sã ka Lawa a boo gii-dalin ki mɔnaa kɛa wɔ-n wa.

Samayeli1 14:37

Sayulu nɔ̀n da Lawa la: «Ma doamaa nɛ ma Filisiti minin lɛn kio loo? N tá re ǹ we Izirayeli minin gɔn?» Sɛnɛ, bɛa pinaa kɛ lɛ nɛ, Lawa na a lɛ si wa.

Samayeli1 28:15

Samayeli pɛ Sayulu ni: «Wàa na á baa n ma bíi, ń maa susui lɔlɔkɔn?» Sayulu pɛ: «Ma n nyɛ́ɛ gole gɔ́ɔ̃ nɛ. Filisiti minin man zia diɛ ma-a, Lawa nə́ n wɔlɔ lui ma ganaa. A ba ma lɛ sii doo wa. A ba Lawa a boo gii-dalin hinlaa narɛɛn siɛ doo a tá ma lɛ sii-n wa. Bɛ lɛ nɛ, ma lɛ dia n la, màn mɛn bɛ́ toɛ, ma doamaa bɛ́ nɛ ma sii mɛn zɛnaa, n bɛ pɛ ma nɛ.»

Samayeli1 28:6

Sayulu nɔ̀n da Dɛnaa Lawa la, sɛnɛ, Dɛnaa Lawa na a lɛ si wa. A na a lɛ si ka narɛ-n wa, a na a lɛ si ka buun diɛ-n wa, a boo kɔn dɔ da a boo gii-dalin manɛ mà ǹ pɛ-n wa.

Samayeli1 9:9

Lɛlɛ, Izirayeli gána nɛ, bɛ̀ ǹ tá re woe nɔ̀n diɛ Lawa la ka sii ni, maǹ nɛn bɛ̀ ǹ pɛ, mà ǹ daa ǹsɛn nə n ta sii-nyaali li. A giala, ǹ bɛ́ min mɛn bii pelo, Lawa a boo gii-dali, maǹ nə́ goã bɛ bii sii-nyaali.