Misee 3:4 - LAWA A BOO SONBORE 2011

⁴ Min mɛnɛn bɛ́ bɛ lɛ zɛnɛɛ, ta ǹ nə́ n lɛ dɛ Dɛnaa Lawa ganaa ǹ mɛn pinaa, a re n nyii ǹ la wa. A n die n yɔrɔ din bɔyɛɛ a bɔ ǹ la bɛa pinaa, ǹ zɛnaa ǹ sii babaraan lɛn taman yii.

LAWA A BOO SONBORE

⁴ Min mɛnɛn bɛ́ bɛ lɛ zɛnɛɛ, ta ǹ nə́ n lɛ dɛ Dɛnaa Lawa ganaa ǹ mɛn pinaa, a re n nyii ǹ la wa. A n die n yɔrɔ din bɔyɛɛ a bɔ ǹ la bɛa pinaa, ǹ zɛnaa ǹ sii babaraan lɛn taman yii.

Misee 3:4 ပူးပေါင်းရင်းမြစ်များ

Zɔbu 27:9

Bɛ̀ nɔmaa kɛ daa kaa la, Lawa á re a lɛ-dɛ miɛ̃ ya?

Zɔbu 35:13

Maǹ nə́ n lɛ dii kooro, Lawa a n too koe bɛ li wa. Pàãyiidɛnaa a bɛ miɛ wa.

Loen 18:41

N din nə toɛ maa zɔ́ɔn lɛn tá baa sii ma nyɛɛnɛ. Min mɛnɛn bɛ́ ma biɛ zɔ́ɔ, ma á re bɔ̀n diɛ bɛn-a.

Suusun 1:28

Ka á re ma bíi, sɛnɛ, ma a re ka lɛ sii wa. Ka á re giɛ ma li, sɛnɛ ka a re ma yii wa.

Suusun 28:9

Min mɛn bɛ́ n too tiɛ̃ màn mɛn bɛ́ toɛ a nyan dí-pɛn ma wa, a Lawa nyankɔ dɔ din nə sii bɔbɔnɛɛ lɛa.

Izayii 1:15

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Izayii 3:11

Sɛnɛ, min baraan wɔ n ka bɔ̀n nɛ, bɔ̀n woo bɔ̀n. A giala, a baraa mɛn zɛnaa, bɛ lɛ n die kuĩ a mìi ni.

Zeremii 11:11

Bɛ lɛ nɛ, masɛ Dɛnaa Lawa á kɛ pii: «Á ke, man die koe diɛ ǹ la, ǹ bɛ́ ǹ ba re n boe ǹ mɛn nɛ wa. Bɛ̀ ǹ tá gú diɛ, ma a re n too koe ǹ lon wa.

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Ezekieli 8:18

A bɛ́ miɛ̃, ma dɔ n die dɔlɔ boe ǹ ganaa ka ma foo ne. Ǹ makara a die ma kuĩ, ma ǹ toa walan wa. Ta ǹ nə́ n lɛ dɛ ma kio kɔsɛkɔsɛ, masɛ a re n too koe ǹ lon wa.»

Misee 3:7

Sii-nyalin kɛn wɔ n ka sìi ni, sii yɛ wolen kɛn wɔ n ka sìi ni. Ǹ tá re pìi koe ǹ yɔrɔ lɛ, mà ǹsɛn manə ǹ sìi duri ni. A giala, Lawa a re ǹ lɛ sii doo wa.»

Misee 7:13

Sɛnɛ, kanaa lɛ gɔ́ɔ̃ kooro á die goɛ̃, kanaa minin lɛn dinin zɛnaa ǹ sii taman yii, ǹ nya ǹ dín lɛn saraa nɛ.

Zakarii 7:13

á pɛ: «Ma bɛ́ máa ǹ ma bɔlɔ si, ǹ nə n too kɔ wa. A din yii goon ne, bɛ̀ ǹ tá gú diɛ, ma dɔ ba n too koe ǹ lon wa.

Matiə 7:22

Bɛ̀ kiri wɔ pinaa lɛ dɔ, min gigiã tá re pii masɛ nɛ: «Dɛnaa, Dɛnaa, wɔsɛn nə́ Lawa a boo pɛ ka n tɔ nɛ, wɔ́ nɔ̀ɔnɔn loo wɔ́ ǹ bɔ minin ganaa ka n tɔ nɛ, wɔ́ kaãbaa ǹ sii gigiã zɛnaa ka n tɔ nɛ!»

Luku 13:25

Bɛ̀ kiondɛnaa yoo á kiɛnlɛ tã, bɛ̀ ǹsɛn nə́ kanaa, maǹ die a giala koe ǹ kiɛnlɛ dɛ, bɛ̀ ǹ nə́ pii: «Dɛnaa, kiɛnlɛ bũ wɔsɛn manɛ.» Bɛa waáraa, kiondɛnaa lɛ n die ǹ lɛ sii mà asɛ ba ǹ bɔ ǹ bǎã doɛ̃ wa.

Zaã a sɛ́wɔ 9:31

Min tumaa á doɛ̃ mà Lawa ba sii baraa-zɛnaalin lɛ sii wa. Sɛnɛ, bɛ̀ min mɛn tá nyɛ́ɛ biɛ a yii ni, a ná a foo sii zɛnɛɛ, a n bɛa dɛnaa lɛ sii.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Samayeli1 8:18

Bɛa pinaa kɛ lɛ nɛ, ka dinin bɛ́ re kii mɛn boe, ka tá re ka lɛn lɔlɛkɔn Lawa ganaa bɛa kii lɛ taman yii. Sɛnɛ Dɛnaa Lawa ba re ka lɛ sii bɛa pinaa kɛ lɛ-n wa.»