Misee 3:2 - LAWA A BOO SONBORE 2011

² Sɛnɛ, ka a sii bǐɛ̃ li wa, yǎa a baraa. Ka dinin man ma tɔrɔn lɛn ki boe, ka dinin man ma tɔrɔ minin lɛn siĩ sɔlɛɛ boe ǹ wen ganaa.

LAWA A BOO SONBORE

² Sɛnɛ, ka a sii bǐɛ̃ li wa, yǎa a baraa. Ka dinin man ma tɔrɔn lɛn ki boe, ka dinin man ma tɔrɔ minin lɛn siĩ sɔlɛɛ boe ǹ wen ganaa.

Misee 3:2 ပူးပေါင်းရင်းမြစ်များ

Kiin1 21:20

Akaabu bɛ́ á Yilii yɛ, á pɛ nɛ: «Ee maa zɔ́ɔ, ń ma wɔlɔ yɛ kəni.» Yilii tɔ́n na a lɛ si: Má n wɔlɔ yɛ, a giala n nə́ n din kɔ dí baraa nya la, Dɛnaa Lawa yɔrɔ-a.

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

Loen 15:4

Min mɛnɛn bɛ́ ǹ ba kɔɔ̃n Lawa ganaa wa, a laadoo ba bɛn ganaa wa, sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, a n bɛn narɛ. Bɛ̀ á n lɛ kɔ min la, ta a n nɔmaa nɛ a gɔ́ɔ̃ nɛ, a ba n bɔlɔ bɔyɛɛ wa.

Loen 53:4

Ǹ tumaa sã, ǹ tumaa ziziɛ̃. Ǹ kɔn din banban, bɛ́ n sii bǐɛ̃ zɛnɛɛ wa. Haalɛ goone!

Suusun 28:4

Min mɛnɛn bɛ́ ǹ ba koe dí-pɛn lɛ wa, maǹ min baraan laakalɛ. Sɛnɛ, min mɛnɛn bɛ́ koe dí-pɛn lɛ, bɛn manə n gòãn dii ǹ ganaa.

Izayii 3:15

Ka n maa zaman nɔmɛɛ, ka n pàã nyɛɛ doobaan nɛ. Bɛ giala mà wàa kəni?» Dɛnaa Lawa Pàãyiidɛnaa a da ǹ boo ne.

Izayii 5:20

Kaa wɔ n ka bɔ̀n nɛ, kasɛn mɛnɛn bɛ́ pii mà sii baraa n siĩni, mà sii sonbore n baraa. Ka n penleen bɔyɛɛ ka baa tèlò lɛa, ka tèlò bɔyaa ka baa penleen lɛa. Màn mɛn bɛ́ kɔɔsɛ, ka n bɛ bɔyɛɛ ka baa kɔɔ̃nɛ. Màn mɛn bɛ́ kɔɔ̃nɛ, ka n bɛ bɔyɛɛ ka baa kɔɔsɛ.

Izayii 57:12

Sɛnɛ, ma á re n peperebaa kɛ nyɛɛ foaã nɛ. N sii mɛn zɛnaa, n ba re a là goon yii wa.

Ezekieli 11:7

Bɛ lɛ na á toa masɛ Dɛnaa Lawa á pii: Kiwi lɛ n ka fɔlɔ donkolon bɛ́ lɔn sonbore. Ka min mɛnɛn lɛn dɛ ka ǹ kaa tán-a a nɛ, siĩ lɛ n ka bɛ nɛ. Sɛnɛ, ma á re kasɛn wɛɛ ma soo ka nɛ.

Ezekieli 22:27

Kiwi lɛ a nyɛɛnaandɛnan man ka don ginin bɛ́ lɔn siĩ soɛ̃. Ǹ yɔrɔ boemaa nɛ gɛ̀-dɛ taman yii, maǹ minin dii, ǹ nə́ giɛ pàãmaabaa li.

Ezekieli 24:4

Siĩ-kurii lɛ kaa kun walan, a kurii sonboren lɛn tumaa kaa a nɛ, a gòãn laanka a nyàan nɛ, a gɔ́ɔ̃ pã ka a we sonboren kɛn nɛ.

Ezekieli 34:3

Maǹ tɔɔn lɛn nyɔɔ soɛ̃, ǹ nə́ ǹ ka biɛ mɔnaa lɛa bɛ̀ ǹ wɔ, maǹ wúlu boe ka a kasiɛ̃ wolen ne. Sɛnɛ, ǹ ba giɛ tɔɔn lɛn dininmaan walan wa.

Amɔɔsi 4:1

Amɔɔsi tɔn pɛ: Kasɛn Samarii lɔn kɛn, ka n too kɔ, ka bɛ́ kasiɛ̃ nɛ ka Basan kiwi a dii daanan kɛn bɛ́ lɔn, buu soɛ̃ a kelen la, ka n mɛnɛɛ nɔmaa-wɔlen la. Ka n boe doobaan yii ni, ka n kɛ pii ka zuũn manɛ: «Ka da nɛ wɔ mi».

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Misee 2:8

Lɛlɛ doo, ka dinin man ka goã masɛ a zaman kɛa zɔ́ɔ lɛa. Ma min mɛnɛn lɛn si zia la, ǹ nə́ kiɛ̃ woe piɛ ǹ foo n tã, ka n ká goã we bɛn lɛ, bɛ̀ ka ǹ dɔnkɛ gole sɔlɔ, ka bɔ a boɛɛn lalan.

Misee 7:2

Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Sofonii 3:3

A nyɛɛnaandɛnan man ka yàran mɛnɛn bɛ́ gini. A kiri-wɔlen man ka don ginin bɛ́ lɔn, ǹ nə́ goɛ̃ bɛ ǹ dɔ dɔ wasamiɛ̃nɛ, sɛnɛ baayɛlɛ, màn kɔn ba goɛ̃ wa.

Luku 19:14

Sɛnɛ, a kɔɔ̃n a din a gána minin ganaa wa. Ǹ nə́ minin dia a kio mà ǹ pɛ kii gole gole lɛ nɛ, mà ǹsɛn ba li a giã ǹsɛn mìi la wa.

Zaã a sɛ́wɔ 18:40

Ǹ nə́ nɔmaa ǹ nə́ bɔ ǹ nə́ mɛ la ǹ nə́ n lɛ dɛ mà aba, mà a baran kɛ da wa. Mà a Barabaasi da! A da yaa bɛa Barabaasi lɛ dɔ n mɛnaa minin la wole lɛa.

Zaã a sɛ́wɔ 7:7

Kanaa minin ba boe la ǹ kasɛn baa zɔ́ɔ wa, sɛnɛ, masɛ, maǹ ma biɛ zɔ́ɔ, a giala, masɛ nə ǹ sɔ̀n pii, ǹ zɛnaa ǹ siin ba siĩn wa.

Rɔmu minin 1:32

A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Timote2 3:3

ǹ tá re kakaarɛ koe, ǹ ba re min makara doɛ̃ wa. Ǹ tá re kɔn tɔ ziziɛ̃ wolen biɛ, ǹ ba re n dinin kuĩ wa. Ǹ tá re baraa koe, sii bǐɛ̃ a die kɔɔ̃n koe ǹ ganaa wa.